اذا اضطررت للاختيار بين @@@ المال __ الحب

[بحر الحرية]

أهلين أختي روبي..
انتي حطيتي حاجات برأيي إنها مررررة ما تصلح تكون خيارات بين اثنين!

طبعا قبل ما أتفلسف لو جاني سكر وقلي داا الخياار حقلوو هات فلوس بلا حب بلا وجع قلب >> طبعاا آخد بعقلوو حلاوة عشان يديني :p
والحب جوووات القلب نخبيه

نضرب عصفورين بحجر

الحب والمال!

حاجتين مررررررة مختلفة عن بعض، ولا يمكن تكون مجال اختيار بينهاا، لأنوو الحب إحساس جوات قلوبنا، وموجود عند كل إنسان فطرته سليمة، واللي مافي بقلبه حب، بنظري داا إنسان مريض، على عكس المال، مو كل واحد يملكه بكثرة.
ما تسمعي أم كلثوم تقول: طول عمري بخاف من الحب .. وسيرة الحب... وظلم الحب لكل اصحابوو


لكن ماقد سمعنا أحد قال طول عمري بخاف من المال وسيرة المال وظلم المال لكل اصحاابوو>> لأنوو ف الغالب يجي منتف وحالته حالة

الحب مانقدر نسيطر عليه، على عكس المال، اللي نقدر نسيطر عليه وننفقه وكداا..

بعدين مين اللي قلك الحب ما ينفنا الا ف الدنيا؟!!

لو استخدمه الإنسان في مكانه الصحيح وبطريقته الصحيحة وفي الخير، راح ينفعه سواء الحب أو المال، وعشان كداا الرسول عليه الصلاة والسلام قال: "اللهم هذا قسمي فيما أملك، فلا تلمني فيما لا أملك"، لأنوو الحب موجود جوت الإننسان غصبن عنه وصعب يقدر يسيطر عليه أو يقسمه بالتساوي بين كل الأشياء..

ومو شرط إنه الإنسان إذا كان عنده المال تكون حياته نكد، لكن المشكلة إنه الإنسان اللي يطغى عنده جانب على جانب شي أكيد راح تكون حياته كللللللللهااا نكد لو عنده كنوز قارون..
كمان لو كلللللللل حياته حب، لكن طغى جانب على جانب، راح تصير حياته كللللللللللللهاااا غلط..

عشان كداا ربنا قال: "إنا كل شيء خلقناه بقدر"

فلازم حتى احناا كبشر يكون عندناا كل شي بقدر، ما يكون الإنسان كللللللللل همه يجيب فلوس بدون ما يقدم شي مقابل لهاا وبدون ما يعيش فيهاا حياة سعيدة..
ولا يمكن إنه تكون كل حياته حب في حب بدون ما يقدم المقابل ويوزان الحب مع الأشياء التانية..

شكراا لكي على موضوعك..
سووو نايس؛؛

[rubi]

اهلين يابحر

صح كلامك فالنقطة دي

وخير الامور اوسطها

والفلوس لمن تجيب تكبر وغرور وظلم للغلابى

طبعا يكون شي غير مرغوب فيه ويكون اللي حصلو الصفات دي زي قارون ومصير قارون والعياذ بالله


اهم شي تثبيت ربنا لقلوبنا بالايمان


والله يسهل

وعلى نطة ان الحب مايفيد فالاخرة

الا ممكن يفيد<<ينتج عنو انجاب ابناء<<يدعولي فالحياة وبعد الممات وممكن يتصدقو عني او يحجو عني الخ الخ

لكن انا اقصد

بعد 10 سنين من الموت

هل في احد حيتذكرك وانتا ما عملت مدرسة مطورة خاصة او ملجا للايتام او اي شي جديد ومفيد ويكون هدفه ارضاء ربنا اولا واخيرا وتحته اهداف فرعية


دا قصدي

طبعا كلامي مو موجه ليك انت بس يابحر


بس انا كتبت بصيغة انت انت <<جات معايا كدا هع

عشان لاحد يجي ويعملي هوليلة على الاخطاء النحوية


شكرا بحر

[طالبة.مجتهدة]

