ملخص أيام السنة التحضيرية ... هنا

[shaima]

المشاركة الأصلية كتبت بواسطة glamor mada احلى ماده بالنسبالي بلا منازع هيا الانجلش .. مو دراسه وربي كلاس الانجلش كلاس دردشة وضحك:d وكمان الاحصاء عجبني مذاكرتها سهله وممتعه واختباراتها نايس ^^ اما اسوأ ماده هيا الاحياء قهرااااااان منها لانه الاختبارات الدوريه كلها 30 بس اليوم بالفاينل غلطت في 6 أسئلة وراح عليا ال a+ :( وصراحه كان نفسي اتعرف على فرندز ولو حتى فرند واحد بس للاسف مالقيت ..امممم في النهايه الحمدلله على كل حال عدت هالسنه بحلوها ومرها .. وربي يوقفكم كلكم حبايبي ياااااارب ^^

اي احد فادك بأي شيء تقدر تعتبره فرند ...مو شرط يكون متواصل معاك طول الخط
يمكن عشانك مميز مرة ..او هادئ مرة..او مركز مرة على الدراسة ففاتك يمكن
تلاقيها السنة الجاية اكيييييييييد

شكرا على المشاركة ...
وبما انك شاركت ...تعتبر من الاصدقاء

[ORO]

التحضيري ..
ومآ أدرآك ما التحضيري ..
من يصدق كيف السنة مرت ..<< لوووول ..
أحلى مادة كانت الكيميـــآء ..بالرغم من إللي درستني مو ذآك الزود.. لكن حبيتها عشقتي من الثنوي..
نجي عند عدوتي اللدودة الفيزيا وتستمر الحكآية ..
أحلى ذكريآتي كانت أيآم السميستر اللي فات ..كاه تفوووووووويت .. وسحبـــآآآت وهبقااات وهيصآآت .. وبالآخر حصآد إفآت..

..
قابلنا ناس كويسه وتعلمنا انقلش وتطورنا فيه ..+ عرفت أحلى صحبة
وخضنا أحلى ايآم مع منتدى التحضيري ..

[Glamor Mada]

المشاركة الأصلية كتبت بواسطة shaima اي احد فادك بأي شيء تقدر تعتبره فرند ...مو شرط يكون متواصل معاك طول الخط يمكن عشانك مميز مرة ..او هادئ مرة..او مركز مرة على الدراسة ففاتك يمكن تلاقيها السنة الجاية اكيييييييييد شكرا على المشاركة ... وبما انك شاركت ...تعتبر من الاصدقاء

والله مابعرف السبب .. يمكن زي ما قلتي لاني بالمره هادئ ..اتعرفت على اثنين وكنت احسب انيهم بجد رح يكونو زي ما اتوقعتهم .. لكن طلعو ما يستاهلو الصحبه .. لكن ان شاءالله السنه الجايه الاقي.. لانه بصراحه اكتشفت انه كل واحد يحتاج يكونو معاه فرندز وبدونهم الوضع صعب .. شكرا اختي ^^

[katkoooooota]

والله السنة التحضيرية كانت شي حلوو .. صح اني تعبت وقرفت وطقيــــــــــــــــــت بس ليها طعم تاني غيــــر عن كل السنيــن ..

احلى مادة ذاكرتها بالنسبة لياا .. سواء دكتورة ولا شرح ولا محاضرات او حتى في المذاكرة كانت الاحصاء في التيرم الاول والفيزياء دحيـــن ..

اما اسوأ مادة الصراحة هيا الحاسب ..

الاتصال والانجلش عااااادي ..

اما الكيميــاء على قد ما كنت احبها في المدرسة بس كرهــــتها مع الدكتورة اللي اعطتني هيــا ..

والمـــااث دا عالم تــــــااااني ..

بس والله السنة مرررره كانت حلوة صعبة وتتعب بس حلــــوة ..

[shaima]

الى الان الاغلبية متفقة على انها حلوة بالرغم بعض المواد
الحمد لله
خبر حلو للمسؤلين والي لسة حيدخلو السنة الجاية ان شاء الله

[AhmadAmer]

السنة التحضيرية و ما أدراك ما السنة التحضيرية

هيا عبارة عن سنة عن كل السنين >> أتذكرت الثانوية خخخخ

و الله السنة كانت حلوة هيا صح صعبة بس يجي منها ,,

و بالنسبة للمواد ..

