ضد تصحيح مادة الثقافة التنظيمية pad 422 عند السالم

[عبادي المدينه]

ياااشباب انا معااكم مظلووم بدرجتي كيف اتوصل للدكتور نبغي ايميله ولا فاكس للعميد نبغا نشوف نهااية الظلم ايش

[D. ADEL]

انا اتوقع والعلم عند الله انها مثل ماده ( الادارة المحليه ) طالعين وضامنين النجاح وطلعت لي رسوب وكلمنا الدكتور قال اشوفها بعد اسبوعين .. وبعد اسبوعين اتصلنا على الدكتور وقال فيه نموذج ( ج ) حاطينه بالتصحيح للنموذج (أ ) وراح ينعاد التصحيح وتم الاعاده واخذت فيها 85 ...

شوفوا النماذج اللي فيها رسوب اذا متكرر نفس النموذج اتوقع نفس الخطاء وان شالله يتم التصحيح ...

بس المشكله ان الدكتور يبي يلطعكم لين الصيف طويله بالمره ...

الله يوفقنا وياكم ...ِ

[شانزليزيه]

المشكله مو باللطعه للصيف

المشكله هل بيفي بوعده ويرجع يصحح ولا يخدرنا ويسحب علينا

اذا شاف ضغط عليه بيصحح وهو مايشوف الدرب

[ALASKA]

كل المشاكل في نموذج (أ) ولا كيف ياشباب

[فتى الرس]

نفس المشكلة راسب مع تفائلي بالنجاح بشكل كبير

وكمان أنا نموذج أ نتمنى ينظر في وضعنا

[ابو سارة 1234]

حسبي الله عليه انا نموذج أ ومعطيني f واللي بسويه كالاتي ابرسل فاكس على مدير الجامعة اشرح له الوضع وفاكس على العميد وايميل زود وترى اذا كثرت الشكاوي بها الطريقة ومدير الجامعة صار عنده خبر لازم يتعدل الوضع لانه حرام اكثرنا خريجين ويجي واحد مثل هذا ويرسبنا واللي عند حل اخر يكتبه

[ALASKA]

فاكس على مدير الجامعه وفاكس على العميد ممتاز

نبي صيغة نكتبها كلنا ونرسلها لهم ونبي ارقام فاكساتهم الاثنين وش رايكم

[ALASKA]

اهم شي نوضح اننا كلنا نعاني من نموذج (أ) الا اذا جد جديد من النماذج الاخرى لانه الى الان كلنا نفس النموذج المشئوم (أ)

[شانزليزيه]

انا نموذجي لونه اخضر ماعرف هو ا ولا ب شباب ؟

[طـــالـــب]

اتمنى لي ولكم التوفيق