استشاره للجميع الاخوان-ات بدون استثناء (مسأله مصيريه)

[عبدالرحمن الناصري]

بصراحة وضعك مايبيله الا استخاااااره واللي ترتاح له نفسك ويتيسر لك سوه وتوكل على الله وهو الخير لك اكييييد

[عبير العسيري]

حول علم نفس وتوكل على الله

احنا بالنهايه ندرس عشان نلاقي وظايف زي الناس ومرتبات زينه


وترا الايام تمشي بسرعه

الله يختار لك مافيه خير لك

[عبير العسيري]

تعقيبا على كلامي


تاكد من الخبر قبل كل شي

[مني يغار الورد]

الله يعينك يحق لك تحتار اسال ربي يكتب لك اللي فيه الخير
ماتقدر تدرس التخصصين مع بعض ~_~ خصوصا انه مابقي لك شي كثير باذن الله
اعرف وحدة كانت تدرس بالجامعة انقلش وبكلية عفت تخصص اخر
ربي يوفقك وييسر لك ..

[joory]

انا اشوف انو تكمل انجلش ماتدري وش يصير لك بعد سنه
اخاف تحتاج شهاده اللغه وتندم بعدين

بعد ماتخلص انجلش خذ ماستر علم نفس

الله يوفقك للأفضل

[R O Y A L]

انصحك بالاستخارة ولن يضيعك الله تعالى .. وفقك الله وايانا لكل خير ..

[mohshehri]

المشاركة الأصلية كتبت بواسطة عبدالله الal-harbiحربي ابو عاابد شكل صراعاتك بتجيني عملي نفس عملك لكن بقطاع الحرس الوطني ورفعنا على هذه المساواه قبل شهر رغم اننا نسمعبها من سنه وبيني وبينك ماكنت متفائل لانه ربما الحسد يتدخل فيها اللله يكفينا شره اخوي ابو عابد هل اعتمدوها رسميا عندكم ؟ ومتى رفعتم ؟ اما شغلت ان اللي معه بكالريوس علم نفس يحصل على الوظيفه فحقيقه اول مره اعلم عنه وبيني وبينك شي يطمع ولانحصله بالتعليم نرجع لصراعاتك اخوي انت عديت خمس اترام اذا ماكنت غلطان منها ترمين سنه تحضيريه لاتحسبهم لانهم محسوبين لك باي تخصص يعني المحسوب ثلاث اترام وقد يحسب لك بعض موادها اخي ابو عابد شوف الثلاثة اترام بسيطه مقارنه بالمستقبل اللي ذكرت لكن هل ماقيل لك مضمووون مليون بالميه ترى الكلام واجد وبعضه يسبق الاحداث وانت ادرى بمن حولك راااائي اذا كنت متاااكد وحط تحت متأكد وضامن عشر خطوط حول ولاتشاااور ولاتنسى صلاة الاستخاره وبيني وبينك اذا الوضع كذا ياسرع مالحقتك مع انه باقي لي ترمين لكن مشكلتنا يومنا عن سنه فما بالك اننا دوبنا اللي رفعنا لكن دامهم اعتمدوه عندكم إن شاء الله مضمون عندنا والله يكتب لك الخير ابو عبدالرحمن اللي كان واقف على الطريق الله ينهض عنه ولايبلانا لايكون عااابر القارات ابو فروتين اللي بسوق الجاده الله يشفيه ويرفع عنه تحياتي ابو عابد ولاتنسى اذا عندك اخبار زينه حول هالموضوع زفها لنا

الله يرزقنا وياكم يارب قيل في شهر 5 الصرف وقيل شهر 8 مع اثر رجعي من تاريخ صدور الامر اللي هو العام شهر 8 , واخوي عبدالله الله يكتبلك اللي فيه الخير وتاكد من كون الشهادة انتساب

[عبدالله بن عبدالرحمن]

الحجازي
تراتيل
asim
شودي
حمد
عبدالرحمن الناصري
برستيج
عبير العسيري
مني يغار الورد
جوري
رويال
اشكركم واسال الله يوفقنا واياكم والله يعطيكم العافيه اقددر لكم تفاعلكم وحسن آرائكم