الرياضيات : حلوة و سهلة بس الدكتور :@ :@

الفيزياء : مرة تمآآآم .. بس اختباراتها فيها عكة شوية ,

الإتصال : مادري ههههههه

الحآسب : برضو مادري هههه

الكيمياء : $#@!@ :@

الأحصآء : مادة الـ Old exams تذاكرها تجيب الفل مارك , سهههلة

الاحياء : أكرهها كره مو طبيعي كلها حفظ :S

الإنجليزي : أفلل مآدة لو يرجع الغياب زي الترم الأول ههههه

يلا الحمدلله عدت على خير , و إن شاء الله كل واحد ينقبل في التخصص إلي يبغاه ,

و ربي ما يضيع تعب أحد ,,

[J-14]

موضوع راااائع
السنه التحطيميه
لاتعليق انا راح انزل له موضوع واشرح معاناتي<<هههههههههه
بس لا نزل التسكين وانقبلت^_^واذامانقبلت ماراح تشوفون خشيشي فديتني..

[AnoOosa NoOoSa]

* الاحــصاء مادة حلوة ولزيزة بس لو يشيلو منها باب الاحتمالات ياسلاااام

* الكيميا انا حبيتو على اخر اسبوعين خخخخخ بعد ماغيرت دكتورتي حسيت انو المنهج سهل وأهبل

* الأحياء يمشي حالو

* الاتصال حلو

* الماث حلو بس يلعبو في الأسئلة لعب

*الحاسب المادة دي مالها داعي صراحة
من يوم ماوعينا عالدنيا واحنا ماندرس غير وورد بوربوينت اكسل اكسسز يعيدو ويزيدو فيها
مرة فرحانين بيها يعني

*الفيــــزيا
ماستنتجت منو غير شي واحد اللي هو

عــفوا نيوتـــن فأنــــا سر الجاذبية >> براااا

* كلاس الانجليش كان أحلى كلاس ربع ساعة ماجات التيتشر سحبنا
أحلى كلاس وأحلى بنات اتعرفت عليهم في كلاس الانجليش

I will miss you

بس منجد كانت سنة حلوة وتجربة جديدة لنا والحمدلله عدت على خيـــر

[Super amazing]

موضوع جيد!

طيب السنه التحضيريه..مستحيل انساها بحلوها ومرها..

كل موادها حلوه باستثناء الماث والفيزيكس

اعلى درجه اخذتها في الحاسب ( لحد الان يمكن يتغير الوضع يوم الخميس)..
واقل درجه الماث

خطه أ بالنسبه لي كانت جدا بشششعه
خطه ب عشقتها حتى الثماله كل موادها حبيتها
الاحصاء كنت اكثر شيء خايفه منه... بس الحمدلله كانت ماده جدا جميله

طبعا الاحسن من ذا كله...صحباتي الجدد اللي تعرفت عليهم برا وجوا المنتدى الله يخليكم لي ولايحرمني منكم


الله يووفقني وياكم...

[kado0osha]

..{ السنة التحضيرية ..
بدآآية ..
سنة.. تتحطم فيهآ الأمآل والأحلآم ..
سنة .. متعبة في المذاكـــــــــرة ..
.. { موآد السنة التحضيرية ..
* الكيميآء .. ينآسوو عليها مآدة لزيزة < مع انهم ختموها لنا بالمسك في الفآينآل ..
* الفيزيآء .. مآدة حلووة وحبيتها في التحضيري لاني كنت مرا اكرها في الثانوي ..
* الأحياء .. مآدة غبية .. نفسي أعرف فاايدة وحدة أطلع منها بعد ما احفظ التست بآنك ..
* الحآسب .. مآدة حلوة مع انو كان المنهج مراا بداائي وأخدناه في الثآنوي ..
* الإتصآل .. رآآآئعة أتعلمت منها أشيآء كثيير +مآدة ترفع المعدل ..
*الريآآضيآآت .. كرهتها في التحضييري واتعقدت منها ..
*الإحصآء .. مآدة حبيتها وتعجبني كثييير أحس نفسي واااو لما احل فيها سواال ويطلع صح ..
* الانجلش .. لا تعليييق معهد اللغة ما قصر كفى ووفى .. وشكلو حيختمها بوكرا مزبوط ..
.. {وأخيرآ ..
سنة .. رآآئعة مو عشان شي بس عشآن أتعرفت فيها على بنآت كثييير .. ربي يسعدهم ويوفقهم في كل حيآتهم ..
شهور مرت سريعا بحلوها ومرها ..
يآآآآآآآآآآرب ربي يوفقك كل بنآت وأولاد التحضيري وينجحنا والكل يدخل التخصص اللي يبغآه ..
وسآآآمحوووني إذآ غلطت على أحد فيكم يوم من الأيآآآم ..
دعوااااتكم ..