تجمع مـآدة اللغـة الفرنسية 2 لعـآم 1432 الفصل 2{انتســــآب}

[s.w]

المشاركة الأصلية كتبت بواسطة الملاك الأبيض طيب لو سمحتي بس ابغى اسال انو التعبيرين راح يكون واحد عن البيت وواحد عن وصفة البشاميل صح كذا ولا لا ؟

لاشكر على واجب حبيباتي
شوفي ياملاك الاول طبعا حيكون عن البيت وهو مكتوب في الكتاب بالنص وشفتوه اتوقع
ومن ناحية الاكل ممكن تجيب من عدة طرق منها اننا داخلين مطعم ويدينا منيو واش نختار انتي لوحدك او مع صديقتك مثلا
وممكن تجيب انتي اش انواع الاكل في فطورك وغدائك والعشاء وممكن طريقة الباشاميل بس صراحة هي ماذكرتها قالت النقطتين الاولى بس هيا قالت لنا وصفة الباشاميل في الدورة فحتكون معانا اكيد وبس هذا اللي قالته إن شاء الله اكون جاوبتك

[بانسيه]

الله يسعدك ويوفقك ويريحك زي ماريحتينا ,, شكرااااااااااااااااااااااا مرررررررررة

[my-nana]

شوفوا قبل كذا قالت لنا تعبير البيت وعن صديقتك ونتكلم بنفس النقاط اللي تطلبها
وجت بالنص زي ماقالت وماجابت تعابير ثانيه غيرها
سؤال: الحين مقادير وطريقة عمل الباشميل هيا ايش ؟ طبعا لو بالكتاب قولوا لي رقم الصفحه
أو أي طريقه نكتبها ماتفرق اهم شي الأشياء الأساسيه ؟

خلاص بنات لقيته بصفحة 94 تمرين 9

[lalo0osha]

مرحبا يا بنات ..

يعطيكم العافيه على مجهوكم الجمييييييييييييل .. وموفقين بكل اختباراتكم يارب ..

full mark بكل المواد بإذن الله

معليش بس انا خااايفه صدق من الفرنسي .. والله يسهله لنا ان شاءالله

بس عندي استفسار بسيط عن التعبير

يعني انا الي فهمته من كلام الاستاذه اننا نحفظ نفس التعبير الموجود بالكتاب ..

بس حسيت ان انتوا كلامك غير كذا :( ..


بليييييييييز قولوا ان كلامي صح الله يخليكم .. ما اتوقع بتقولنا اكتبوا تعبير من راسكم .. صح ؟!

الي عندها اي معلومه .. او حتى توضيح تعلمني الله يخليكم

ويعطيكم الف عافيه ..

[my-nana]

بالنسبه للتعبير مو لازم نفس النص
بالإضافه لذلك ماراح تقول اوصفي بيتك ؟ وتوقف عند كذا
راح تقول اوصفي بيتك(فيلا او منزل او عماره او شقه او استوديو)و من حيث المساحه (كبير وإلا صغير)ومن حيث عدد الغرف ومن حيث إنو(هادئ او غير هادئ )ومن حيث إنو (مشمس او مكتوم)ومن حيث انو (مودرن او قديم)(في وسط القريه اوفي القريه او منعزل )(في المدينه او وسط المدينه )(مريح او جيد ومرضي)
كمان ممكن لمن تذكري عدد الغرف او هيا تطلب هالشي انو تطلب كمان توصفي البيت من الداخل مثلا
المطبخ على اليمين والصالون بالوسط وغرفة النوم بآخر البيت وغير كذا اشياء كثيره تقدري تعملي منها تعبير خطير
بس اهم شي تحفظي الفوكابلري حق البيت من أثاث واسماء غرف ومواصفات البيت وانواع البنايات فيلا منزل استوديو وغيره
طبعا بتحتاجين تستخدمي نفس اسلوب وطريقة التعبير اللي بالكتاب انما الجمل مو لازم تتقيدي باللي فيه ولاتقولي بحفظه واريح راسي لأن ممكن تجيب لنا نوصف شي بالبيت مو موجود باللي بالكتاب
اتمنى فهمتي علي
وسامحيني على طووووووووول الهرج هههههه
مره اشوف ان سهل مايحتاج ابدا غير حفففففففظ

[الملاك الأبيض]

هاي قيرلز كيفكم اليوم نهاركم سكر

بس حبيت اخبركم انو التعبير تبع البيت اللي في ص 63 الاستاذة قالت لنا انو نحفظه زي ماهو بس لازم نغير اول جملة فيه اللي هي :
nous allons acheter une maison de campagne a 100 km de paris

ولازم نكتب بدالها :

j'habite une maison au centre ville

لانو احنا نتكلم عن انفسنا فممكن تكتبوا انكم تسكنوا في بيت او فيلا اوشقة في وسط المدينة او في الريف او في المدينة على حسب رغبتك وممكن تعيروا في صفات البيت وغرفه مثل ماتحبوا .


واذا تبغوا طريقة سؤال الاختبار فيما يتعلق بتعبير البيت عندكم السؤال 11 ص 63 اللي تحت التعبير
يجي زيه في الاختبار انو اكتبي عن نوع بيتك ومكانه وعدد الغرف ونوعها ووصفها... الخ

وبث بالتوفيق للجميع .

[my-nana]

جزيت الجنه ملوكه وضحت لي شكرا

[المحروم..@]

الله يوفقكم يارب ويسهل اموركم

[my-nana]

هايو بنات أخباركم فرنسيات
اليوم لقيت كم شغله بملف نزلته لكم حبيبتي الملاك الأبيض راح تلاقوا التعديلات اللي سويتها مضلله بالرمادي وآخر ورقه بس اضفت تصريف الأفعال اللي كتبتهم تعداد
بس خذوا بالكم لمن تطبعوا شيلوا التضليل وإلا ماحتشوفوا حاجه
كمان لقيت كم فعل ناقصين وزودتهم وهما تابعين للمجموعه الأولى + فيه كم فعل لقيتهم بملخص نايف القرشي بس ماني متأكده منهم لمن أدرس المنهج كامل ارد لكم خبر
وفيه افعال بالملخص لها ترجمه وبالملف اللي نزلته ملوكه ترجمه ثانيه بليز كل وحده تتأكد من ترجمة كل فعل ومنها تتعرف على النطق تبع الفعل
فعل Mettre يعني يرتدي + يضع

[الملاك الأبيض]

ماي نانا جزاك ربي كل خير وآسفة اذا لقيتوا اي خطأ ولو بسيط لانو في النهاية هذا مجهود فردي ومتواضع ولابد ان يحتوي اخطاء لكن الحمد لله انك صححتي الاغلاط اللي فيه .

ومعليش يابنوتات ابغى اسألكم في الفرنسي نكتب الصفة قبل الكلمة ولا العكس يعني مثلا نكتب :
la cuisine classique

ولا :

la classique cuisine

مررة اتلخبطت في هذي النقطة حدا يفيدني ومشكورررة .