تجمع للمتقدمين والمتقدمات لماجستير كيمياء + أسئلة المفاضلة 1437-1438هـ

[فقاعات صابون]

المشاركة الأصلية كتبت بواسطة mubdeh اكيد مو الكل بيخش المنتدى بس نحط احتمالية للعدد يعني فهمتي؟ *_^ نعطي لنفسنا شوية امل زي البنات اللي قبلنا ^لان ممكن يلغوه مثلهم ي رب (هذا اذا عددنا قليل) *لان صراحة الاختبار مراجعه لمن بحثت عنها واللي يلها موعد يعلنوا عنه بس غالبا تكون زي اخر سنة كانت تخيلي (كل المقررارات الاجبارية في الباكالريوس للكيمياء بجامعة عبد العزيز) كيف بالله نقدر نذاكر مواد اخذناها خلال 3 سنوات خلال شهر او اقل ؟؟؟

يب صح كلامك ان شاء الله يلغو الاختبار
ماتوقع عددنا كتير
بس أنا متوترة لأنهم ماطلعو نتيجة الفرز الأولي

[mubdeh]

المشاركة الأصلية كتبت بواسطة فقاعات صابون يب صح كلامك ان شاء الله يلغو الاختبار ماتوقع عددنا كتير بس أنا متوترة لأنهم ماطلعو نتيجة الفرز الأولي

حتى انا والله
😭😭
الغريب انهم قالوا من 9-13
واليوم 12
ليش قالوا اسبوع و وترونا
كان قالوا تنزل يوم 13 وخلاص 😠 قههر

[ROORO22]

صباح الورد
أنا مقدمة كيمياء عامة
ويارب التوفيق لنا جميعا
مين مقدمة معاي كيمياء عامة وعندكم خلفية عن المراجع اللي ممكن تفيدنا؟

[mubdeh]

المشاركة الأصلية كتبت بواسطة ROORO22 صباح الورد أنا مقدمة كيمياء عامة ويارب التوفيق لنا جميعا مين مقدمة معاي كيمياء عامة وعندكم خلفية عن المراجع اللي ممكن تفيدنا؟

انا برضو قدمت ع كيمياء عامة مثلك
بالنسبة للمراجع (فهي ستكون ع ما اعتقد نفس مراجع السنة الماضية واللي هي جميع مقررات البكالريوس بالتخصص )
واللي من الصعب دراستها خلال شهر واحد فقط
فانصحك تدوري لها ع ملخصات بسيطة
للاساسيات ع الاقل
-----
برضو سمعت ان اختبار المفاضلة مثل gre
لكن اسهل منه طبعا
فتقدري لو تبغي! انك تتدربي ع نماذج اختبار قري للكيمياء!
مع اني اشوف انه مضيعة للوقت اني اتدرب ع شي اصعب من الاختبار وافضل انه اكتفي بالمفيد فقط
نفسي لو في بالمنتدى لو نموذج واحد لاسئلة الاختبار.. عشان نقدر نستفيد
اللي تعرف احد اختبر او تعرف شي عن الاسئلة او ملخصات لمناهج البكالريوس بسيطة وممكن اذاكرها بشهر
تفيدنا الله يجزاها خير

[فوبو]

اطمنكم سألت عن الفرز فقالت الموظفة لسه الفرز بيتأخر عشان التمديد الي صار في التسجيل

[mubdeh]

المشاركة الأصلية كتبت بواسطة فوبو اطمنكم سألت عن الفرز فقالت الموظفة لسه الفرز بيتأخر عشان التمديد الي صار في التسجيل

قصدك ب"بيتأخر"
يعني أكثر من التمديدة حقتهم "من 9-13" ؟؟؟
😠

[فوبو]

ايوا نقول ان شاء على الاسبوع الجاي

[qresh]

اش رايكم نعمل قروب في الواتس عشان نتواصل صبايا

[mubdeh]

المشاركة الأصلية كتبت بواسطة qresh اش رايكم نعمل قروب في الواتس عشان نتواصل صبايا

حلوة فكرتك 👍

[بيو كيميائية ^_^]

لا توتروا نفسكم كلكم راح تدخلوا الاختبار

الفرز هذا يفرق مع التخصصات اللي ما فيها اختبار مفاضلة بس أنتوا كلكم تدخلون

بالنسبة للمقاعد تتغير مو شرط 40

سنتي و اللي قبلها كنا بدون اختبار سنتي 2014

لكن اللي بعدي كلهم باختبار و سنة 2015 كانوا بس 25

فلا تهملوا المذاكرة

و كثير ترا فيه مقدمين مو في المنتدى

بالتوفيق و تعلموا الصبر لأنه بتحتاجونه كثير