هيه هيه وناسه وناسه تأجيل الدراسه بالقصيم هذا الاسبوع

[خيانه]

مســائكم .. صبــاحكم .. / سعـأده..



اي والله يازين النوم هههههه

اجازه سعيده لكل الطالبات



دمتم بخير..

[تربية وتعليم]

المشاركة الأصلية كتبت بواسطة تميمية القصيم تربية وتعليم أقول ما دحدرنا ورا إلا بالمجاملات الي مالها داعي! الحق واضح وضوح الشمس, ما يرده خوف الخوافين!

لااله الا الله

الحين صرت انا اجامل وخوافة وذروق بنظرك
شكل توزيع التهم عندك بقرررررش
خخخخخخخخخخخخخخخخ

ترى الدعوى مهيب هياط وعنتريات خلف معرفات كي بورد بدعوى النقد !!

وبعدين لاترقعين اتهامي لردك بقلة التهذيب ( بسبب إني خوافة )
لأنه فعلا ردك غير مهذب !!

المشاركة الأصلية كتبت بواسطة تميمية القصيم تربية وتعليم ! لا تصيري خوافة بدرجة سلبية, لدرجة اتهامي بقلة التهذيب! الله يسامحك!

ركزي الله يصلحك !!
انا اتهمت ردك وليس انتي !!

تدرين وش مشكلتك ؟

انك تحذفين كلام كبير بدون ماتستوعبين وش قاعدة تقولين !!

وإلا فيه أحد بإسم النقد البناء يتهم الدكاترة بذممهم ويدخل بنواياهم وانهم مايحللون فلوسهم !!

وبعدها تقولين ان كلامك حق وواضح وضوح الشمس ( قال من شاهدك ياابا الحصين ) !!

المشاركة الأصلية كتبت بواسطة تميمية القصيم تربية وتعليم ما عليه نستحمل تأجيل الدراسة وانه ننضغط اسبوعين متتاليين بدون إجازة نهاية الاسبوع وضغط تكاليف, لكن كل الي نبيه مسج يخبرنا بالتأجيل أو اعتذار ولا وصلنا!

الدراسة تبي تضحيات ونظامنا مضغوط سواء بالمحاضرات او اوقات الاختبارات واكيد انك عارفة هالشي خاصة تقنيات التعليم انواع الضغط والمشاريع والكررررف !!

اصبري بعد راح تنضغطين بالاختبارات الفترية ماتطلعين الا فوق الساعة 12 بالليل وتجين للكلية الساعة 8 وتختبرين !!

ساعات نتمنى اننا مثل نظام جده كل اسبوع ندرس عشان يخف الضغط علينا !!
بالعربي الضغط والمشقة ماوقف على تأخير اسبوع ( عابر ) لهيئة التدريس !!

المشاركة الأصلية كتبت بواسطة تميمية القصيم تربية وتعليم لكن كل الي نبيه مسج يخبرنا بالتأجيل أو اعتذار ولا وصلنا! بنات يجون من برا بريدة شلون بيدرون بالله عليك؟ كل الي جاهم ثلاث أو أربع بس! والله ما اسميها الا استهانة بنا!

هاتي الدليل ان المسجات ماوصلت الا ثلاث او اربع !!


احنا مااحد اشتكى من بنات الدفعة انه ماجاهم مسجات ،،
وللتأكيد نزلوا البنات اعلان التأجيل في القروب الخاص بنا !!


وبدل ماتولوين في الانترنت ليتكم تفكرون تسوون مجموعة بريدية لكم تتواصلون من خلاله وتبلغون بعضكم الاخبار المتعلقة بالدراسة افضل من الانشغال بــ ليش فلانة وصلها مسج وانا لا !!


وبدل ماتسيئين النية انهم ارسلوا لثلاث او اربع بنات ( يعني تتوقعين قاصدين البنات او يعرفونهن أو يمكن السالفة بخل وخايفين تصرف عليهم المسجات زود دراهم ) ياليتك تحسنين الظن بأنهم ارسلوا رسائل جماعية ( آلية ) للكل ويمكن النظام لخبط او جوالك غلط او مقفل !!


ياعزيزتي احنا لما تضايقنا من طريقة احد الدكتورات رفعنا خطاب لسعادة المشرف على البرنامج ووقعنا بأسمائنا الصريحة ولما اقتنعوا بمبرراتنا تجاوبوا معنا !!


