درستوا خطة ب الترم الأول ؟ تعالوا ساعدوني :)

[Yasmina95]

السلام عليكم ...

الاحصاء:

اول شيء الاحصاء مادة جدا سهلة ولا تسمعي لكلام احد انها صعبه
ترا والله المادة جداً سهلة
مايحتاج تذاكري من ملخصات ، ذاكري من الكتاب مع التمارين اللي بتنحل في السيكشن
لانو التمارين الي بتنحل بالسيكشن مرررة مهمة وكتير جات زيها في الاختبار
نصيحة احضري مع سماح سندي او حولي عندها من بداية الترم
تفهم مرة مزبوط ماشاء الله و تديكي كل الأفكار والأسئلة اللي حتجي في كل درس
ونصيحة ، كل التعاريف اللي في الكتاب ذاكريها لانها مررة مهمة
تبي تفهميها او تحفظيها براحتك بس مرررة مهم ، ولا تدخلي الميد الاول او التاني او النهائي الا وانتي فاهمة الاحصاء و مركزة فيه
مو حافظة بل فااهممته كووويس ، لانه الميد الاول جاء لف و دوران ، و حتحلي بقدر ما انتي فاهمة الأساسيات كيف ..!!
وبنهاية الترم فيه كيرف اب لكل بنت بس حاولي ما تنزلي عن 95

الكيمياء:

الكيمياء ماده متوسطة مابين الصعوبة والسهولة

سهلة لانو كلو حق ثانوي ، صعبة لانها كتير يعني معاكم 11 باب بالنهائي
و نصيحة ذاكري من تست بانك ليلى الحربي مع سلايداتها لانها منسقة المادة
و عندك إيمان حجازي كويسة ، ونصيحة ذاكري اول باول في الكيمياء
و اصعب شيء بالتست بانك شابتر 3 & 5
ليلى مو مرة تفهم بس اذا كان عندك أساسيات من حقت المدرسة خليكي معاها لأنها تشرح ع أساس انو عندك أساسيات من المدرسة
وجانا بالنهائي 45 سؤال بسبب أغلاط السيستم انو الإجابة صحيحة غير موجودة او الخيارات مكررة


الاحياء:

نصيحة ذاكريه اول اول و أكثر ماده أشدد عليها ... ذاكريها اول باول و ختميه قبل الاختبار
الميد الاول و التاني دايما سهل .. لكن في النهائي الاسئلة تجيكي بلفة شوية تعتمد على فهمك للمنهج
انا جاني سؤالين برة سلايدات و سؤالين يعتمد على فهمك
نصيحة احضري من البداية مع حنان الشاذلي لانها تفهم

ولاحد يقولك انو الاحياء يعتمد كتير عالحفظ و مو ضروري تحضري مع أستاذة معينة
هالكلام غلط،،، احضري مع المنسقة حنان الشاذلي نصيحة لانو في أشياء تعتمد عالفهم
و الدكتورة ماشاء الله مرة كويسة تفهم :)
و ذاكري من السلايدات لا تعتمدي على اي ملخص او شيء.... من سلايدات وبسس
و كمان فيها بونس 10 درجات بالضبط دي الفيزياء و الرياضيات
الحلو في الاحياء انو البونس حق الميد والتاني اذا ما استخدمتيه يروح معاكي للنهائي
يعني مثلا اذا جبتي 33 في الميد الاول و التاني ،، يصير عندك في النهائي 4 بونس و6 حق الدوريات
يصير 10 بونس في النهائي معاكي ، نصيحة وفروا البونس للنهائي ترا يساعدكم




اختصار الكلام:
جميع مواد خطة ب فيها بونس
الاحصاء: سماح سندي في المحاضرة و السيكشن ، المذاكرة من الكتاب + تمارين السيكشن + نماذج الاسئلة السابقة تحصلوها في موقع الدكتورة
الاحياء: حنان الشاذلي ، المذاكرة من السلايدات فقط
الكيمياء : ليلى الحربي او إيمان حجازي ، المذاكرة من سلايدات ليلى الحربي + التست بانك حقها
في ناس تقول الكتاب مهم وفي ناس تقول لأ ، انا عن نفسي استعرت الكتاب من وحدة خلصت تحضيري
بس الكتاب مو مرة تحتاجوه ، يعني كلها كم مثال و تعريف معانا تطلعوا من الكتاب :)

طولت في الكلام بس ان شاء الله تستفيدوا

[رفّات حُلم]

الكِيميا تحتاج كتاب؟ ولا مرة ما استفدتو منه؟
:)

[S O K R A]

