تجمع طالبات مادة الفونولوجي lane 335

[لصممتي حكممه]

المشاركة الأصلية كتبت بواسطة anoodah حبيبتي لو كان كلاس الفونيتكس قبل الفونولوجي فحيفيديك كثييييييييييييييييييير ولنا عن نفسي صار معاي نفس موقفك ونجحت الحمدلله في المادتين اخذتهم ترم واحد كنت اذاكرهم سوا وكل شي كان تمام ولو تصدقين كانت اختباراتهم ورا بعض انتي توكلي على الله ولا تشيلي هم ابدا

ماتتخيلين قد ايش ريحتيني وطمنتيني الله يعطيك العافيه ويوفقك في باقي المواد بالدرجات

العاليه

المشاركة الأصلية كتبت بواسطة white rose هلا صموتة والمادة مو صعبة عليك هيا اخف من السوسيو بمراحل كثيرة بس ركزي فيها تمام لانها تعتمد على الربط والتحليل مع مادة الفونتكس وتزيد عليها بالرولز وتتوسع فيها وحاولي تغطي كل الشبترات وتدرسيها كويس لان في الانتظام مس ايمان كانت تدرب البنات كثير على التطبيق على اللغات الاجنبية حتى افتكر مس ليلى طالبتنا بملزمة لمس ايمان عن اللغات ودربتنا عليها .. ومجملا المادة متوسطة الصعوبة وشدي حيلك فيها وطبعا لازم تذاكري الفونتكس قبلها عشان تستوعبي المادة كويس وفالك الدرجات العالية بحوله وقدرته :-)

مدام اسهل من السوسيو كل شئ يهووووون ،، الله يعطيك العافيه روزتي

[little Angel]

كل عام وأنتم بخير...
هذا رابط تجمع لمذاكرة الفنولوجي وأستاذتنا نور الله يسعدها تشرح للطلاب فية أتمنى تستفيدوا ...
موفقين....

http://www.skaau.com/vb/showthread.php?t=432134

[الملاك الأبيض]

اول محاضرة للفونولوجي كانت يوم السبت مع ميس ايمان عبده وزي ماقلنا المنهج عبارة عن 4 تشابترات
7-8-9-10

اول محاضرة اخذنا فيها اول تشابتر رقم 7 وخلصناه وتكلمنا عن كيف نفرق بين الاصوات على اساس الخصائص الي موضحة في الكتاب . الاستاذة كان معها سلايدات ولكن كان اعتمادها في الشرح على الكتاب .
التقسيم للاصوات الي موجود في صفحة 97 قبل اخر بارغراف هذا مهم جدا لتسهيل فهم الاصوات الي مشمولة في الخصائص .
وقالت الجدول الي في صفحة 112 مهم لانو يشمل كل الاصوات ويسهل حفظها .
وفي اخر التشابتر بتلاقو تمارين على التشابتر قالت انو تمرين 2 و3 مهمييييين جداااااااااا وراح يجي مثلهم تماما في الاختبار . فتدربو على حلها .
هذا كل شي بالنسبة لاول محاضرة . وربي يوفق الجمييع ^^

[patsi]

مشكورة حبيبتى على مجهودك بس ايش تانى نذاكرة فى الكتب غير هدى الجداول

[الملاك الأبيض]

المشاركة الأصلية كتبت بواسطة patsi مشكورة حبيبتى على مجهودك بس ايش تانى نذاكرة فى الكتب غير هدى الجداول

الاستاذة كانت ماسكة الكتاب وتشرح من الكتاب والسلايدات . لاتنسي انو راح تجيب تعاريف وتمارين ولازم تكوني مذاكرتها من الكتاب . اما بالنسبة للجدول فهو عشان يسهل حفظ الاصوات والحروف ومانتلخبط فيها

[الملاك الأبيض]

محاضرة الثلاثاء الفونولوجي .
شرحت الفصل الثامن وليسا ماكملناه . شرحت الفونيم والالوفون والمينيمال بير وكلها معلومات عدت علينا لكن الحلو انو السلايدات فيها امثلة اكثر واوضح من الكتاب فانصح ترجعو لها ..

بالنسبة لتمارين تشابتر 7 الي قالت عنهم المحاضرة الي فاتت طلبنا منها تحلها معنا ولكن قالت كل البنات لازم يحاولو يحلوها والمرة الجاية بنتناقش في الاجابات .

[Suzi]

يديك العافيه حبيبتي ربي يكسبك الاجر على كل حرف اميييين

لما اي براقراف وصلنا بالتشابتر لان احس السلايدات تبعالمسس ماهي شاملة كل شي صح ولا اش رايك ؟

[little Angel]

بنات شابتر 8 وصلتوا الي فين لأن ماحضرت ومو مسجلة عندي؟؟؟؟؟
والسلايدات فين أحصلها....؟؟؟؟

[الملاك الأبيض]

محاضرة اليوم الاحد كملنا اخر صفحتين من تشابتر 8 واخذنا تشابتر 9 كان عن الرولز تبع الكلمات والعمليات الي تدخل على الكلمات .

في المرفقات نزلت لكم سلايدات اليوم . وقالت الميس في اخر المحاضرة انو مطلوب معنا كتاب ثاني تلاقو اسمه في اخر شريحة في المرفقات . تقول لانو المعلومات الي في كتاب الفونولوجي الاساسي فيما يتعلق بالرولز متخصرة وفي الكتاب الثاني موضحة اكثر وعليها تمارين اكثر .
موفقين يارب

[little Angel]

بنات محاضرة الثلاثاء خبرونا عنها للأسف ماحضرتها...
بنات والله أني حايسة في الفيتشرز جننتني مو فاهمة كيف أفرق بينها...وأحفظ وأنساها...عندكم طريقة تسهل حفظها؟؟؟
الله يوفقكم يارب..