الاخ شيخ شمر وسلطان شمر
والله الفخر لى بمعرفتك طال عمرك
بعدين ليه ماترد علي جوالك ^_^ امس بالليل
بس ماتلاحظ آيه الله العظمي ابو ألاء لم يضهر على الساحه بل اكتفي رضي الله عنه بالاتصال وكان رأيه بالرفض

الاخ عبدالله الحربي
اولا بالنسبه للحسد فابشرك الله لجم كل اصحابه هالمرة ولا كنت متوقع نفس وضعك بأن الحساد والبرقراطيين اللى صارو معروفين بالاسماء بأنهم ماراح يعدو هالامر الملكي لكن ربك يسرها
بالنسبه للاعتماد فاليوم سمعت بأنه اعتمد وصرف للخدمات الطبيه ولكن مصدر غير موثوق للامانه
اما البقيه ونحن فسألت عضو منتدب باللجنه وافادني بأنه ستستكمل الملفان من كل المناطق ومن ثم ترسل الى الوزارة وبعدها يتم تدقيقها ومعادلتها من هيئه التخصصات الصحيه ومن ثم ترفع للخدمات الطبيه للاعتماد وتصرف الرواتب وهذا كله يحتاج ما يقارب الخمسه اشهر كحد اقصي
بالنسبه للتصتصنيف فيبدا من المستوي الاول الدرجه الاولي وبعدها يرتفع على حسب خدمتك بغض النظر عن اى اعتبار اخر ولو تعطيني خدمتك الان عطيتك درجتك المستحقه .... وعطني تطفا يبو عابد الاخبار اذا صرفت عندكم


الاخ محمد الشهري
حياك الله طال عمرك ومعروفه طال عمرك كل اللى راح يصرف راح يكون بأثر رجعي يعني راح يصرف راتبك مع الزيادة من تاريخ الامر الملكي يعني شوف الزياده كم واضفها على راتبك يعني صفقه قويه صراحه ^_^
بس قولي بعد ما تنزلك عشان بتصير بعدها احسن صديق عندي ههههههه


الاخ عبدالرحمن الناصري
اشكرلك مشاعرك ورأيك السديد
وانا فعلا بتبوك لكن مستقرين هنا يعني الوالدين والاخوان واملاكنا كلها هنا ولله الحمد ومثلك خابر ديرتك هى مصدر رزقك
اسال اللهل لنا ولكم التوفيق
راسلت الجامعه وردو علي بأن معاملتي تم رفعها للمختصين ووالله مدري متى راح يردون بس نسأل التوفيق لنا ولكم
واليوم استشرت الوالد وبصراحه اشار على بأن لا اتخصص علم نفس لأنها غير جيده وقال غفر الله له بالنص(لا لالالا اتركها والله مافيها خير والله يعوضك بأحسن منها)

[ابو الاء]

بسم الله الرحمن الرحيم


سماحة الرقيب أول صحي / أبو سامي أطال الله ظلك الشريف


اخي الكريم ،: سامحك الله فأنا لم أقف موقف المتفرج عليك في هذه الأزمــــــــــــــــــــــــــــــة

وسبق أن شرحت لك بالجوال أنك تعاني من تصارع الأفكار بين المال والحب

* من الناحية المادية فوضعك لايحتاج الى ( نشدة مطوع ) لأنها مغرية ماديا


* من الناحية العاطفية انت لاتريد ان تجعل المادة تكسب الحب في هذه الجوله

أنت أقدمت على تخصص اللغة الانجليزية من واقع دافع حب وشغف وتريد ان ترضي طموحك بالحصول على بكالوريوس لغة انجليزية , وحدث لك هذا المطب الهوائي فأصبحت محتارا


رأيي سبق وان افصحت لك عنه , (( اتبــــــــــــــــــــــــــــــــــــع نــــــــــــــــــــــــــــــــــــداء قلبك )) ,

[القهوة العربية]

اسال الله ان يفك اسرك من هذا الاختيار -- ولكن ماالمانع ان تاخذ تخصصيين
وبعدين طال عمرك تقريبا ربع طلبة الانتساب معهم بكلوريس من كليات عسكرية ولازالوا يدرسون بكلوريس لغة انجليزية ( يعنى على بلاطة عشان الزياده 1200 ريال من حين الحصول على الوثيقة ويتقاضون رواتب اكثر من مدير القسم - ) الله يوفك وانا من المحبيين للمكافحين