والله اني ابكي من العصر من شدة القهر..ادري انهم ما يستاهلون دموعي بس ابغى احد يعلمني

[alkhmali]

طبعها (الامل) ماردت الى الان وانا ابي اكد لكم ولها شي اذا عدد ساعاتها اكثر من 15ساعه بعون الله غير تخصص وتجي معانا واذا اقل بتكمل ترم تعويضي وتلحق هذا اولاً اما اذا رئيسة القسم تبي تضرها هذا شي ثاني لان المطلوب عند البنات 90 درجه كشرط القبول وكمان اختبار مستوى على مااعتقد المهم ادعوا لها والله اني حزنت عليها
اللهم وفقها واجبر بخاطرها وفرح بها زوجها

[رحماك ربي]

أختي العزيزه
خليكي على قد أسمك
ويكون املك بالله كبير
أنا بعد حلم حياتي أتخصص انجليزي
مع إني معلمة بي دبلوم معهد ثانوي
يعني ماعندي تخصص لما قال الوالد
تدخلين المعهد بكيييييييييت لاني حسيت حلمي راااااااااااح
بس تخيلي بعد تسع سنوات في التدريس حلمي أبداً مامات
ورجعت مره ثانيه أكمله وكان في الأمر خيره سبحان الله
لأن التعيين صار أمر صعب جدا إلا بتوفيق من الله
أنا الأن اقدربعد ما اتخرج بإذن الله تعالى اغير بس المؤهل
وأقدر ادرس انجليزي وبكذا حققت حلمي فالحمد لله على هذه الفرصة
اللي ربي قدرها لي بدون حول مني ولاقوه
اسأل الله ان يكتب لك الخيره في الأمر ويفرج همك ويسهل أمرك
ويذلل لك كل صعب آمين يارب

ملاحظة/ طمنينا عليك ضروري متابعة بقلب مشغووووول

فاليحفظك الرحمن

أختك
أمل

[smart1111]

اختي دام معدلك كذا ودرجاتك عاليه اكيد وبعد مشيئة الله بتتخصصي انجليزي بالراحه اغلب من تخصص اقل منك درجات ومعدل والله يوفقك ولا يخسرك

[ladybug]

يا قلبي روحي لعند قسم السكرتارية في الجوهره و اشرحي لهم وضعك ،،، يمكن يقبلوكي من غير اختبار لانة فية بنات انتساب دخلوا القسم من غير اختبار لان درجاتهم في الالكا مرتفعة ،، و كمان تري هم ما ينظرون للمعدل اهم شئ الدرجات ،، و الله يوفقك يا قلبي و يخليلك بنوتتك

[*غند*]

استخيييييييري اولا واخيييراا

وان ارتحتي حااااااااااااااااااااااااولي هم يحبوا البناااات اللي يحاولووووا عشان يبروا ذمتهم من تصعيبهم المبالغ فيه

لان الرسووب كبيير في هذا القسم واحسهم طفشوا منا مع انهم هم السبب في رسوبنا

الله يوفقك ياااااااااااااااااارب

[R O Y A L]

المشاركة الأصلية كتبت بواسطة al.amal مابي افتح موضوع جديد بس مجبره لانه اتكلت ع الله ثم على واحد في الجامعه حلف انه ما يقصر معي وهذا الكلام من قبل شهرين انه يخصصني لغات وللاسف رد ع زوجي اليوم وقاله خلها تتخصص اي قسم وتشد حيلها والترم الثاني تتخصص لغات طيب ليه اضيع من عمري هالوقت يكفي عشر سنين الين الحين وانا احاول ادرس ومااقدر ادرس شي مرغمه عليه ولا ظروفي تساعد اني اضيع وقت قولولي وش الحل ادري اني غلطت لمن اتكلت عليه بس ما تتخيلون انا عندي بنت صغيره ومافيه احد اوديها عنده في الصباح والا كان رحت من اول بس اليوم قررت انه لو ياخذها ابوها معاه العمل اهم شي اروح الجامعه واتفاهم معهم يا انهم يخصصوني يا يطردوني خلاصة الكلام معدلي 3.94 وelca1=84 elca2=100 هل اقدر بهذي العلامات اتفاهم معاهم وهل بيساعدوني وهل باقي عندي فرصه مع العلم لحد الان مجال التخصص مفتوح في الاودس عندي وانا ما خصصت ووين اروح ولمين انا ما اعرف تكفون للي عندها معلومات لا تبخل الله يرضى عليكم تساعدوني

مرحبا .... اختي الفاضلة ...
اولا : قل لن يصيبنا الا ماكتب الله لنا ..الكثير منا يتمنى ويريد اشياء وامور قد لاتتوفر له في وقته الحالي او ان الله سبحانه له حكمة في التاخير او التقديم . فالامر من قبل ومن بعد بيد الله الواحد العزيز بمعنى لو توسط لك اهل الارض كلهم وما كتب الله لكي نصيب لن تاخذيه الا ان يشاء الله ويريد .
ثانيا : من ثمار التوكل على الله توكيل كل امر من امور حياة الفرد لله فهو المتصرف .
ثالثا :ان واحد من الذين كان يكره اللغة وكنت من المستحيل ان انتمي يوما له لهذا القسم . ولكن سبحان الله في فترة لاتتجاوز السنة احببت القسم وهو امتداد لعملنا الحالي كوني في شركة اجنبية .
رابعا :الدعاء لله تعالى بالفرج والصدقة تعجل بالاجابة توكلي على الله تعالى ولن يخيبك الله .
دمتي .......بود ووفقك الله لما تريدين