لا طبعا

رح اختار الحب

لانه مثلا اذا اخترت المال مارح يفيدني في النهاية
لكن اللي يفيدك شخص يحبك يهتم فيكي مو شخص عنده فلوس وما يحبك ولا يدري عنك

عادي اكون فقيرة بس في احد يحبني

[rubi]

شكرا طوطو


احمحمحمحمحم خخخخ

[طالبة.مجتهدة]

ما تسمعي أم كلثوم تقول: طول عمري بخاف من الحب .. وسيرة الحب... وظلم الحب لكل اصحابوو

ياخي ما نحلم مثلا

ما حجبلك رد اغنية عشان لا اتاكل

[بحر الحرية]

هههههههههههههههههههه
والله اناا اللي شكلي حعملك الهوليلة

المشاركة الأصلية كتبت بواسطة rubi اهلين يابحر صح كلامك فالنقطة دي وخير الامور اوسطها والفلوس لمن تجيب تكبر وغرور وظلم للغلابى طبعا يكون شي غير مرغوب فيه ويكون اللي حصلو الصفات دي زي قارون ومصير قارون والعياذ بالله اهم شي تثبيت ربنا لقلوبنا بالايمان والله يسهل وعلى نطة ان الحب مايفيد فالاخرة الا ممكن يفيد<<ينتج عنو انجاب ابناء<<يدعولي فالحياة وبعد الممات وممكن يتصدقو عني او يحجو عني الخ الخ مو شرط خيتوو.. في ناس وربي اناا شخصياا بعرفهاا وربي تتمنى لأبوهاا أو أمهاا الموووووت، وفيهم كره لهم بشكل مو طبييييييييييييييييعي، فمو شرط يتصدقواا عنهم ولا شرط يحجوو عنهم، بالعكس ممكن يدعواا عليهم ليل نهار! وانتي لا تحصري الحب بس بين زوج وزوجة وأولاد! الحب أكبر من كداا وأوسع من كداا >> إلا اداا كان داا المقصد من موضوعك انتي لكن انا اقصد بعد 10 سنين من الموت من ناحية اني اكون غير منسي، فالشي داا لازم اكون اقدم حاجة للأمة كلهاا، يعني اجيب اختراع يفيد العالم كلللللللللللللللله، لكن ان كان على مدرسة تطويرية انشأتها مثلا، فكماان راح تستمر فترة وتنتهي.. مو مهم تطول الفترة تقصر الفترة، بس حيجي يوم وتروح للزوال واسير حاجة منسية.. لو افترضناا اننسان انشأ ملجأ للأيتام، ممكن يستمر ملجأه وممكن يجي ف يوم ويروح كلللللللللللله.. اعتقد كل الاشياء الباقية تكون بس عند ربناا، والناس والله حيجي اليوم اللي تنساناا فيه.. طال الوقت ولا قصر.. لكن ربناا سبحانه ما يضيع لناا شي، ولا ينسى شي، واعتقد دي حاجة ربناا يتفرد فيهاا عن كل البشر المخلوقين.. يعني مثلا الناس اللي استخدمت البترول وعملت اشياء منه سواء كهرباء أو غيره وكانت اول من اكتشف، لين اليوم نتذكرهم.. طيب البترول له فتره وحينتهي وحيسير حاجة تانية ف الكون.. الله أعلم ايش الأشياء الجاية، لكن هل تتوقي انهم يبقواا بنفس الذكر اللي هماا عليه اليوم؟؟ يعني مثلا اديسون أول من اخترع مصباح كهربائي، تتوقعي مسلا بعد ما تنتهي الطاقة الكهربائية حيكون له ذكر؟! أتوقع إنه لو ماتت فكرته راح يموت ويندفن معاهاا كمااان.. هل في احد حيتذكرك وانتا ما عملت مدرسة مطورة خاصة او ملجا للايتام او اي شي جديد ومفيد ويكون هدفه ارضاء ربنا اولا واخيرا وتحته اهداف فرعية شي طبيعي اني لو قدمت حاجة للناس تفيدهم، راح يستمرواا ف ذكري لييييييييين تنتهي قيمة الشي اللي اناا عملتوو.. دا قصدي طبعا كلامي مو موجه ليك انت بس يابحر بس انا كتبت بصيغة انت انت <<جات معايا كدا هع عشان لاحد يجي ويعملي هوليلة على الاخطاء النحوية شكرا بحر

