رغم اني اقتنعت بس لما جا التقديم رجع حن القلب

[جواانا]

السلام عليكم .. قد تكون الدراسه في الخارج أفضل من ناحية المستقبل لكن تكمن المشكله في أنه مستقبل غير مضمون .. والغربه صعبه بعض المبتعثين رجال وماقدروا يتحملوها .. أيضا إحتمال زوجك بعد مده بسيطه يمل من جلسة البيت ويشتاق لجو الأهل والأصحاب وتتعب نفسيته وتضطرين ترجعين و وقتها تكونين خسرتي وظيفه يتمناها الآلاف من الخريجات .. لكن أنا راح أقولك طريقه علميه دائما أسويها لما أكون محتاره .. سوي جدول لكن كوني جدا عقلانيه في تعبأته :

الدراسه في البلد ـــــــــــــــ الدراسه في الخارج
الإيجابيات: الإيجابيات:
السلبيات : السلبيات:

وبناءا عليه إتخذي القرار ..طبعا بعد الإستخاره .. بالتوفيق ..

[حلم وطموح]

تعبت ماتمنيت:مشكورة على نصيحتك...بس لسى ماقررت اذا قررت اعلمكم ان شاء الله
جوانا:انا على اساس زوجي يدرس كمان....بس ما ادري كيف ممكن يكون الوضع الله اعلم ممكن يكمل وممكن لا ...لاني اصراري على الدراسة اكثر منه..وهو يقول لو شفت الامر سهل كملت اقلها انجليزي
جدول الايجابيات والسلبيات راح اسويه واوافيكم بالنتيجة.....كمان 2 من اخواني مقدمين واحد ماستر والثاني بكاليريوس وشجعوني نروح ثلاثتنا وزوجي مرافق معاية ونصير اربعة....وزادوا حيرتي حيرة....!!!!!
لكني مفوضه امري لله وهو راح يختار الاخير ليه

[حلم وطموح]

الدراسة في البلد:
الايجابيات:
1-الحفاظ على الوظيفة وبموافقة جهة العمل يتم الاعتراف بالمؤهل والارتقاء الوظيفي
2-البقاء بجانب عائلتي واهلي
السلبيات:
1-الحصول عليها صعب لكن ليس مستحيل(ممكن تمر فترة طويلة ويزيد العمر ويبدا يفقد الشخص حماسه)
2-وظائف الجامعة محاضرين او دكاتره(وهو هدفي)قد تفضل المؤهل من دولة اوروبية اكثر من المؤهل من الداخل ونظرا لوجود المبتعثين فراح يكون الاولوية لهم
3-لو درست تخصص مخالف للبكاليريوس قد لا اتعين محاضر والتخصصات هنا محدودة ومحصورة بعكس الخارج تكون تخصصية اكثر
الدراسة بالخارج:
الايجابيات:
1-الحصول عليها سهل وامكانية التمديد مباشرة للدكتوراه(والسن صغير والحماس موجود)
2-دراسة المرافق
3-المكانة الاجتماعية المرموقه
4-تعلم اللغة الانجليزية
5-فرصة الحصول على وظيفة اكاديمية
السلبيات:1-قد اضل فترة بدون وظيفة
2-فترة دراستي لايحصل المرافق من عملة الا اجازة بدون راتي بدون علاوات سنوية او ترقية وقد تطول فترة الدراسة لكن بالمقابل قد يحصل على شهادة
3-المرافق ممكن مايكمل دراستة لقلة حماسة مقارنة بالمبتعث
4-ممكن انشغل عن بنتي ويكون هناك تعب ذهني و جسدي لعدم وجود خادمة
5-ماعمري سافرت برا ولا اعرف شعور الغربة بس يقولون شعور غير جميل
هذا مايحضرني سلبيات الدراسة بالخارج طلعت كثيرة بالمقابل الايجابيات ايضا كثيرة

[ماهر الوافي]

