مالي احد غيركم محتاجه لرايكم

[حلاها زايد]

المشاركة الأصلية كتبت بواسطة عبدالله بن عبدالرحمن الاخت حلا اولا: مجالات الهندسة ممتازة جدا واحد اقاربي تخرج مهندس حاسب (شبكات تقريبا) وتوضف فى الشركة البريطانية بالشرقية براتب 12000 ريال ماشاء الله تبارك الله والاجازات تقريبا راتبين واحلا وناسة بس لابد يكرف فى الدراسة لانها مو هينة بالنسبة لشركة الكهرباء اللى اعرفة واسمع عنة تدلع موضفيها ودورات لتركيا واوربا وراتب حلو والدوام شفتات على حسب تخصصة بس اذا كان اخوك دافور ويحيب يذاكر وخة نضيف خلية يستخير الله ويدخل هندسة وخلية يوخر عن هندسة الطيران لانة بيبلش فيها هى وهندسة البترول وباقى اقسام الهندسة خلية يسأل ويستخير بعدين يااخت حلا تستشيرينا ونسيتى علام الغيوب سبحانة خلية يستخير الله ووالله ماراح يخيب استخارتة ابدا ابدا ابدا اسال الله يوفقة للطريق الصحيح ولما لة فية خير

ماشاءالله مره حلو راتبه وهو صلى استخاره بس مايمنع اننا نسأل لاننا ماعندنا معلومات ومانعرف شي
وشكرا عبدالله ع الدعوه ربي يوفقك ونشوفك باحسن وظيفه

[حلاها زايد]

المشاركة الأصلية كتبت بواسطة tariq_101 العفوووو.... الكلية الصناعيه وظائفها بأن الله مظمونه وإحتمال قبل لايتخرج بترم يتعاقد مع شركه هذا الشي معروووف في الكلية الصناعيه وفي تخصصات معينه .. بس مشكلتهااا صعبه مرررررره مرررره إذا اخوووك صغير في عمره وتمام الإنقلش وعنده رغبه في الدراسه يكمل هندسه .. اللكليه الصناعيه يبغالها إجتهاد قوووووي .... أما شركة الكهرباء كما ذكرت مسبقا .. والله ممتازه والمعهد في جده والراتب طيب وبعد كم سنه إن شاء الله يوصل 10000 الاف وزياده ... وعلى قولهم ( عصفور في اليد ولا 10 في الشجره) وعلى كلام اخوي عبدالله الإستخاره اولا

جزاك ربي الف خييييييير
وانا اخويه صغير عمره 17 وفي الانجلش ماشاءالله عليه مره ممتاز انا اتعلم منه بس الحين مشكلته قاعد يقولي انه مو مقتنع بالتخصصات اللي بالصناعيه

[حلاها زايد]

المشاركة الأصلية كتبت بواسطة -salem- أختي حلاها زايد صباح الخير تبين النصيحه من الاخير اذا وضعكم المادي حلو ويسمح له يكمل دراسته وهو مرتاح وحتى في حالة انه تخرج ومالقى وظيفه او شي من هالقبيل تقدرون ترسلونه برى يكمل في هالحاله الدراسه احسن واذا وضعكم على قد الحال خليه يدخل الكهرباء وع الاقل يكمل انتساب لانها بصراحه مش بطاله صحيح ماتتقارن في سابك او ارامكو بس تبقى افضل من الوظائف الحكوميه والقطاع العسكري مع ملاحظة ان الكليه صعبه جداً جداً او اعلى من الصعبه كمان الله يكتب له اللي فيه الخير ويوفقه

يسلمووو ماقصرت اخوي جزاك الله الف خييير

[حلاها زايد]

المشاركة الأصلية كتبت بواسطة bison بصراحه خبرتي قليله في الموضوع والشباب ماقصرواا بس ياليت لو ينظر اخوك للموضوع من عدة جهاات مو من جهه وحده وهي الوظيفه ،، صحيح شركه الكهرباء رواتبها حلووه وفيها تأمين صحي ومحفزات حلوه لكن في نقطتين مهمه ياليت يتاكد منهاا اذا حيجلس طول عمره فني يكمل دراسته ابرررك ،، هذا اولا بعدين خليه يتذكر انه ماراح يتوظف الحين باقي راح يدررس سنتين ،، هذي السنتين مو اكمل فيهاا دراسه بالهندسه واخذ شهاده اقوى واعلى مو احسن ؟ و مدام هو عنده طموح ويحب يذاكررر خليه يكمل لو جاب شهادة الهندسه بنسبه 4 او فوق راح يتوظف بالراحه وعنده كمان خيارات كثيرره لو كمل كماان الماستررر كلاااااااااااااااااااااااااام كبيرررر هههههه وقتهاا راح تجي الشركات الى عنده تبوس على راسه عشان يتوظف عندهم ،، وانا باختصرهااا لك واحط نفسي مكانه اذا في تكمله في الكهرباء وبعثات ودورات وانا مالي نفس اكمل دراسه اتوظف وخلاص ،، لكن اذا ابي ادرس واجيب معدل عالي وابي وظيفه مرموقه راح اكمل دراستي واجيب شهااده هندسيه وقتها في عندي الفين خيار مو الف ،، هذي وجهة نظرري بالمووضوع والله يوفقه إن شاء الله ويكتبله اللي فيه الخير ..

