هل درجاتي تدخلني طب ؟

[Faisal Al-Zahrani]

انا عكسك تماما

98 احصاء
92 كيمياء
77 احياء
80 انجليزي2
حسبي الله على دكتور الانجليزي


اقدر ادخل الطب

[قياس ×]

شد حيلك أخوي فيصل الترم الثاني وان شاء الله تدخل ..


طيب شوفي درجاتي شباب ^^

انجليزي ليفل 4: 97
مهارات حاسب: 96
مهارات اتصال: 92 (مقهور من هالدرجة ،، الدكتور نقصني في درجة الحوار في الفصل وانا اشارك معاه الله يسامحه).
فيزياء: 88
رياضيات: 80 :(

[mohammd]

ياسيدي انتا متخرج وهندسه كهربائيه وكمان عضو هيئة التدريس السوال هنا كيف وليش ومتى
كيف دخلت هندسه ؟
ليش درسة تحضيري وبتسال عن الطب ؟
متى جيبت الدرجات دي ؟

[fi9]

يا جماعة والله كل درجاتكم حلوة . بس ما ينفع تسألوا اقدر ادخل الطب ولا ما اقدر ادخل بدرجات ترم واحد. كملو الترم الجاي وذاكرو اول باول وشدو حيلكم .

إن شاء الله نشوفكم كلكم دكاترة يارب

[ططال عمري]

آلدرجآت آلمذكورة كويسة و تؤهل لـ دخول آلطب " بإذن آلله "

بس مو آحنـآ نقرر , ولـآ آنتم!!
مستوى آلدفعةة ككلهـآ تحكم , على حسب آلنسبة آلموزونة !
و آلكلية تقريباً حـ تقبل مآ يقآرب 180 طآلب منتظم و ان مآ خآب ظني حول 50 طآلب موآزي ,,,
آلموآزي زيك زي طآلب آلطب آلمنتظم لكن بدون مكافأة "

و رآح يقبلوآ آفضل آلنسب حسب آستيعآب آلكلية للطلبة ,
آثبتوآ على هآلمستوى و حآولوآ تجيبوآ درجآت آعلى عششآن تضمنوآ آن شآء آلله مقآعد = )

موفقين يآ آلدوآفير

[سكاg]

المشاركة الأصلية كتبت بواسطة saro1ona ^ هنا سلايدات الاحياء > http://bio.kau.edu.sa/pages-المحـاضـرات-النظـرية.aspx

الله يوفقك ويجزاك خير

المشاركة الأصلية كتبت بواسطة hussam7 السلام عليكم ورحمة الله وبركاته يا شباب لا تنسون كلام الأخ خالد الأحياء ذاكروها أول بأول أما بالنسبة للكيمياء يمكن طريقتي ما تعجب الكل بس أنا ما كنت أعتمد على الملخصات في السنة التحضيرية بشكل عام كنت أعتمد على كتب الثانوي وكتب التحصيلي بالنسبة للكيمياء لأنها مشرووحة بالعربي ويصير بس تسويلها ترجمه براسك أما بالنسبة للأحصاء مادة جدا سهلة وحرام تضيع فيها درجات لأنك تستفيد منها في رفع المعدل (طبعا هي ثلاث ساعات ) و قسم الأحصاء قسم جدا متعاون من ناحية منسقين ومدرسين و بونس أما بالنسبة لمذاكرتها فأنا أعتمدت بشكل تام على المذكرة وهي تابعه للجامعة يعني مو من مدرسين خصوصيين بس يبغالكم تنتبهوا في الأختبار لازم تعرفوا ايش تقروا مو بس تأخذ المعطيات وتحل لأن بعض الأسئلة فيها لف ودوران وشكرا

الله يجزاك خير هذا الي كنت استنى اسمعه بخصوص الكيمياء لانه مره تضبط معي المذاكره من كتب الثانوي : ]
مشكوور ما قصرت

[Abdulaziz-R]

هذي صورة للتسكين في كلية الطب لدفعتنا السنة اللي فاتت دفعة 12 ..

فدرجاتكم مرا كويسة اللي حطوا درجاتهم ..

شوفوا كلية الطب الموازي تقريباً 85 ودفعتكم ممكن تكون اعلى او ممكن تقول اقل
بس غالباً حتكون مقاربة وما ح يكون الفرق كبير بس حاولوا تشدوا حيلكم وما تخسروا ولا درجة عشان تضمناو المقعد بإذن الله ..

لو نقول الطب الموازي اقل طالب كانت نسبته الخاصة 85 ..
النسبة الخاصة مجموع الدرجات للمواد المطلوبة في الطب اللي هي : انجلش ( "2+3+4" + كيمياء + احياء + فيزياء

ممكن اخر طالب دخل وكان نسبته الخاصة 85 ..
درجاته كذا = احياء 80 و متوسط الانجليزي 90 والكيمياء 85 والفيزياء 85 = 85 اللي هي متوسطها ودخل طب ..

ونفس الفكرة للفرع الرئيسي للطب ..
الهندسة مثلاً يطلبوا B للفيزياء والرياضيات ولمتوسط الانجليزي ..
يعني متوسطهم يكون B اللي هي 80

يعني اعرف واحد دخل هندسة كان الانجليزي 90 والرياضيات 95 والفيزياء 71 متوسط درجاته طلع فوق ال85 تقريبا ودخل هندسة الفرع الرئيسي ..

الفكرة انو متوسط المواد المطلوبة للكلية يساوي الدرجة المطلوبة لدخول الكلية انو تقدر لو نقصت بمادة تعوض بالثانية ..


واتمنى التوفيق للجميع ..
وربي يكتب لكم واحد واحد الكلية اللي تحلموا فيها وتتمنوها
وربي ما يضيع تعب احد وما يضيع احد توكل عليه ..
شدوا حيلكم وتوكلوا على الله دائماً

[abdullah-alghamdi]

طيب سوال لو سمحتوا ايش هوا الطب الموازي ؟

[fi9]

المشاركة الأصلية كتبت بواسطة abdullah-alghamdi طيب سوال لو سمحتوا ايش هوا الطب الموازي ؟

يعني تدرس طب بس بدون مكافأة

[قياس ×]

الطب الموازي نفس الإنتظام بالظبط لكن بدون مكافأة .

تدرس معاهم وكل شيء لكن بدون مكافأة .