هو شئ واحد اشوف انه أهم شئ

تقدري تتحملي البعد الغربه (بكل ماتعنيه الكلمه) ؟

إذا كانت إجابتك نعم
توكلي على الله وروحي البعثه وقدمي اجازه استثنائية بدون راتب اقلها لمدة سنه تشوفي وضعك

[معلمة مكه]

الله يوفقك اختي

[محاسب قروي]

المشاركة الأصلية كتبت بواسطة saeer ذكرتيني ايام عز الاسهم فكرت اترك الوظيفه واتفرغ للأسهم........ خخخخخخخ

هذا في نظري أوضح نصيحة يعني كانت فورة وإنتهت ، والآن الإبتعاث فورة وراح تنتهي وتتكدس الأعداد عندنا لإنه خططنا مبتورة يعني ما يكملوا الخطة إبتعاث وبعد الإبتعاث الله أعلم بالحال .
كان عندنا دكتور في أيام الجامعة ( في أم القرى ) أتيحت له فرصة الماجستير في جامعة الملك عبدالعزيز ويقول لو كان فيه في مكة كان أخذت الماجستير في مكة . وبعدين في الدكتواراة ما حصل فرصة في السعودية وراح بريطانيا لكن لو حصل هنا ما كان راح ومع هذا والله ثم والله ثم والله إنه أفضل من باقي الدكاترة (خمسة دكاترة كلهم ماخذين الماجستير والدكتوراة من أمريكا لكن ولله مع إحترامي مرفعين ) ويقدم محاضرات في المحاسبة بالتعاون مع الهيئة السعودية للمحاسبين القانويين .
الخلاصة مدام العلم موجود عندنا ما في داعي للسفر خوصاً إذا الوضع زي وضعك صعب ومحير .

[حنان الريم]

اختي ,,,انا مثلك ونفس تخصصك ...

ونفس حالتي بالضبط لكن لي سنتين بالخدمه وطفشت ..

والفكره تراودني في اليوم والليله

والي يزيدني حسره وقهر ...هو ان البعثه جاتني مع الوظيفه واهلي اجبروني على الوظيفه ...

[حنان الريم]

نسيت لأقولك البرامج الي تقدم وبنفس الوقت تحافظي على وظيفتك ...كلها تربويه !!

وووووووالله حرااااام حاسب تفقدينه وتكملي بتربوي زي تقنيات تعليم وغيرها ...

ولو تبين حاسب لازم تا خذي اجازه استثنائي او دراسي يعني,,,,

واللله ماادري انت احكمي واستشيري ورديلي !!!

[حلم وطموح]

اهلا حنان الريم.... والله يا اختي قررت اني اجلس رغم اني فعلا طفشت من التدريس لكن وجدت كل من حولي يصرون على بقائي في وظيفتي وكثيير من اعضاء المنتدى وانا اعتقد كلامهم عن تجربة وزوجي ايضا مش رافص بس متردد وقررت اني ما ارووووح وعلى فكرة انا اولا خاطري بالحاسب وبقدم علية وما عند مشكلة استثنائي دراسي اي شيء بس قلت تقنيات التعليم احتياط عالعموم مشكورة حبيبتي...انتي متزوجة؟؟؟ لانه لو اني عزباء كان رحت ولا فكرت بس عشان زوجي وبنتي
يلة عسى ربي يعوضني خيرا

[أبوعمر111]

أختي الكريمة أخوك له ثلاث سنوات يقدم ماجستير هنا وما أتوفق رغم أني بوظيفة تعليمية رائعة الكل يتمناها ولكن ما أتعبني هو الطموح .....
لو أن ظروفي مواتية لذهبت اليوم قبل الغد ولن أتردد وبالنظر إلى السلبيات والإيجابيات التي كتبتيها وخاصة موافقة زوجك وعدم خسارته للوظيفة وذهاب أثنين من أخوانك أنا أقول توكلي على الله وقدمي وإن شاء الله مع الإصرار ما راح تطول المدة ....