سؤال صعب في ال math

[نهوله]

انا الهرجه مو راضيه تدخل راسي
ومررره ماني فاهمه للأسف
وانا امن جيت احلها حليتها زي Bordoga وطلع الجواب 6

[طالبة مستجدة]

مادري انا احس انو y=6 صح لانو هوا يبغى الداله مايبغى النقط

رغم اني لول ماحليتها طلعت انو x=-8

مني عارفه مره محتاره نفسي اعرف الحل الصح

انا اقوانو الحل x=-8

بما انو لمن نجي نطلع الميل يطلع غير معرف لانو عامود وحتى معادلة محور الصادت نفس الشي الميل حقها غير معرف

وميل اعتقد على ماافتكر في الثانوي معادلة محور السينات( 0)عشان كذا راح يكون الحل الجزاء المقطوع من محور السينات

وجبتها بطريقه ثانيه انو المحور الوحيد العامودي على محور yهوا X


الي يعرف الحل الصح ياليت يقولي

[theking]

المشاركة الأصلية كتبت بواسطة bordoga الإجابة غلط الاجابة الصحيحة هيا y = 6 هو يبغى المعادلة إذا لابد أن نطبق على المعادلة هذه y-(y1) = m ( x- x1) this الميل m يساوي صفر لأن المعادلة المعطاة على هذه الصورة y= 2 نعوض تعويض مباشر y-(6) = 0( x- -8) this y - 6 = 0 y = 6 هذه المرة أنا متأكد راجعوا مذكرة أبو جبل مثال 5.11

صدقت

انا شفتها في مذكرة ابوجبل

[Bordoga]

يا شباب ترى حلي ماهو صح

حل نقطة هو الصح

وخذوها قاعدة البنات أدفر من العيال دائما

[υикиσωи]

يا أخوان الجواب X=-8

اانااا اقولكم شي ...كل واحد فيكم يطلعم ورقة دحين
ويرسم اول شي ..y=2
ع الشبكة ...

بعدين يروح يرسم النقطة ... (-8 , 6 )
المستقيم الناتج حيمر بدي النقطة وحيكون عمودي ع الاول ...
وبما انو المستقيم الاول يوازي محور السنات
فالتاني اكيد يوازي محور الصادات ...
أكيد حتكون معادلته ...X=?
وبما انو مر في نقطة ( -8 , 6 )
فواضحة انو حيكون X=-8

اتمني انووو تكونو فهمتو قصدي
بالتوفيق ... :)
<< احس داخلة عرض ..

[ROoOFaNA]

شكرا يا عسوله مرتين قلتلهم x=-8 هو الصح بس ما يسمعوا*_*

[AL-3mmari]

شكرا على الحل توه واحد دق علي وقال حل هذا السؤال ووالله ما عرفت لكن اللحين فهمت شكرا لكم جميعا

[ROoOFaNA]

العفو
ولا شكر على واجب ياخوي
بالتوفيق للجميع

[نهوله]

مررررررررررره شكرا خلاص فهمت ربي يوفق الجميع