مركز اللغة الانقليزيه يكملوا الانتقام مننا " فضفضه " ( تعالوا شوفو متى البرزنتيشن )

[S F S F]

, , ,

ياخوان مدري هل نحنا قتلنا لهم قتيل ؟
او مالذنب اللي ارتكبناه عشان يسوون فينا كل هالمصايب ؟؟

تخيلو اختبار البرزنتيشن يوم الربوع يعني قبل الاختبار بيوم ؟؟ تخيلو البرزنتيشن الربوع والخميس الاختبارات النهائيه اللي تحدد مصير سنة كامله نكرف فيها رايحين جيين . . يجي المركز عشان لانغيب يحطه اخر يوم ! وفي الاخير يجون المدرسين الكلاسات ويسولفون عن سواليف خارج الدرس . . ولا لو الله وقعك في مدرس طيب يمشيك . . يعني مافي منهجيه معينه على مزاج المدرس اذا هو ابن حلال يحضر ويمشي . . واذا مسكت معاه عناد يقول روح كلم الاداره ! ونروح نكلم مين !! كل مانروح لواحد يصرفنا على الثاني للآسف !!!

طبعا ً هالشي امتداد لسلسة من المعاناه ومدري مين يوقفهم عند حدهم !!!

وللعلم حتى عميد القبول سار يجمدونه ومايسمعون له ويمشون اللي في راسهم واكبر دليل انه في اللقاء مع الطلاب حق يوم الاثنين اشتكى احد الطلاب من عدم معرفته بتوزيع الدرجات فماكان الا من مدير المركز قام ويقول حنا عندنا توزيع نبي نحطه في الموقع ! ومن ذاك اليوم الى الان وهم لم يضعوه . . انا فقدت الامل لانه الدرجات نفسها ممرمطينا عليها فمابالك بالتوزيع !

وقسم بالله معاناه لـ اخر حد , :(

رايكم

للعلم اللي يبي يعرف متى اختبار البرزنتيشن حقه ومين المراقبين ,

يضغط هنا ويحمل الملف ويبحث عن رقم الايادي حقه ويطلع اسماء عيال فصله وفوق تلقى البيانات ,

اضغط هنا

يا من 8 لـ 11 يا من 11 لـ 2 ونص على حسب حصتك يوم الربوع

ختاما ً

نحنا امانه في اعاناقكم يامن تعملون في المركز إلى يوم القيامه , استقبتلتمونا بالحفاوه والتكريم وطلع كله حبر ورق ومسكتونا السماء وتركتونا ,, لا عرفنا عدد غياب ولا عرفنا الدي ان من كم ولا عرفنا توزيع الدرجات ! كل همكم التكديس والربط فالحضور من 8 الصبح إلى 4 العصر شي يفوق الخيال ولا هو بتعليم لغه بل هو تكريه في الماده . . وقسم بالله سرت اجلس مع مدرس الانقليزي اكثر من اجلس مع اهلي وياليت على فايده كلها سواليف بالعربي وضحك ووناسه !!! قمة التخبط والاستهتار فينا . . وبأذن الله للحديث بقيه لاني واثق مية المية بانه سيكون هناك تخبط جديد من المركز والله يستر من القادم !!!!


اخوكم ,


اتمنى عدم الحذف فالمنتدى للتعبير عن حرية الرأي

رايكم / نقدكم ,,