اسئلة الثقافه الاسلاميه اسئلة تحدي

[مشاري بن سعود]

المشاركة الأصلية كتبت بواسطة jddawi الله يبشرك بالجنة اخوي سليمان وانت بعد يا مشاري الله يبشرك بالجنة ومشكور على تفاعلك معاي تسلم حبيبي إجازة سعيده للجميع وإن شاء الله الكل ينجح في هالترم ونكون مع بعض في الترم القادم اخوكم نايف

مااابي احطمك اخوووي لكن زي ماقلت الجواب مراتب العباده وشوف سليمان عدل مشاركته لاني متاكد من حلي وبالتوووووفيق اخوووي وزي ماقلت تبي تتاكد صفحه 274

[قرطابة]

ياجماعة الخير والله فتحت الكتاب اليوم الصباح الساعة 10 وقريته بس قراية (طبعا فيها شوي من التركيز)وانتهيت من الكتاب الساعة 2 الظهر , وعلى طول شغلت السيارة وعلى الجامعة , من غير اي مراجعة (مااحب اراجع اخاف يتشتت تركيزي)المهم دخلت الاختبار , ومافي الا ادعي يارب تسهلها وتختمها على خير وطبعا كثرت من (اللهم لاسهل الا ماجعلته سهلا وانت تجعل الحزن اذا شئت سهلا) واستلم الورقة , وياااااااااااااااااااااارب لك الحمد والشكر , بصراحة اسئلة مااشوف فيها غرابة او صعوبة , بالعكس نسبة سهولتها اكبر من صعوبتها,واغلبها امثلة وانت ماعليك الا تقول هالمثل ينطبق وين باللي قريته او درسته , وش تبون بالله عليكم احلا من كذا , والله اللي كنت خايف منه انه يجيب من الخصايص حقت العقيدة والحضارة والعبادة ...الخ كلها داخلة ببعض ,بس الحمد الله اغلبها امثلة وانت تطبق عليها , من رايي مااشوف فيها صعوبة مع اني عندي شكك بسيط باخطاء مني متاكد من اجابتها ولا ودي اعرف, اليييييييييين تطلع النتيجة وبعدها يصير يخير.
على فكرة متى النتايج , والله اني جالس بهم الله يعلمه , وماني خايف الا من التحليل النفسي الله يشييييييله وننفك منه.

[فهـد]

الإختبار الحمد لله مو صعب لهذي الدرجه لكن ابي اسئل الي عندهم النموذج د

اخر فقره الي يقول فيها قام زيد من النوم وصلى صلاة الضحى ومن هالكلام اجابتها ايش


>>>> بيني وبينكم يوم شفت زيد هذا وانا غاسل يدي في نفسي اقول زيد ليه ما نام في بيتهم وشبع نوووم احسن له

مو يجي يدوشنا في الإختبار

بالتوفيق للجميع

[نبض الخفوق]

المشاركة الأصلية كتبت بواسطة فهـد الإختبار الحمد لله مو صعب لهذي الدرجه لكن ابي اسئل الي عندهم النموذج د اخر فقره الي يقول فيها قام زيد من النوم وصلى صلاة الضحى ومن هالكلام اجابتها ايش >>>> بيني وبينكم يوم شفت زيد هذا وانا غاسل يدي في نفسي اقول زيد ليه ما نام في بيتهم وشبع نوووم احسن له مو يجي يدوشنا في الإختبار بالتوفيق للجميع

انتبه لكلامك

لايكون زيد المقصود هو احد الصحابه او السلف الصالح

استغفر

[jddawi]

المشاركة الأصلية كتبت بواسطة نبض الخفوق انتبه لكلامك لايكون زيد المقصود هو احد الصحابه او السلف الصالح استغفر

نفس اللي كنت افكر فيه، لكن اللي اعرفه يزيد

اتمنى انه مايقصد احد الصحابة

ومشكور اخوي مشاري، كنت متأمل اني جاوبت صح

الله يعطيكم العافية يا اخوان

[مشاري بن سعود]

المشاركة الأصلية كتبت بواسطة jddawi نفس اللي كنت افكر فيه، لكن اللي اعرفه يزيد اتمنى انه مايقصد احد الصحابة وبعدين تعالوا، جاوبوا على السؤال اذا تتذكرون يا اخوان، زيد ذهب لصلاة الضحى بنية العبادة ... ما اتذكر السؤال لكن انا جاوبت: العادة والعبادة صح؟

لاياجماعه المقصوود مو شخص بعينه اهو عطاك مثال ان فلان راح يتووووضى ويبي يصلي الضحى يبيك تعررف هل انت عارف وش بيصلي يطلع الجواب ايه عارف انه بيصلي الضحى وهينا االجواب يكوون تمميز مراتب العباده هو مجرد مثال عن شخص بس

[فهـد]

المشاركة الأصلية كتبت بواسطة نبض الخفوق انتبه لكلامك

المشاركة الأصلية كتبت بواسطة نبض الخفوق لايكون زيد المقصود هو احد الصحابه او السلف الصالح استغفر

يا خي بعض الناس مدري وش يبون لو تكح قالو لك اتق الله

المثال وكل واحد وعارفه انه مجرد اسم للتمثيل فقط لا غير

هذي اختبارات التحليل الكمي والاحصاء ونتائجها على الفرد

[لـــــودا]

مو سهل :(

[سليمان (أبو إبراهيم)]

و الله يا أنت إنسان غريب

أمس إختبار التحليل الكمي اللي كله تعقيد و إسئلة غلط و لف و دوران بطريقة الأسئلة عكس اللي موجوده بالكتاب تقوووول سهل

و اللحين الثقافة اللي أشوف إنه سهل حتى للي ما ذاكر يمديه ينجح صح إنه فيه 3 أو 4 أسئلة صعبة و يبيلها تركيز بس الباقي تحله بسهوله

أصعب إختبارين مرت علي بالسنة التحضيرية التحليل الكمي و التحليل الإحصائي مع إن المادتين سهلة بس طريقة جزء كبير من الإسئلة ماهي موجودة بالكتاب

بالتوفيق للجميع و عقبال النجاح

[abu2nawwaf]

أشوف الإختبار معقوووول للي ذاكر من الكتاب
المشكلة أغلب الشباب يذاكرون من الملخصات التي لاتسمن ولاتغني من جوع