الي راحو لليوم الارشادي ممكن تفيدونا..؟؟

[صِبا]

بنات الاداري
خربطونا الله يهديهم البنات الي اختبروا اليوم بالفيصلية قالوا لهم اليوم الأرشادي بمبنى الجوهرة بالفصيلية
وهم اساساً معلنين انو بقاعة المؤتمرات و لين اليوم كانوا يوزعون الاعلان ع البنات الي اختبروا فـ مبنى 29 !
فحست اليوم لين إستنتجت شي ، و كلمت صحبتي بالعلمي راحت اليوم تقول زحمة قاتلة ،
عشان كذا قسموا البنات على مكانين
فصار بنات السلامة => في كلية التربية الفيصلية مبنى الجوهـرة من 10 إلى 12 و نص .
بنات السليمانية => قاعة المؤتمرات الي قدام البوابة الشماليّة من 8-3 لكن يخلصون بدري .

[فـوُـوُـوُـوُش’ـيـَه ~]

يّب سمعت قبلهآ أنو اللي مآقدرت تجي يوم الأثنين تقدر تجي الثلآثآء :) ~

[خطى الجنان]

ياليت اللي فاكره الكلام اللي قالوه عن نظام الانجليزي تقول لنا بليـــــــــــــــــز

[بلبله]

طيب هل تكلموا عن الاختبارات وعن منسقات المواد وعن مكان المباني

[A7la remo]

طيب بنات يا حلوات وانتو داخلين محد كتب اسماءكم او مرو بكشف حضور تكتبوا اسماءكم عليه والا اي شي؟

[sweet apple]

أنا عن نفسي استفدت لانهم يعطوكي خلفية كاملة على الشي الي انت مقبل عليه واساسيات تساعدك انك تنجحي بالجامعه واكثر كلمة اعجبتني الاستاذة امنيه الحبيب والله انسااانه رائعه ودخلت قلبي الله يجزاها كل خير يااارب وفي النهايه اكيد البرنامج لارشادي لو فايدة كبيرة ولامكان كلفو على نفسهم وخصصولك يوم له وبصراحه كان فيه مجهود
والله الموفق .............

[♫♥ صَمت آلـجرآح ♥♫]

بسال عن الوقت كم جلستو كم ساعه ؟؟؟


هو صحيح 8 ساعات من 8 الصباح - 3 العصر ؟؟؟؟؟؟؟؟؟؟؟؟؟؟؟؟؟؟

[sweet apple]

ايوة من 8 صباحا - 3 بس هما تقريبا خلصو3 ونص بس حبيت اسال اخت maram kim هلا فعلا رح يبداء معهد الانجليزي من اول يوم لاني اعرف انو في جولة ارشادية اول يوم صح؟؟؟؟؟؟؟؟؟؟؟؟
وشكرا...........

[د. هدّولا]

طيب بنات يا حلوات وانتو داخلين محد كتب اسماءكم او مرو بكشف حضور تكتبوا اسماءكم عليه والا اي شي؟

إلا سجلوا اسمائنا من أول مادخلنا

وبالنسبة للبرنامج الإرشادي صحيح فيه أشياء مرررة حلوة واستفدت منها
زي التعريف بالكليات ونظام الانجلش ..
وستنا فتو اللي ضحكتنا ..
عميدة شطر البنات كلمتها كانت حلوة وحسيتها انسانة رايقة بمعنى الكلمة
ومديرة بنك سامبا أخلااق ماشاء الله عليها
عجبتني فقرة الراب حق التعليمات مرررة فكرة لزيزة وجديدة

بس برأيي لو أنهم لخصو البرنامج
مرة كثير للساعة 3 انا خرجت بدري لأني كنت مواصلة وحالتي حالة
وفي كلام ماكان له داعي ينقال لو وزعوه لنا في اوراق افضل


وبالنسبة للبنات اللي يسألوا عن معهد اللغة الانجليزية
اكثر الاشياء من الموضوع اللي منزلينه في المنتدى عن معهد اللغة
بالاضافة الا انها قالت ان النتائج تنزل عالاودس في الجدول
اذا كنتي مستوى اول
راح يظل عندك مكتوب 101
واذا كنتي مستوى ثاني يتغير 102
واذا كنتي مستوى ثالث 103
وهكذا
وقالت أنه قريب راح تطلع النتائج واذا ما اتغير شي تعرفي انه مستواكِ الأول

وقالت أنه المناهج مطورة وعالمية جاية من اكسفورد
بصراحة اتحمست يعني راح ندرس شي على مستوى عالمي مو شغل مشي حالك
...


ووبس

الله يوفقنا ونجيب اعلى الدرجات

[..SusHi..]

ليش في بنات ماعجبهم اليوم الارشادي


بالعكس ترا افضل من حق العام بكتيييير واهم شي فيه سيتو فتو وولدها صدقة p:


المهم اول شي لمن تدخلو


رح تعبي اسمك وايميلك ورقمك ورقمك الجامعي ولحد ينسا بطاقتو اهم شي


ولا مااتكلمو عن المباني اتكلمو بشكل عام عن انظمة الجامعة وكيف تعبي نفسك للمزاكرة


وعن كل عمادة وفايدتها وعن التخصصات الي بعد التحضيري وعن الانجلش والباقي ماكنت مركزة معاه P:


وعملولنا اختبار ميووول بس مااختبرو الا كم بنت يعني الي تبا تختبر منكم بكرا ان شاءالله تروح من بدري لمن يقولو اختبار

والباقين الي حابين قالولهم تعالو بعدين لمن تبدأ الجامعة يختبروهم


يب الوقت من 8 إلين كدا 2 ونص انا خرجت من القاعة واختبرت ميول وبعدها ع البيت ماكملت الي في القاعة السحب ع الجوايز ومدري ايش في كمان


بس ترا مايبدأو 8 بالزبط بدأو تقريبا 9 وشي بس تعالو بدري عشان مرا حيكون زحمة وقروشة


وفي لمن تطلعو من القاعة اركان ركن عن كلية الطب ركن لعمادة شؤون الطالبات ركن معهد اللغة ....... إلخ


يدوكم فيها مطويات ومدري ايش حاجات كدا تفيدكم وازا تبو تسألو اسألوهم كمان


بالنسبة للانقلش زي ماقالو وزي ماكتبو البنات هنا


قالو نفس الكلام وقالو انو الكتب هادي السنة من اكسفووورد وقالو كمان الاختبار محا يكون زي العام كل المستويات تختبر اختبار واحد

دي السنة حيكون لكل مستوى اختبار من كتابو عشان تجيبو درجات ^_^


بس هادا الي اتزكرو وازا عندكم سؤال اتفضلووو