إجــتـــمـــاع مـــــغــــلــــق فقط لطلاب الإنتساب السنة التحضيرية

[Diro]

ياحر اليدين انت جالس تنفخ في قربة مخروقة

[عبدالعزيز الاحمد]

وعلى طاري الرسوم..
حاطين لي على (طالب غير مسدد)
ولسه مابدأ الفصل الثاني..

[أبوالوليد]

أنا أتفق مع يارب تحقق أحلامنا ..
ولست هنا أدافع عن الجامعة .. لكن طرح الموضوع بهذه الطريقة هو الخطأ ولن يأتي بنتيجة ..
عندما تتهم وتلقي باللوم كله على الجامعة حتى في تحصيلك للدرجات وترى أن معدلك يجب أن يكون مرتفعا بدون مذاكرة وجهد وتعب هذا هو العجيب ..
هناك بعض الملاحظات على الجامعة وهي فعلاً مجحفة بحقنا كطلاب انتساب ولابد من طرحنا العقلاني لهذه المشاكل كي نستطيع إيصال صوتنا وتلقى مطالبنا القبول لدى مسئولي الجامعة .. وهذه بعض المشاكل على سبيل المثال لا الحصر:
1. المبالغة في الرسوم الدراسية ورسوم الإختبارات حتى أنه قد يخطر ببال أي أحد أن هذه البرامج وضعت كإستثمار تجاري .
2. عدم وجود آلية واضحة وصريحة ( معدل مرتفع , عدد أترام معين , دخل محدود) للإعفاء من الرسوم المذكورة أعلاه .
3. كثرة القرارات العشاوئية وفي أوقات محرجة تتعلق بنا كطلاب مثل إلغاء بعض التخصصات تغيير بعض المقررات مواعيد الإختبارات ...الخ .
4. وعدم وجود آلية واضحة وسهله لمراجعة الطالب لدرجته في الإمتحان .

وبالنسبة للجامعة أرى أنها قدمت مناهج واضحة وسهلة وفي متناول الجميع .. وقدمت أيضاً دورات تحضيرية تساعد الطالب على الإعداد الجيد للإختبارات ومن لايقدر على الذهاب لجدة قدمت هذه الدورات عن طريق الإنترنت .. وش تبون أكثر من كذا ؟
بالعكس أنا طالب مثلكم والجامعة ارتكبت أخطاء لكنها قدمت أيضاً الكثير لنا لكننا نطمع بالمزيد منها .
وأتمنى التوفيق للجميع ...

[دلوووووعه.]

المشاركة الأصلية كتبت بواسطة بدر العرافه لايف روز+يارب تتحقق احلامنا باين عليكم ماشاء الله عيال نعمه واغنياء وهياطكم واجد بما انكم تقولون ليش مايدرسون انتظام و و و و و الخ,.. وماانتم عارفين ظروف الناس ياليت واحد فيكم يخصص احدى شركاته المنتجه للملايين بالدفع عن الطلاب انتهى انا معاكم اخوي حر اليدين ولكن هناك نقطه كيف تبون الجامعه تنظر لاوضاع الطلاب والطالبات وفيه هناك عينه قليله تقف بصف الجامعه انها على حق وان الطلاب على خطأ والله انه لايزعلني جداً بعض ردود الاخوة لاحول ولاقوة الا بالله

سلمت يمناك انا ديني ودين اللي يجي ويوقف مع الجامعه وانها صح انا الحمدلله معدلي مرتفع لكن مااقدر احول انتظام تدري ليه ياللي تقول حولوا انتظام لانه انا شهادتي الثانوي قديمه شوي ...
ونسبتي بالثانوي حلللللوه بس تزوجت وانشغلت عن الدراسه يعني لاتلوم الناس وانت مو داري بظروفها

[سامي عبدالرحمن]

اشكر الاخوان على المداخلات وكل انسان له

وجهة نظر ممكن نتفق معها وممكن نختلف عليها

ولكن بالنسبة للي قال انو الواحد اذا جاب معدل

كويس ممكن يحول انتظام فهذا خطأ انتى ما

تعرف ظروف الناس ممكن الواحد مننا يكون

موظف ولا يقدر يحول انتظام بسبب ظروف

العمل بالعكس انا من مؤيدي طريقة جامعة الملك

عبدالعزيز من ناحية الانتساب واشكرهم كل

الشكر لأنها اول جامعة اتجهة هذا الاتجاه على ما

يبدو لي، ويمكن ان يكون هناك قصور من

بعض اعضاء هيئة التدريس من بعض الجوانب

سواء طريقة الاسئلة او زمن الاختبار ... الخ ،

ولكن هذا لا يعمم على الجامعة ككل ، انا بكل

صراحة اعمل في جامعة الملك سعود

موظف ولم يقبلو بأن ادرس فيها لا انتظام والا

انتساب مع انني من منسوبيها مما جعلني اتجه

إلى جامعتي الحبيبه وهي جامعة الملك عبدالعزيز

لأن جامعة الملك سعود لا تقبل سواء برسوم او

بدون رسوم.