ماجينا نهايط ونسب الدكتورة والنظام ( خلف معرفات وهمية ) بزعم ان هذي شجاعة !!


عشان كذا اقولك اركدي واتركي الاندفاع الانترنتي عنك ..
والدكتورة لينا الله يجزاها خير واقفة معنا وتبذل قصارى جهدها وتذلل كافة الصعوبات عشان تريحنا ،


وترى زمن الحش واللجة والصجة في النت انتهى لان الناس صاروا اكثر وعي ويفرقون بين النقد ( لمجرد النقد ) والنقد ( للإصلاح ) !!


الله يهديك ويطامنك بإسمه الاعظم ،،

المشاركة الأصلية كتبت بواسطة تميمية القصيم تربية وتعليم الواحد لازم مقابل النت طول الوقت يدور اخبار يمين يسار(القبول, موعد بدء الدراسة, الجدول....الخ)! تقل ماله حاجة إلا كذا, بدل ما يصرف وقته على بحوث وقراءات مفيدة!

ماادري !!
بس لو قالت هالكلام وحده تخصصها غير التقنيات كان امشيها !!

معروف ان الانترنت اصبح اساس العملية التعليمية والتربوية بدءً بالقبول ومواعيد الدراسة وانتهاء بإرسال التكاليف الدراسية والتواصل مع هيئة التدريس ، ومن خلاله يتم الوصول للبحوث والدراسات والبرامج الحديثة والاخبار المستجدة في المجال .

حتى التواصل والتنسيق مع الزميلات في التكاليف الجماعية يكون عن طريق الانترنت لأننا كل وحده بمكان !!

من جد كلامك غريب !!

["هدفي هناك"]

عزيزاتي
صلوا على محمد ما حصل غير الخير

[فتاه القصيم]

خواتي تميميه القصيم وتربيه وتعليم خيران شاء الله انتي وياه
خلاص كل وحده له وجه نظر انا صاحبه الموضوع والصراحه مارضى يكون فيه نقاشات حده مثل كذه
خلاص قفلو الموضوع ولا افتحو لكم صفحه طويله عريضه وتناقشن براحتكن
الحين بدال ماتكبرون المخدات وتنامن غيركم ياحرام يكرف من العصر الى الساعه وحده باليل
مايمديهم يرجهون ينامون ويريحون الا يقوومون الصبح ههههههه
الله يكون بعونهم وانتم روحو استانسو وانبسطو وخلو سوالف الدراسه لوقته

[جواانا]

السلام عليكم .. بعيدا عن العصبيه والنقاشات الحاده .. كلمة حق .. جميع أعضاء هيئة التدريس قمه في الذوق والإحترام .. وضغوطات الحجوزات ماأحد سلم منها وتحميل الأمور فوق ماتستحق أمر لايعود بالفائده على أحد ..
(( ليس الشديد بالصرعه إنما الشديد من يملك نفسه عند الغضب ))..
وللعلم جميع الزميلات وصلهن رساله التأجيل من جامعة الملك عبد العزيز وكليات القصيم ..
والله يكون بعون الجميع ..

[تميمية القصيم]

جزاكن الله خير, اللهم اني صفحت, ماله داعي نكبر السالفة استغفر الله وأتوب إليه, لا إله إلا الله.
أنا قلت الي بخاطري وهذا رأيي, وماني ملزومة أرد على كل كلمة, الجدل ميجيب خير, خصوص إذا صار فيها ناحية شخصية, ولا عندي عداوة لك يا تربية وتعليم فالله يسامحك وآسفة اني قلت انك خوافة! سامحيني والله يجعلك بألف حل!

[تميمية القصيم]

كان عندي كذا ارتباط, اللي ألغيته والي أجلته, من أجل الكلية, لكن ما يندرى, الله يجعله خير!

[الشاطف]

الله يعينكن على أسبوعين متتاليين

[شديهة الضحى]

الشـاطف وش اخبار التعب بس هالاسبوع

[فواز الرمالي]

المشاركة الأصلية كتبت بواسطة شديهة الضحى الشـاطف وش اخبار التعب بس هالاسبوع

ماجاك سوف يأتينا
وماجانا سوف يأتيك
اهم شي ماهي الفائدة التي جنيتيها؟؟؟؟