أشخاص تحب نفسها ومصلحتها

[أحلام لاتكتمل]

ونعم بالله

وحنا مانقصر معكم حتى لو مامعكم محارم


لو بغيتوا شي

وبالنسبة لكلامي
شفيها لو انتظرنا؟ اسبوع؟

ترى الدراسه توها بدت

ولو فصلونا نقول ليش؟ انتم غيرتوا التخصص وماندري وش بيصير يمكن في مشكله بالنظام او شي

يعني الموضوع اللي قهرني مانتظروا رغم ان الدراسه توها بدت والمحاظرات لسى اصلن مابدت

ثانيا ً
انا اقول لكل اخواني الطلاب والطالبات

كل واحد ينام على الجنب اللي يريحه انا قلت وجهة نظري

وانا راح احارب بالموضوع واللي بيجي معي حياه الله واللي مايبي الله يستر عليه

انا منقهر منهم شي واحد بس انهم ماقدروانا كا انسان لا اعتذار ولا شي

وتعب سنه يروح عادي عندهم ويجبرونا لا والله مانسكت المفروض

عالعموم كلن على راحته وانا على راحتي :) والسلام عليكم

[! سلطـــان !]

السلام عليكم ورحمة الله وبركاته

اخوي احلام لا تكتمل روق شوي وهد اعصابك

ذكرتني يوم كنت تكلم الدكتور داوود مشاط بصوت عالي وتقول له بشتكي عليكم بديوان المظالم خخخخخ

والله يااخوان اني اضحك من قهر ولكن الحمد لله ع كل حال

بالنسبة لي اقولها صريحة ردا على نقطة ذكرها اخوي محبوب ... نعم انا ذهب من اجل نفسي

ولكن وبدون حلفان حسيت بمعانات اخواتنا الطالبات واخواننا الي من خارج جده وضروفهم الي ما تسمحلهم يروحون للجامعة كلنا بمركب واحد تتوقعون ما نحس بنفس المشاعر والغبن والقهر ؟؟

مهما كانت اسباب روحتنا الى جده وروحتي ان شاء الله بعد قليل للرياض الهدف واحد

قال رسول الله صلى الله عليه وسلم : لايؤمن احدكم حتى يحب لأخيه ما يحب لنفسه

هذا كان مبدأنا انا واخوي احلام لا تكتمل

بالنسبة للطلاب الي رضخوا للامر الواقع قد يكون لهم ضروفهم الخاصه ولكن لا يمنع ان نعاتبهم معاتبت الاخ لأخيه

مو عشان حنا رحنا وسوينا وتعبنا لا والله القصد تكون كلمتنا وحده ونصمد جميعا بوجه الطوفان ( يد الله مع الجماعة )

ولكن تبقى لهم اعذارهم ونحترمها ونتمنى لهم التوفيق وتحقيق امانيهم

بالنسبة لي انا صامد الى ان يفتح الطريق او احول لطريق ثاني وقبل الاشاره بمر ع ديوان المظالم ماراح اسكت عن حقي ابدا .

تحيتي للجميع

[أحلام لاتكتمل]

سلطان كلام جميل

ولاتلومني هههههههههههه مرتفع ضغطي

وإن شاء الله ربك يسهلها

[LAYLA1982]

والله اخوي كلامك احرجني وللاسف انا وحده من اللي قالوا لاتتخصصوا واليوم حسيت بالاحباااااط واتخصصت ادارة عامة كلامك صحيح ، لكن الظروف اقوى .. اخي الفاضل يؤسفني وبكل خجل ان اقول لك اننا في دولة من دول العالم الثالث ؟؟؟ اعتقد تعرف ماذا اعني؟؟ لا ديمقراطية ولا حقوق ولا احترام والبقاء للاقوى .. عشان كذا والله تعبت من مواجهة التيار اللي اقوى مني بشؤون حياتي كلها مو بس الجامعة وغير كذا الضغوط اللي تجي علي من فوق ... ؟؟ والله فكرت اترك الجامعة واحول منها لاخرى لكن العمر ضاع ما بين احول واعمل معادلة وبين تخصص ، المفروض اللي مثلي اتخرج الان من الجامعة وانا الى الان ابحث عن من يعادل لي ثلاث سنوات دبلوم حاسب مع مرتبة الشرف وتقدير ممتاز؟؟؟ ولا حياة لمن تنادي.. ضاعت مني السنين وانا انتظر تتعدل القوانين ونصير مثل هالأمم والناس المحترمين... يا أخي يكفي اذا قلت لاحد ما اعطوني التخصص اللي طلبته ضحك بوجهك بسخرية وقال حتى لو اعطوكي التخصص هل راح تتوظفي؟؟؟؟؟؟؟؟؟؟؟؟؟؟
بالرغم من كل هذا جزاك الله كل خير وتعجبني ارادتك وعزيمتك القوية وان شاءالله ربي ما يضيع تعبك هدر ويحفظك لعين ترجيك،،
عموما والله اخترنا التخصص على امل نحول لافضل منه .. الله كريم