شكرا بايسون كلامك حلووو
وياااارب بكره نشوفك في احلا وظيفه يارب

[حلاها زايد]

المشاركة الأصلية كتبت بواسطة @ هفوات @ الله يوفقه ويوفق كل طالب وطالبه لما يحبه ويرضاه

ويااارب يحققلك كل ماتتمني يااااارب
يسلمووو

[انسان حالم]

هلا بك اختي
اول حاجه انا ماشفت ردود البعض ولكن يمكن في ناس ردهم كان شافي وكافي


اول حاجه انا موظف ارامكو على المرتبه الثامنه يعني بدون شهاده ونفس حكاية شركة الكهرب..!!!

وارامكو ارسلوني لكلية الجبيل لمدة سنه تدريب الكليه وضعها كويس وخصوصا الدكاتره الي فيها وانا اشوف انها سهله جدا جدا جدا بس يبغالها شوي مجهود واهم شئ يتأقلم مع الجو هناك ولاحظي الجو خصوصا جو السكن في الكليه مو اي شخص يقدر سكن فيها..!!!



ولكن بالنسبه للكهرب شوفيني موظف وراتبي كويس انا اتوقع ناس معهم بكالوريوس ماحصلوا زي راتبي لكن ايش خلاني ادور دراسه بالجامعه .. عشان اترقى احسن من اني اكون فني ولو مارقوني فصلت ورحت مكان ثاني بشهادتي..!!!



ونصيحتي لك كلية الجبيل من التخصصات القويه
وهي نظام دبلوم اول ش لما يشد حيله يكمل بكالوريوس وع ماعتقد مكافئاتهم 2500 ريال
وكلها 4 سنوات يتعبها ويرتاح العمر كله
احسن مايتعب العمر كله..!!!


وبالنسبه لي انا
والله والله والله والله
لو يرجع الزمن ورا شوي اني ماخش ارامكو كان كملت دراستي بتخصص الهندسه الدراسه مافي زيها
على الاقل لو الشركه عينوه خارج المدينه الي هو فيها
وطفش من المدينه كيف ينقل؟؟؟


ولو دخل الكهرب راح يدرس قرابة سنتين بدون شهاده
ولو خش كلية الجبيل سنتين يخلص دبلوم بشهاده
ولو ماكمل عندهم بكالوريوس يطلع برا يكمل بكالوريوس
رؤساي بالعمل كلهم نظامهم كذا دبلوم الكليه والبكالوريوس من امريكا واحلا وظايف ماسكين

وببريطانيا ممكن خلص ماجستيرها بسنه
يعني فرص كثيره
احسن مايكون مربوط



مافي امل لو معه شهاده يفاوضهم ويحطوه فوق روسهم وينقلونه

ولو تبين استفسر لك عن الكهرب والكليه اكثر ماعندي مانع
لكن انا اقول الشهاده اولا

[إحساس ناجح]

أختي إجلسي معاه جلسة صريحة شوفي هواياته مهاراته وأفضل حل أقدمه لك هو نزلي مواضيع ودروس عن الكهرباء وعن الهندسة وخليه يقرأها وهو راح يعرف ميوله فين وفي الأول والأخير رغبته في المكان اللي يرتاح له وخليه يتوكل على الله بالتوفيق

وفي ملفين مرفق هدية لأخوك خليه يقرأ زين

[شــــــوزن]

^
^

لافضّ فوك ..

اتوقع ان هذا الحل الانسب لأخيك ياعزيزتي ...

هو من سيحدد ..

فقط اجعليه يراقب ميوله ..


ربما قراءة المعلومات ستساعده كثيراً


بالتوفيق ..!!

[إحساس ناجح]

أختي حلاها زايد أنا إختبرت إختبار هولاند لتحديد ميولك وتخصصك الجامعي راح أدور النموذج اللي عندي وأعطيك إياه وتخلي أخوك يختبره وهو نفسه يشوف النتيجة بنفسه

[سومة الصغيرة]

خليه يكمل الدارسة وترى التخصص حلو
والله يعين ويسهل