ولاكن انا معكم من ناحية اعفاء جميع الطلاب

والطالبات من الرسوم في جامعة الملك

عبدالعزيز ولكن لا ان نبخسها حقها، ونضع اللوم

عليها جميعا. فشكراً يا جامعة الملك عبدالعزيز.

[سمو انسانه]

السلام عليكم ورحمه الله وبركاته ...

احب اوضح لكم نقطه مهمه فى كثير داخلين انتساب ومايدفعون رسووم تتدرون ليش

بسبب الواسطه والله يعلم كيف يصححون الاوراق بس يبغون فلوس حسيب الله ونعم الوكيل فيهم

وبصراحه الجامعه كلها ظلم كل شي بفلوس عندهم يعنى صرنا زى الاجانب كل شي بالفلوس

مي يسمع ويحس فينا

[عطر هلالي]

المشاركة الأصلية كتبت بواسطة يارب تحقق احلامنا الاخ حر اليدين وباقى الاخوان ياخى انا اشوف ان موضوعك والردود متطرفة جدا وبعيدة كل البعد عن الصواب ياخى وانا اقصد فيها اللى دوبهم مخلصين الثانوي لية ماشديتم حيلكم وانقبلتو انتضام ؟؟؟ ثانيا طيب اعتبرنى ظلمتكم بهذى النقطة طيب لية ما شديتو حيلكم بالترمين هذى عشان تحولو انتضام؟؟؟؟؟؟؟؟ اتحدي احد يجاوبنى انتم مع احترامي لكم تبون كل شي على طبق من ذهب تعال روح انتسب طيب بالجامعة المفتوحة صدقنى غير تدفع اضعاف اضعاف اللى تدفعة هنا وبالاخير شهادة تتصور جنبها لية ياناس انتم نظرتكم دائما فى الجزء الفارغ من الكأس طيب انظر الى قوة الجامعة انظر الى انها استوعبت كل العدد الهائل اللى ذكرتة وبعدين انت تقول اسئلة تعجيزية والله والله والله انك جانبت الصواب بهذا الاسئلة كانت سهلة بكل المقااااااييس وبالعكس اسئلة تافهة ويحلها اي شخص ياخى انت طالب جامعى من المعيب عليك ان تتذمر من صعوبة الاسئلة او محد محترمك اصلا احنا مالنا اى احتكاك بالجامعة سوي فى الاختبارفقط نجي نختبر ونروح يعنى متى حسسوك انك غير مهم ياخى كل جامعات العالم تطلب رسوم على التعليم عن بعد او حتى الانتساب شوف جامعات مصر تكلفتها اكثر من جامعتنا الحبيبة شوف الجامعات الاوربية يبلى لك قرض من الراحجى عشان تغطي نفقاتها وتجينى تنتقد الجامعة ياخى ربما انت لا تعرف المجهود الذي يبذل لاجلك ياطويل العمر مجهووود كبير اتحدا جامعة مثل عبدالعزيز تسوية وعدين تعال شوف التخصصات المطروحة للانتساب اتحداك اتحداك تحصل جامعة بوطننا الحبيب تطرح مثل تخصصات جامعتنا الجميلة للانتساب يا اخى لا تهضم حق الناس ومجهودكم اخى وبقية الاخوان انا اوفقكم الرأى فى ان الرسوم عالية طيب شدو حيلكم وحولو انتظام ولا بس تبون وناسة وفلة واخر الترم بيومين تبدون تذاكرون وبالاخير سب وسخط على الجامعة واللى اسس الجامعة وحتى حارس الامن اللى علىالبوباات الضاهر انة ماسلم من سبكم وانتقاداتكم ثق انة على قد ما تبذل راح تجنى وثق بالله قبل كل شي وسترى النتائج يا طويل العمر اعتذر لوجرحت باحد ولكن هذا رأيي ولكن اتراجع عنة ودمتم

أولاً الشكر لصاحب الموضوع وإن شاءالله تكون هناك ردة فعل إيجابية من الجامعة لأبرز نقاطة المهمه التي تساعد الطلاب على الوصول للهدف المنشود ...

