Tell Me What To Do PLEASE

[ShiQ]

لااا تخاافي الخطه سهله بس انتي ذااكري اول باول وشدي حيلك ولا تتساهلي

انا الحمدلله كلها جبت فيها تمام وبقوولك كيف ذاكرت

اولا الاحياء

التست باانك فقط بس احفظييهم اول باول رتبي نفسك فيها مو قبل الاختبار بيوم ولا يومين انا عن نفسي يمكن قبلها بسبووع بديت احفظ قسمتها ايام الاسبووع اسهل ماده انا شايف هيا صح حفظها صعب بس لما تروحي الاختبار النهائي وتخلصي حل الاختبار ف ربع سااعه شعووور حلوو

ثانيا الكيميا

عن نفسي كنت في البداايه خاايف وملخبط مني عارف من فين اذاكر المهم ذاكرت من ملخصات حسن وحيد فقط واسئلة الاختبارات الساابقه شرح الدكتور كنت انتبهله اللين الاختبار الدوري الاول بعد كذا صرت بس احضر عشاان لايغيبني والحمدلله درجتي حلوه

ثاالثا الاحصااء

هنا اللخبطه المهم انا ذاكرت من ملخصات السعدي وحسن وحيد والاختبارات الساابقه
المااده دي مذااكرتها سهله وتخلصي وانتي فااهمه بس ترووحي الاختباار ماتعرفي ايش صاار
اكثر شي يلخبط فيه الاسئله النظريه

ماعندي ولاكتااب ولا سلاايدات بس المخصات والاختبارات الساابقه
هذا اللي انا عملتو ومعدلي الحمدلله فوق

نشووفك ف الطب إن شاء الله

وبتوفيييق

:)

[Jnoon E7sas]

شوفي لاتقعدين تحطمين نفسك كذآ ..
أي شي تبغيه سهلة حـ يسهل .. واذا تبغيه صعب استصعبيه >_< ..

بالمختصر ثقي بنفسك وتوكلي على ربك وابدي وشدي

[عاشقة علم النفس]

الله يوفقك في خطه ب

و ان شاء االله تحققي امنيتك بانك تدخلي الطب

و تكوووووووووووني احسن دكتورررررررررره

موفقه

و تقبلي تحياتي

[lovely one]

لا تخافي يا دكتوره انا معدلي على حافة الاربعه بشويه (خطه ا)بس للان حاطه فبالي انو الخيره فالي اختارو ربنا و ازا في درجه نقصتها فهي بسبب اهمالي مو بس بسبب مناهجهم الزباله لانو للان اغلبنا مهو راضي يستوعب هرجت انو لازم نستحي على وجهنا و نزاكر اول باول لانو دي السنه مصيريه قبل ما تكون تحضيريه
وبعدين قبل كدا اعتزرتي عشان بتكتبي مواضيعك بالانقليش...و معليه مرا بتستهبلي انتي ما عملتي شي غلط والمفروض الي مو عاجبو الموضوع لا يرد و كان ليكي عزرك انو ما تكتبي بسرعه بالعربي
انتي ادعي وخلي املك بالله كبير وازا ما دخلتي طب فاعرفي انها خيره من الله

[الســــــــــاطع]

شدي حيلك في باقي الفصول ولا تقعدين تتشكين من تدني درجاتك.............

ما احد راح ينفعك من كل اللي ردوا عليك.......

بالتوفيق

[ψφψφ вèĐéяi]

إن شاء الله تجيب معدل وانتي نايمة .. بس غير ادا صعبو عليكي الاسئلة ..
زي ما يقولو (افكـــآر جديدة)..
عمومــآ الاحياء سهل مره من التست بنك ..

اما الاحصــآء فنصيحة زاكري من ملخصات جمال السعدي 17 ملخص
تحصليهم في مكتبة القرطاسية(2000) .. مع سلآيدات سعيد الغامدي بعد ما تترجميها مع دكتورتك ..(ادا كانت تترجم)
واهم شي تزاكري االاختبارات حقت الاعوام السابقة والفصل الاول .. حقتنا يعني وخصوصن الاسئلة النهائيىة!!