[AL.AMAL]

مساء الخير ع الجميع والله لا يحرمني منكم ومن كلامكم ودعمكم اللي ما لقيته من ناس اعرفهم واقربلهم

اعذورني ع التاخير بس مثل ما قلتلكم عندي بنتين والكبيره اولى ابتدائي ومنهجها امريكي وياخذ وقت مذاكره
ودوبي اللي فضيت لنفسي

رحت اليوم الصباح لمبنى الجوهره
مكتب السكرتاريا ماكان فيه الا وحده
سالتها كيف اقابل المشرفه ردت بكل برود وش عندك؟
قلتلها السالفه
قالت روحي المبنى الثامن هناك التخصص
والمشرفه مو موجوده
طيب اعطيني معلومات اكثر ..ماهي راضيه وسوت حالها مشغوله

طلعت ونفسيتي اووووووووووووووفففف
رحت لمكتب ثاني قالو لي ارجعي لهم

رجعت لقيت نفس السكرتاريا بس فيه وحده ثانيه معها
كلمت الثانيه ونفس الاسئله قالت المشرفه مو موجوده
بس لا عاد ترحين للثامن لانه وقفنا اختبار القياس من يوم الاربعاء
قلتلها ظروفي ومانع تاخيري
قالت مالك الا تتخصصين شي ثاني
المهم ما خليت كلمه ما قلتها واعذاري
قالت خذي هالورقه واكتبي خطاب للمشرفه الدكتوره رندا
وانا ما اوعدك ارد عليك هاليومين بس سجلي رقمك ونشوف ونتصل بك

طيب اجيكم اراجعكم
قالت لا انا ما اعطيك امل
واطلع اللي في راسي كله في هالورقه <<<<قصة حياتها
المهم واعطيتها وحسيت ببرود في اسلوبها
قلتلها اقراي الورقه شوفي
قالت لا انا مو راقه ووالله ما عندهم شي
بس يسولفون ويحشون في خلق الله وانا موجوده
المهم قلتلها باقولك شي ولا عندي الا في اللي خلقني
انا احس ان جامعتكم هذي ما تمشي الا بالواسطات
قالت لا والاستاذه رندا ما عندها هالكلام
قلتلها اخاف الورقه هذي ماحد يقراها
قالت تراك كذا تسبيني
قلت واللهما عندي فرصه اني اجيكم كل يوم
فرصتي اليوم ولازم احاول

قالت انتظري اتصال او اتصلي علينا
وهذا اللي صار

زوجي ما قصر طالع نازل من الصباح

املي برب العالمين


وفيه شي ابغى اقولكم عليه
ترى يقولون من بكره ماراح يقبلون دخول بنات ببطايق التحضيري

[AL.AMAL]

ام حمدان
so0o so0o
زي الشباب
cute soso
البرستيج
شودي
رويده عباس
toto111
مايا
adool123
alkhmali
رحماك ربي
smart1111
ladybug
غند
ROYAL


الله يجزاكم الجنه جميعا
وكل نصيحه وكل مشوره
خذيتها بعين الاعتبار
وكل دعوه عساها ترجع لصاحبها بمليون اجر وخير

انا نفسي ارد عليكم واحد واحد بس ما راح اوفيكم حقكم

يارب اللي كتبله ربي ودخل التخصص انه يبلغه بالتخرج ويفرح قلبه
واللي باقي ما دخل يكرمه بدخوله ويطمنه

ووالله حسسوني اني قاعده ابي احرر فلسطين
المفروض دام احنا انتساب وندفع لهم رواتب طلاب الانتظام
تكون المعدلات المطلوبه مننا اقل من كذا شويه
بس شعارهم تحطيم ثم نهب ثم سنترا
وياليت تنتهي بتخرج زي الناس
بس الكل يشتكي


حسبي الله ونعم الوكيل

[AL.AMAL]

المشاركة الأصلية كتبت بواسطة alkhmali طبعها (الامل) ماردت الى الان وانا ابي اكد لكم ولها شي اذا عدد ساعاتها اكثر من 15ساعه بعون الله غير تخصص وتجي معانا واذا اقل بتكمل ترم تعويضي وتلحق هذا اولاً اما اذا رئيسة القسم تبي تضرها هذا شي ثاني لان المطلوب عند البنات 90 درجه كشرط القبول وكمان اختبار مستوى على مااعتقد المهم ادعوا لها والله اني حزنت عليها اللهم وفقها واجبر بخاطرها وفرح بها زوجها

اخوي
ساعاتي 26
والعميده زي ما قلت ماهي فيه
ومسلسل التحطيم مازال مستمر
بس تسلم ع الدعوه والاهتمام
يجزاك الجنه

[so0o so0o]

لا حول ولا قوة الا بالله ..
اكثري من الاستغفااار و الدعااء وتوكلي على الله فهو حسبك
وسبحان الله كل شي من الله خير لكن الانساان عجووول
الصبر الصبر الصبر
وربك كريم .. الله يوفقك وتتيسر أمورك يااارب