أخوي يارب تحقق أحلامنا

أنت تعرف ان حتى الطلاب حديثي التخرج من الثانوية يصعب عليهم الإنضمام لجامعات المملكه لأسباب كثيره منها محدوده الأمكنة ومن هالصيغ حق الجامعات ..!!
ومو المسأله شد حيلك وذاكر ومعدل عشان تنقبل في الجامعه ، ياخي الدنيا تقلبات والأوضاع تتغير من شخص لآخر والظروف الناس الثانية مايعلم فيها إلا ربها ..
الطلاب يحتاجون فتح الأبواب وخاصه من الجامعات بعد الثانوية مهما كانت التكلفه من الدوله هذا هو الحل مو يقولون مو شغلنا شد حيلك عشان تدخل الجامعه ....!!!
أتمنى نصل لمرحله بحث الجامعة عن الطلاب والتوفير لهم والتأهيل الصحيح السليم وأن تأخذ المسأله أمانه وليست تجارة ...!!!!


بالعكس أخوي الطلاب مايبون كل شي على طبق من ذهب وانت الصادق يبون جامعات تتوفر مقاعد للطلاب المتخرجين من الثانويه ولاتتعذر باعذار فاشلة مافيه كرسي ومافيه قاعه والجامعه حدها مدري كم طالب وطالبة !! شف مثلا عندك مصر وسوريا وباقي الدول مكانك يكون بالجامعة موجود حتى لو نجحت بمقبول من الثانوية ..! إذ وصلنا لهذي المرحله ويتم قبول الطلاب دايركت .. اقولك عندنا جامعات صح وتستحق الشكر غير كذا لا والله ....

وبعدين أخوي لمعلوماتك مصر مافيها إنتساب إلا لسن 50 سنة وطالع .... يعني القاعده عندهم إنتظام وماعندهم مشاكل وتخيّل عدد الطلاب بيننا وبينهم ....!!!!!!

صدقني المشكله مو في الرسوم ... المشكله يبيلها مجلس وزراء

يارب تحقق أحلامك آمين والله يعطيك العافيه وكلها وجهآآت نظر ونتمنى الأفضل لجامعاتنا وطلابها وهذا القصد

كل الشكر

[روووض]

انا ماني عارفه مين حط فكرة الرسوم انا اشوف احنا اهل البلد ماندفع مقابل مادي عشان نتعلم
والله المفروض يخلون الدراسه الجامعيه اجباري زي الجيش في بعض الدول عشان ننفع بلدنابس امرنا لله
نقدر نتحمل باذن الله الرسوم بس اللي مانقدر نتحمله الضلم في الدرجات وهذا الكثير اشتكوا منه

[أميرالمحبين]

أخوي يا رب تتحقق أحلامنا
(( الرد بالصفحة الأولى ))

أوافقك الرأي تماما فيما ذكرت
أنا لم اشاهد مما ذكروا الأخوان أي شيء

واجهت كل الإحترام في زيارتي الوحيده للجامعه
وكانت الاسئله سهله وفي متناول اليد
وأنا لست من الطلاب المميزين أبدا
فآخر عهدي ببعض المواد كان قبل 14 عاما
مثل مادة الرياضيات
فأنا قسم أدبي ولم أدرسها بالثانويه العامه
ومع ذلك ذاكرتها قبل الأختبار بأيام وأستطعت إجتياز الأختبار

بالنسبه للرسوم
لو كان هناك نظام يقول لا يوجد شيء إسمه إعفاء من الرسوم
لما فكرنا بهذا أبدا بهذه الإعتراضات
ولكن الجامعه خصصت ومساعدة منها إعفاء لفئه معينه من الرسوم
لماذا نحاول أن نكون جميعا من هذه الفئه ...؟

عندما إلتحقت بالجامعه
لم أفكر بالإعفاء ولا بالمساعده ولا بغيرها
لماذا أصحت الآن أفكر بكل هذا

لعلي أسمع الناس وأحاول أن أتبعهم

أخواني إذا كنتم تعرفون النظام بالجامعه فلماذا إلتحقتم بها من الأساس ...؟

الطالب المنتظم يحق له أن لا يدفع الرسوم لأن فترة تسجيله من الجامعه بعد الثانويه مباشره
أما الأغلبيه من المنتسبين موظفين
ولعلهم لم يستطيعوا بسبب معدلاتهم أو لعدم رغبتهم في ذلك

أرجوا أن لا تنظروا بالموضوع إلي السلبيات فقط
أنظروا إلى الإجابيات أيضا
عندما تحصل على شهاده معتمده دوليا وتستطيع التقدم بها إلى أي وظيفه راقيه
عندما تحصل على الكم الهائل من المعلومات بعد التخرج
عندما وعندما

أرجوا مناقشة الموضوع من جميع جوانبه

.

[ابونوره الرفاعي]

الله يعطيكم العافيه
اخواني واخواتي( اتفق العرب على ان لايتفقوا)
بصرحه وجهات نظر متنقضه
اما انا اتمنى ان لايظلمونا في الدرجات
ولكم مني جزيل الشكر