[mo999@11]

اخوني الكرم يعلم الله بحالي ...
وما اقدار اقول غير الله يوفقكم يارب واعذرونا ع الانسحاب
بس ربي يشهد انو غصب عني مو بالاراده
وان شاء الله ربي يكتب الي فيه الخير
اختكم ومحبتكم في الله

[حطام أنثى]

الله يعينكم يااارب .. وربي اني معكم ومتابعه كل شيء وكل جديد اخباركم . ابغى اتطمن عليكم لانكم اخواني برغم الموضوع مايخصني مررة وانا خلاص قريب بتخرج .. بس مررررررة مقهوووورة على اللي يسير لكم وودي اسوي اي شيء يفيدكم بس مابيدي غير ادعي الله يفرجها عليكم ويحققلكم طموحاتكم وينصركم على كل ظالم .. والجامعه دي انا اعترف فيها ظلللم كبيير بس باذن الله ننتصر وتتغلبوا عليهم ..

[M!Ss.Dudi]

الي بدر من الجامعه ظلم و لوية ذراع وشي يقهر و الله لا يسامح اي احد له يد فالموضوع

بس انا مااشوف المسأله من ناحيتنا كطلاب فيها اي نوع من الانانيه بقدر ماهي فرصة الكثير مننا (الاخييييرة ) ومحنا مستعدين نضيعها

مافي احد ماايتمنى لنفسه الافضل وكل الي اختار ادارة اعمال كرغبه اولى مااختارها وهو ماانفسه فيها ..

بس لو تجي للواقع .. اغلب طلاب و طالبات التعليم عن بعد
قبولهم في الجامعه كان حلم شبه مستحيل
الي متخرج من الثانويه له اكثر من 5 و 7 و حتى 14 سنه
و الموظف الي بيحافظ على وظيفته او يحسن اوضاعه و مسمى جامعي يفرق معاه ..
والي بياخذ البكالوريس قبل لا يوصل الـ 27 سنه عشان يمديه يكمل ماستر ..
يعني الواحد الود وده يتخرج اليوم قبل بكره مو يضيع ترم على ابو انه يضغط ع المسئولين !!

انت وغيرك يهمه التخصص بالدرجة الاولى ،، وهذي وجهة نظر ..
وانا وغير يفرق معانا موعد التخرج (بما انه المسارات للقسمين عامه) ،، و هذي كمان وجهة نظر ..

انا من الناس الي اتصلت على د. عبدالفتاح و راسلت العمادة واحد واحد و ارسلت معاملات الكترونية و اعترضت ولو كان لغوا القسم من بدري كان سويت اكثر من كذا بس الوقت مااهو فصالحي

[كرهت دنيتي]

الله ينتقم منهم
من جد الهه ينتقم منهم انا حتوقف عن الدراسه سنه مو ترم

[حبيبة سعيد]

السلام عليكم ورحمة الله وبركاته
اخوي معاك حق بكل اللي قلتو بس في نقطة مهمة على اللي حولو ادارة عامة
صح كلام الحالمة بمستقبل جميل ضحكو علينا بعد ...؟؟
ما اقول الا حسبي الله ونعم الوكيل انا كمان حولت ادارة عامة على اساس يحولوني ادارة اعمال
بس اخوي ايش اعمل انا ما ابغا اكمل بدا الفرع ومكتئبة كمان وبدأت الدراسة وليسا الهم فوق راسي ؟؟
افكر اني اسحب من الجامعه كلها والله ...؟؟
والله انا حولت ادارة عامة اول ما صارت المشكلة
ليتك يا اخي نزلت الموضوع اول ما حدثت المشكلة على الاقل اعرف انو في اشخاص عندهم عزيمة واصرار ؟؟
ولكن كلمة ياليت عمرها ما عمرت بيت؟؟

[sealove]

اخوي احلام لا تكتمل صدقني هذي
ثقافة مجتمع لا تحاول the end

حبيبي احنا زي الي ماشي 180 وكفراته محبله ولا سار عليه حادث قال قضاء وقدر

قيس عليها امور كثيره

صدقني افتخر انه في شخص بهذا التفائل

ياخي فعلا ماشاء الله عليك تفكيرك ايجابي

الله يوفقك و يرضي عليك