على سيرة المال:
بصراحة في حاجة لاحظتها، ماشفت أحد غني غناء فاحش ومبسوط!
يعني شفت أغنياء غنى فاحش جداا، بس لمن ركزت فيهم لقيت حياتهم جداا مشتتة، يعني الأولاد ف جهة، والعيلة ف جهة، وانفصالات دايمة.. على انه المال موجود ومتوفر وكل شي.. وعن سعادتهم بحسب اللي شفته: مهم سعيدين!!
ف المقابل شفت عوايل فقراء فقر فاحش كماان، لقيت فيهم الاجتماع، لقيت فيهم انهم يد وحدة ومترابطين، وكل واحد همه هم الثاني، لكن سعادتهم كمان: مهم سعيدين!!

احناا فيناا مشكلة انناا غير قنوعين بالشي اللي ربناا يكتبه لناا، وفعلا وصف ربنا جداااااااااا دقيق: "وتحبون المال حبا جما" يعني في ناس والله يا روبي ارصدتهم هاااااااااااااااااااااااااااااااااااااااايلة وارقام خياااااااااااااااالية جداااا، افكر فيهاا ساعات:
اقول ليش باقي يجمع؟!!!!

يعني لو على ثروته دي بس، راح يصرف على اجيال بعده، لو يكون مبذر كلللللل المال، راح يبقى له، افكر ليش باقي يدور وراهاا؟؟ بس سبحاان الله اتوقع انهاا ف كل انسان مافي قناعة، وحتى لو جاته فلوس راح يدور على اكثر، ولو جاله اكثر راح يدور على اكثر..

فالأفضل انناا نعيش السعادة ف الواقع اللي احناا عايشين فيه، ونحس بالسعادة اللي احناا فيهاا.

ثانكس؛؛

[rubi]

طوطو حبيبي احنا مو فالوناسة هههههههه

اتزكري دا قسم المشاحنات

هوع

[P!nk ink]

^ ^ ^
احم احم
تراك في بيتنا هااا

[rubi]

هههههههههههههه اهلين بينك

انا برضو متوقعة جوابك على سؤال الموضوع

[P!nk ink]

انا طبعاً بختار (( الحــــــــــــــــــــــــب ))


لان الحب بيدخلني الجنة .. كيف ؟؟؟

* لو حبيت زوجي >>> ماجاء باقي في الطريق

بدخل الجنة برحمة الله !!!!!!!!!

لان حب الزوج يقتضي الطاعة والانقياد له في غير معصية الله طبعاً
والرضي بالعيش معه حتي بالمال القليل ..

يقول - الرسول صلى الله عليه وسلم - ( أيما امرأة ماتت وزوجها عنها راض دخلت الجنة )..
الراوي: أم سلمة المحدث: الترمذي - المصدر: تهذيب التهذيب - الصفحة أو الرقم: 10/103
خلاصة حكم المحدث: حسن غريب

* لو حبيت أمي و أبوية >>> الله يخليهم ليه يارب
بدخل الجنة برحمة الله !!!!!


الحديث : ( يا نبي الله ! أي الأعمال أقرب إلى الجنة ؟ قال " الصلاة على مواقيتها " قلت : وماذا يا نبي الله ؟ قال " بر الوالدين " قلت : وماذا يا نبي الله ؟ قال " الجهاد في سبيل الله " ).. الراوي: عبدالله بن مسعود المحدث: مسلم - المصدر: صحيح مسلم - الصفحة أو الرقم: 85
خلاصة حكم المحدث: صحيح

* وحب الخير للغير ..

والكثير من اصحاب الاموال الطائلة والثراء الفاحش
يفتقرون إلى السعادة والحب وراحة البال ..

وشكراً لك ياحلوة على مواضيعك الرايقة ..~