هل دفعة 2014 شاطرين

[Yasmina95]

المشاركة الأصلية كتبت بواسطة aodi ترا العام اللي فات جا البونس و الكرف اب ...يعني هادا سبب ارتفاع نسبهم...ممكن ليش لا ..يعني احنا راح نكون دوافير بونس=احياء10 ,كيمياء5 ,حاسب10"مش متأكدة" ,ماث10"مش متأكدة" , فيزيا10"مش متأكدة" كيرف اب= احصاء و الجزئية اللي اختبرناها في الدوري تنحذف= احياء ,حاسب المواد الوحيدة اللي بمجهودنا المهارات و الانجليزي.... و تقريبا سهلين و الله لو فكرتي بيها نسب القبول راح تكون مرتفعه اعرف كم وحدة جايبة 100 في الفيزيا والكيميا والماث و الحاسب و الاحياء.." طبعا بنات من الخطتين .." و كمان شوفي عندكم السليمانية تقولي ادفر الله يستر بس

العام ماكان في بونس في الأحياء و الاتصال ،، والحاسب (اعتقد)

احنا دحين موجود في كل المواد بونس

يعني ممكن دي السنة اعلى ،، و في بنات جابوا 100 في كلا الخطتين ماشاء الله عليهم زي ماقلتي

والاتصال في درجتين على فكرة ..!! بس على حسب الأستاذة اذا تدي او لا :)

[AoDi]

غريبة انا فهمت من كلام الاستاذات انو كان في بونس في الاحياء

و كرف اب في الاحصاء العام اللي فات.."ما اعرف عن مواد خطة الف"

الاتصال اكيد على حسب الاستاذة أعطتن ي 4.8 في الاختبار و تقو حلوة مو لازم تاخذي خمسة في كل االختباراتْ


عالم غريبة

[Yasmina95]

العام ماكان في بونس صدقيني دكتورة حنان قالتلنا و في بنت سألتها من دفعة العام قالت مافي
بس كيرف أب في الإحصاء العام كان موجود
:)

[Refal.m.a]

المشاركة الأصلية كتبت بواسطة yasmina95 العام ماكان في بونس صدقيني دكتورة حنان قالتلنا و في بنت سألتها من دفعة العام قالت مافي بس كيرف أب في الإحصاء العام كان موجود :)

العام كان عندهم اسئلة مساعدة في الأحياء ومرا فادتهم , احنا شالولنا هيا وحطو بونس
والكيميا كان عندهم بونس كمان
والاحصاء برضو

[Refal.m.a]

وفي الأخير مهما كانت الدفعة شاطرة ما حيسير الا الي ربنا كاتبلنا هوا , دحين الي في يدنا انو نرفع المعدل والباقي على الله , الله يوفقنا ونوصل للي نتمناه يارب

[smiley14]

اتوقع حنا من اشطر الدفع (البنات اقصد)
كل الي حولي ماشاء الله عليهم جايبين درجات كامله ..
و في النهايه زي ما قالت ريفال شدوا حيلكم و مايصير الا الي ربي كاتبه :)

[~Me~]

^ ترا مو شرط هيا حسب البنات الي بتمشي معاهم

مثلاً في شباب اجلس معاهم اقول 4.75 شويه ويعطوني كفوف كلهم تحت الـ 4 في المعدل لانو الشله هاذي كلها مستواها كدا

بعدين اروح عند دوافير

اسمع العالم كلها فوق 4 فتكون درجتي جداً عايديه وفي منهم خطه ب وجايبين 4.8 يعني حيروحو أ يقفلوها 5 من 5


فهيا حسب الناس ومحيطك يمكن انتي تمشي مع دوافير وكذا

[AoDi]

و الله انا احسها عادية لأنو انا امش مع اكتر من شلة و كل ناس درجاتهم شكل ...يعني شفت من 2.7 من 5 إلين 5من 5

و في النهاية اللي ربنا كاتبوا يصير

Note:

كانوا يعطوهم مجموعة اسئلة و عشرة منها تيجي في الاختبار كنوع من البونس...

هاذا اللي سمعتوا..

[Positive]

^الدفعة صراحة مرا دوافير
كثير اخذوا 100 في كل المواد
الله يستر :(
احس التخصصات الطبية بترتفع نسبها دي السنة 💔

[Basma algHamdi]

بالعكس تماماً الدكتورات يقولوا النسب الموزونة حتنخفض في التخصصات
و كمان قسم العمادهه عند الأولاد يقولو أسوأ دفعه مرت ع جامعة الملك عبدالعزيز
ديي السنه من ناحية البنات وَ الأولاد ، صح في حدا جايب درجات عاليه لكن الأغلب أسوأ
ماحبيت احطمكم بس هذيي الحقيقة ععَ حسب كلآمهم ، نقدر نقلب كلامهم دا السمستر و بالتوفيق "