البنات ماقصروا بس حابة اضيف كم حاجة
خطة ب حتكون اسهل عليكم لانكم اتعودتو تدرسو بالانجلش خلاص
ما انسى اول صدمة كانت ليا محاضرة الاحياء
عن نفسي ماكنت اذاكر اول باول كا يوم بس مايعدي اسبوعين الا ارجع للمحاضرات واذاكرها في الويكيند

والكيميا في البداية حيكووون مررررة سسسهل لا يخدعكم لانو كميتو كثيرة لازم يتذاكر هو والتست بانك قبل الاختبار
انا خليت التست بانك في اول اختبار اللين يوم الاختبار وندمت ..
المذاكرة من سلايدات وتست بانك ليلى الحربي وفي الدوري الثاني استفدت من ملخص يوسف زويل فهمت محاضرة كنت غايبة عنها .
درست عند ليلى الحربي طبعًا مايحتاج اقول قد ايش هيا ممتازة .

الاحياء : السلايدات واسئلة جمال الشعراوي من مكتبة الفيين نص الاختبار يجيني منها كان
وما كنت احضر محاضرات احياء لان دكتورتي كانت تقرا بس .. والحمدلله الدرجات فل

الاحصاء الكتاب + اشرف بركات اشرف بركات اشرف بركات مرررة كوويس كنت اذاكر منه اول شيي يديني كل الافكار بعدين اذاكر الكتاب اشوف اذا فيه شي مختلف وان شااء الله 100٪
+احل نماذج قديمة موجودة في ملزمة بركات برضو ..، انا درست عند شفياء الحضيرة كانت مرة كويسة

المنهج حق الكيمياء والاحياء معاد بنسبة 98٪ لاتشيلو هم درسنا في الثانوي اشياء اصعب واعقد بمية مرة

[رفّات حُلم]

^

Positive
أنتِ درستني عند مين ماث؟

[Somaiah Yousef]

آيش يعني كيرف أب لكل بنت !

[Yasmina95]

يعني بنهاية الترم يدوا كيرف اب درجات إضافية
مثلا في بنت اخدت 92 بعد الكيرف اب اخدت 100
وفي بنت اخدت 95 و بعد الكيرف اب اخدت 100
و بنت تجيب بالتمانين تصير بعد الكيرف اب تجيب بالتسعين
يعني مو شرط توصلي للمية يعني على حسب دفعتك كمان
زي مثلا في بنت رسبت جابت اقل من 60 طبعا مارح يوصلوا لها للمية
بس يوصلوا لها لنسبة النجاح هيا 60 درجة

[Somaiah Yousef]

المشاركة الأصلية كتبت بواسطة yasmina95 يعني بنهاية الترم يدوا كيرف اب درجات إضافية مثلا في بنت اخدت 92 بعد الكيرف اب اخدت 100 وفي بنت اخدت 95 و بعد الكيرف اب اخدت 100 و بنت تجيب بالتمانين تصير بعد الكيرف اب تجيب بالتسعين يعني مو شرط توصلي للمية يعني على حسب دفعتك كمان زي مثلا في بنت رسبت جابت اقل من 60 طبعا مارح يوصلوا لها للمية بس يوصلوا لها لنسبة النجاح هيا 60 درجة

حلو مشاء الله تمام

تسلمممي ع التوضيح

[Yasmina95]

المشاركة الأصلية كتبت بواسطة فيونكـه حلو مشاء الله تمام تسلمممي ع التوضيح

بس كل ماكانت درجتك عالية
درجة الكيرف اب حقتك تصير اعلى ^__*

[Positive]

ممكن تقولوا لي كيف توزيع المنهج احصاء و احياء الدوري الاول والثاني و الفاينل ؟
وايش هي الشباتر اللي داخلة

[Yasmina95]

:)




الاحصاء : الميد الاول الشابتر 1 & 2 & 3 ، الميد التاني شابتر 4 & 5 & 10 ، النهائي نفس الدوريات مع شابتر 6
بس شوفي مو شرط تمشوا زي كيده ، على حسب ماتوصل كل شعبة مع استاذتها و في الشرفية كمان
و يشوفوا الكل فين وصل والاختبار يكون عندو المكان اللي وصلتوا فيه، يعني احنا في الميد الاول وصلنا لنص شابتر3ً
ف شابتر 3 مو كلو دخل بس لنصو

الاحياء: الميد الاول شابتر1&2&3 ، الميد التاني شابتر4&5&6&7&16 . النهائي 21&22&23& الوراثة & 25&27
ونفس الشيء على حسب ماتوصلوا

الكيمياء : الميد الاول شابتر 1&2&3 ، الميد التاني شابتر 4&5&7&8 . النهائي: نفس الدوريات مع شابتر 9&14&15&24&25
بس نفس الشيء على حسب ماتوصلوا