اما الكيميا انا عن نفسي زاكرت من ملخصات دكتوري هاادي مرواني ..
وكمان دكتور خاص اسمو سييد .. ويوسف زويل يقولو طيبة ..
واهم اهم اهم شي تزاكري الاختبارات السابقة وخاصتن حقتنا حقت الفصل الاول ..
عموما يمكن النهائية ما تحصليها بس انا هربتها وبعدين انزلك هيا هع ..

[Dr.Passed]

المشاركة الأصلية كتبت بواسطة ψφψφ вèĐéяi إن شاء الله تجيب معدل وانتي نايمة .. بس غير ادا صعبو عليكي الاسئلة .. زي ما يقولو (افكـــآر جديدة).. عمومــآ الاحياء سهل مره من التست بنك .. اما الاحصــآء فنصيحة زاكري من ملخصات جمال السعدي 17 ملخص تحصليهم في مكتبة القرطاسية(2000) .. مع سلآيدات سعيد الغامدي بعد ما تترجميها مع دكتورتك ..(ادا كانت تترجم) واهم شي تزاكري االاختبارات حقت الاعوام السابقة والفصل الاول .. حقتنا يعني وخصوصن الاسئلة النهائيىة!! اما الكيميا انا عن نفسي زاكرت من ملخصات دكتوري هاادي مرواني .. وكمان دكتور خاص اسمو سييد .. ويوسف زويل يقولو طيبة .. واهم اهم اهم شي تزاكري الاختبارات السابقة وخاصتن حقتنا حقت الفصل الاول .. عموما يمكن النهائية ما تحصليها بس انا هربتها وبعدين انزلك هيا هع ..

جزاك الله خير بس ممكن اسأل كيف هربتها؟

[Dr.Passed]

المشاركة الأصلية كتبت بواسطة lovely one لا تخافي يا دكتوره انا معدلي على حافة الاربعه بشويه (خطه ا)بس للان حاطه فبالي انو الخيره فالي اختارو ربنا و ازا في درجه نقصتها فهي بسبب اهمالي مو بس بسبب مناهجهم الزباله لانو للان اغلبنا مهو راضي يستوعب هرجت انو لازم نستحي على وجهنا و نزاكر اول باول لانو دي السنه مصيريه قبل ما تكون تحضيريه وبعدين قبل كدا اعتزرتي عشان بتكتبي مواضيعك بالانقليش...و معليه مرا بتستهبلي انتي ما عملتي شي غلط والمفروض الي مو عاجبو الموضوع لا يرد و كان ليكي عزرك انو ما تكتبي بسرعه بالعربي انتي ادعي وخلي املك بالله كبير وازا ما دخلتي طب فاعرفي انها خيره من الله

إن شاء الله الخيره في الدخول

[بريد الاحساس]

يا حبيبتي لا تضغطي على نفسك
لا يكلف الله نفسا الا وسعها

اذا قدرت تجيبي معدل عالي ... كان بها

بس اذا الله ما أراد انك تجيبي معدل عالي .. مو لازم تدخلي طب أنا عارفة ان كلامي قوي بس عشان ما تضغطي على نفسل مرة وبعدين تصير النتايج عكسية لا سمح الله

وترااا الطب تخصص مرررره كبير ومووو سهل ابدا ... يعني 10 أضعاااااف التحضيري ...

وكثير ناس دخلت طب وسحبت من الضغط ...
أنا صحبتي طفشانه حيل وتبغى تسحب ... قالت والله التحضيري ولااااا شي جنب الطب ...

أنا ما أحبطك ... الله يوفقك بس ما ابغاكي تضغطي على نفسك مرة

[shahoooda]

طيب لو سمحتو بالنسبة لطب الاسنان ؟؟ ... اذا كان درجة الفيزياء 78 .. والمعدل 4.6 في امل ولا لأ ؟؟؟ :( :( .. انا نفسيتي مررة تعبت .. ومن اول احاول اخلي احد يرد عليا ..بليييز جاوبوني ...انا عارفة انو اكيد ربنا حيخترلنا اللي في فيه الخير ان شاء الله ... بس دا حلم حياتي من زمان :(