يا ناس ذاكروا مو لهذه الدرجة

[ابوشـهد]

جزاك الله خير اخوي الظبياني
قال تعالى ( وَذَكِّرْ فَإِنَّ الذِّكْرَى تَنفَعُ الْمُؤْمِنِينَ )

[رصد]

يااخوان صلوا على النبي الرجل ماقال الا الحق واللي المفروض الكل يؤيده

كل اللي اعترضوا معتمدين على الغش
ولا بالعقل انا اتعب واسهر ويجيني واحد مافتح الكتاب يبغاني اعطيه الاجابات باردة مبردة
لا ويزعجك فوق هذا كله
لدرجة انه واحد فااختبار نظرية التنظيم مسك يدي عشان لااقلب الورقة شوفوا الوقاحه
مختصر الكلام مابني على باطل فهو باطل

[baket]

مااستغربت الردود لاني اشوف هالنماذج بالاختبارات
قال صلى الله عليه وسلم ( من غشنا فليس منا)
اشكر الراقين واقول للباقين كل ايناء بما فيه ينضح

[majed111]

بسم الله الرحمن الرحيم
موضوع ذو شجون ويكشف عقليات طلاب تستغرب منهم المجاهرة بالاثم ؟؟؟؟؟ ان تغلط وترتكب خطأ وتريد ان تقنع الناس انك صح ؟؟؟ فهذه مصيبة عظمى من المصايب التي للأسف نشاهدها في مجتمعنا؟؟؟ منذ دخولي الجامعة وانا معاهد نفسي امام الله اني لا اتطرق ولا افكر بغش براشيم وغيره احس اني لو استعملت هالاشياء اصغر نفسي وعقليتي سموها مصطفى او سعيد او حتى فتحي او مع نفسك او دافور وياليت اصل لهؤلاء فهم من مجتمعات اخرجت علماء ؟؟؟؟؟ ونحن ماذا انجزنا بفكرنا هذا ؟؟؟؟ في اول اختبار لي في الرياض وفي السنة التحضيرية اقبل علي شخص للاسف شكله ملتزم واخذ يبرر لي حاله حسيت انه شحات ؟؟؟؟؟ ويقول لي وين تجلس ؟ سبحان الله ؟ ماتدري اشلون اول ما سمحوا لنا بالدخول الا ضيعت فيه ؟؟؟؟ وفي جدة شفت الشق والبعج ومن ناس ياليت انه مرااااهق تقول توه مانضج لا سبحان الله شخص كبير ويمكن رب اسرة ؟؟؟ مرة بالثانوي قالي مدرس فاضل لمادة الدين والكلام كان موجهه للطلاب عموما اللي بيغش راح يكون حتى راتبه اللي تعين فيه على هالشهادة حرام ؟؟؟؟؟ واحنا موناقصين ؟؟؟؟؟ حتى اخوي معي بالجامعة وقلت له من البداية ابشر بملخصات اذاكرلك اسويلك اللي تبي بما يرضي رب العباد ولكن لاتنتظر مني اي غش ياولد ابوي وامي وهو تخرج ولله الحمد الترم اللي راح ... ختاما اخوي جزاك الله كل خير ولايعنيك ردود بعض الاخوان دعهم للزمن والايام تعلم من لا يتعلم ولكن كن واثق ان الغش غلط وحرام شاء من شاء وابى من ابى ولايوجد غش بفقرة او سؤال الغش في القليل والكثير سيان . تحياتي واحترامي للجميع .

[نجم الرياض]

صراحه الموضوع رائع واشكر الاخ الظبياني ,,
شوفوا ياشباب انا عندي التزامات ورب اسره وياما دخلنا اختبارات مذاكرين او ماذاكرنا ونجحنا في بعض ورسبنا في بعض
وهذا ماهو عذر التزامات ومادري ايش وناس تجيها الاسئله و..و ؟ واالله مافكرنا نغش ابد ولاهو من دين الحكايه
مبدأ وقاعده التزم عليها الشخص ( وتعود عليها) والعكس ايضا صحيح ...
فعلا يجيك طالب وانت مذاكر او حتى ماذاكرت بكل برود غششني ! لاياحبيبي انا اتعب واسهر وانت بارده مبرده
تنجح ! انا بالنسبه لي ماعندي مشكله سموه حسد سموه نذاله ...! لان الواضح والاكيد ان اللي اخرج هالنذاله
وقاحة طالب بليد جاي يسرق جهدك بكل بجاحه ( لاحد يتحسس من كلامي لاني حبيت اكون صريح مو منافق) ..

[فهد العنزان]

الحل

الجلوس في الامام وهذا أفضل للطلاب ، والاعتماد على الله ونفسك (وعلى ما قد تتعب تأخذ حقك بأذن الله) وان حصل لك ظلم من هنا أو هناك سوف تأخذه يوماً من عند رب العباد .
اما امور الغش ههههههههههههههههه الله المستعان سبحان الله بكل اختبار اشاهد العجب العجاب من الطلاب اما يكون قروب بجانب بعض او افراد ههههههههههه
والله الهادي

[ابو هاجوس]

كلامك سليم يا صاحب الموضوع وانا معك في كل شي تقوله


بس انا واحد من الناس ، ماعمري خرجت من القاعة الين ما اسال اللي قريبين مني ( اي خدمه يابوالشباب ؟) اذا احتاجو شي ، ماسيبه ، واذا سمحلي امشي مشيت ، مادري يمكن عاداتنا اننا مانسيب احد في حاجه مأثره علي .

[abdullah4u]

الحقيقة بعض الردود تخليك تقول ماينلامون الدكاترة بنظرتهم لطلاب الانتساب

[SkAyLaR]

بعض الردود سطيحه ..

ويحاول بأي طريقه يبرر لنفسه الغش ..

مآآفي آي شي يبرر لك موقفك ..

كلنا مرينا بظروف ايام الاختبارات ..

ولكن عاادي بنحاول نجتهد قد مانقدر ..

والمشكله البعض فوق الـ30 سنه ويغش !!

ماتحتقر نفسك وانت بهالسن وتغش ؟؟

وفعلاً ماننلام على نظرة الدكاتره لنآآ ..

[Legend0]

والله شباب جامعة الملك عبدالعزيز انتساب دشير يقدرون الغش ويقولوم ماهو حرام

الحين الرجال تكلم بكل وضوح وصراحه وكلامه صحيح 100% من جميع النواحي الدينيه
والاجتماعيه والنفسيه ( ماعليه ياجماعه تحملو الفلسفه ) يعني تلاقيه تارك الفله والوناسه وقاعد يذاكر وشاد حيله .


اللي يبي يغش ماقلنا لاتغش سوي اللي يعجبك برشم او اتلفت على واحد جنبك تلاقيه مفهي وانت مبسوط تغش منه .......... لكن لاتجي وتقول الغش ماهو حرام

انا لو احد طلب مني اساعده في الاختبار او اغششه , اساعده باللي اقدر عليه وحصلت معي مرتين
لكن هذا مو جايز في الشرع وحرام لكن الله يهديني .... مااجي اتفلسف واقول يمكن عنده ظروف ان شاء الله اخذ اجر