افتتاح موقع بالقصيم للاختبارات للسنة التحضيرية

[الـمـقـاول]

دكتور شلونك طال عمرك ؟ يارب تقرا رسالتي وانت في اتم الصحه والعافيه الله يحييك


دكتور .. انا الان من القصيم .. ومااعرف احد في جده .. وحالتي الماديه اكذب عليك لو اقول سيئه .. واكذب عليك لو اقول كويسه .. حالتي الماديه عاديه بس مااعرف شي بجده ومااعرف كم اسعار الشقق الي بترتفع بعد الي صار (( والله يرحم من مات )) اضافة لذلك احنا بندور الرخص ومابندور الغلا فبالتالي يادكتور ليه ماتحطون مركز دائم بالقصيم وليكن في بريده مثلا او اي مكان في القصيم ترونه مناسب وللعلم يادكتور ترا التعليم عن بعد في جامعة الامام في الرياض حطو مركز دائهم لهم في القصيم وفي بريده تحديدا في مقر المعهد العلمي ولكافة التخصصات من اول مستوى لاخر مستوى رغم ان الرياض مو بعيده عن القصيم لكن سبحان الله يبحثون عن راحة الطلاب وعدم سفرهم بسبب اخطار طريق واسعار شقق بالرياض وخلافه فياليت يادكتور تناظرون في أمرنا بدال مانسافر ونتغرب عن اهلنا والمذاكره ماراح يكون التركيز فيها مثلما يكون التركيز جنب أهلنا ففي النهايه حنا نبحث عن العلم وخدمة البلد عن طريق جامعتكم العظيمه والي خدمتنا بوضع برنامج الانتساب لتنقذ الاف الطلاب الي ماتوفقو مثلي في الانتظام او الغير قادرين على الدراسه انتظام وخلافهم فبالتالي بندعي لك كل يوم وكل ليله بس اعرض هالامر على ادارة الجامعه وحاول فيه عشان مو بس حنا الي ندعي لك برضو امهاتنا وابوهاتنا بيدعون لك وبتنتفح لك ابواب الدنيا والرزق بسبب دعاوي العجايز والشيبان لانك خليت ابناءهم يختبرون بجانبهم وماخليتهم يسافرو فأرجوك ابحث هذا الامر مع المسؤولين واجعله على ارض الواقع ولك منا كل الدعاء لك ولاولادك وام اولادك بس ارجوك ساعدنا .. وبارك الله بك وباخوانك الدكاتره لما يحبه ويرضاه

[القلب الاحمر3]

نريد مركز ثابت لاختبارات المناطق في أبها أو خميس مشيط يخدم الطلاب والطالبات في الجنوب كافة
ودمتم يا جامعة المؤسس في حفظ الله

[عاشق النون]

الله يعطيكم العافيه والصحه

عندي سؤال للعميد

اذا اختبرنا في القصيم هل الاسئله تختلف عن اسئلة الجامعه في جده

او انها نفس الاسئله

وهل المسئول عن التصحيح هو نفسه في جده

شاكر ومقدر

[*هاجتن داجه*]

ياريت العميد يجيب على تساؤلاتنا وكيف انو المعهد يقول مافي اي شي بالقصيم
عشان الواحد يعرف وش له ووش عليه
وعشان يمدينا ندفع قبل لايروح علينا الوقت ونتوهق



ولكم جزيل الشكر..

[سراب ومن حولي ضباب]

ومو أي طلاب... فقط لطلاب كليه الاقتصاد والاداره وفقط للمستوى الاول...

سؤالي الله يرضى عليكم .. هل هذا الكلام صحيح ..؟؟

وهل فقط السنه التحضيريه يكون الاختبار في القصيم ..

وياسعادة العميد الله يجزاك الجنه .. أنا من القصيم واسعدني جداااااااا الخبر اللي أعلنت عنه ورااح ننتظر حتى تعلنوا سعادتكم عن موقع الاختبااار

والله ينور خطااكم حتى تيسروا المشقه على الطلبه في كل مكاان

وياااليت لو يستمر الاختباار دائماا مو بس سنه تحضيريه .. لانه صراحه والله مشوار لجده والله يعيناا بســ

............

الله يجزااك الجنان وطاعه الرحمن ياارب

[سراب ومن حولي ضباب]

دكتورر سوري على الازعااج

بس فيييه موضوع مهم جداا ولا يقدر يفيدني غييرك

...............

أخوي انتساب سنه تحضيريه بخطه ب معي .. بس المشكله انه في الحدود في الجبهة للقتاال مع الحوثيين

أرجوا من شخصك الكرريم النظر لموضوعه ,, لأنه صعب يحضر في الوقت المناسب للاختباار وكذلك للمذااكره

..............

أنتظر ردك بفاارغ الصبر .. هو كان متحمس للدراسه لكن الحرب أتت في وقت ما احد يتوقع << وهذي تعتبر ظرووف قااهرهـ

[عاشق النون]

السلام عليكم

ما اشوف احد جاوب على اسئلتنا

ارجوا انه يكون في رد

لكي نرتاح من التفكير اللي مسوي قلق

[نسـ أنساه ـيت]

انا سجلت صباح اليوم في معهد العالمية في بريدة ,, وسددت الرسوم المتمثله بــ 1000 ريال


وسوف يكون الأختبار في بريده وحسب كلام معهد العالمية أن مكان الأختبار سيتحدد لاحقاً وسوف تأتي رساله على الجوال ,,




واسأل الله العلي العظيم أن يوفق الجميع لما يحبه ويرضااه

[*هاجتن داجه*]

المشاركة الأصلية كتبت بواسطة نسـ أنساه ـيت انا سجلت صباح اليوم في معهد العالمية في بريدة ,, وسددت الرسوم المتمثله بــ 1000 ريال وسوف يكون الأختبار في بريده وحسب كلام معهد العالمية أن مكان الأختبار سيتحدد لاحقاً وسوف تأتي رساله على الجوال ,, واسأل الله العلي العظيم أن يوفق الجميع لما يحبه ويرضااه

يعني فرع العالميه اللي ببريده صار عندهم علم إنو راح يكون فيه اختبار بالقصيم وإلا لأ..؟؟
لأن يوم سئلناهم قالو ماعندنا خبر بأي شي...؟؟؟


وياترا عادي إني ادفع لفرع العالميه اللي بالدمام وأختبر بالقصيم وإلا لأزم ادفع للفرع اللي بختبر فيه؟

[نسـ أنساه ـيت]

يعني فرع العالميه اللي ببريده صار عندهم علم إنو راح يكون فيه اختبار بالقصيم وإلا لأ..؟؟ لأن يوم سئلناهم قالو ماعندنا خبر بأي شي...؟؟؟ وياترا عادي إني ادفع لفرع العالميه اللي بالدمام وأختبر بالقصيم وإلا لأزم ادفع للفرع اللي بختبر فيه؟

أهلا أختي

الخبر تأكد عند معهد العالمية يوم الأثنين الصباح ومن بعدها بدأ التسجيل ويقولي المسؤول أن العدد الأن تجاوز 12 طالب اللي يريدون الأختبار في القصيم


وبالنسبه للرسوم ليس لها علاقة بمكان الأختبار ,,


لأن الموظف سألني بعد دفع الرسوم ,, تبغى تختبر في الرياض او القصيم او الشرقية او أبها ؟؟؟؟



وطلبت القصيم ,, طبـعااااا













ويارب توفق الجميع