اللي حاب يستفسر عن تخصصي (لغة انجليزية)يتفضل وان شاء الله افيده

[تالمت بس تعلمت]

انا احس الانجلش مو بس ميول برضوا يعتمد علا الحضور والالتزام بالمحاضرات يعني اللي انتساب مثلي احسوا مايمديها وهيا تشتغل كمان
برضوا سمعت ان الانتساب مايمديها تصير لا معيده ولا مدرسه وشفت فيه 3 مسارات
اللغه
الترجمه
وفرنسي
يعني مالنا الا مسار اللغه وهوا صعب شفت مفردات الدراسه روايه وشعر وشكسبير ومدري ايش حسيت انى خفت صراااحه لانه يعتمد علا الحضور والاستماع للمحاضرات
فياليت تفيدونا بمسميات المواد لانهم خوفوني لدرجة يقولوا فيه حتى اعربي
مع ان معدلي عالي الحمدلله

[Abdualaziz Saleh]

بالتوفيق لكم جميعا

[خالد انجليش]

المشاركة الأصلية كتبت بواسطة تالمت بس تعلمت انا احس الانجلش مو بس ميول برضوا يعتمد علا الحضور والالتزام بالمحاضرات يعني اللي انتساب مثلي احسوا مايمديها وهيا تشتغل كمان برضوا سمعت ان الانتساب مايمديها تصير لا معيده ولا مدرسه وشفت فيه 3 مسارات اللغه الترجمه وفرنسي يعني مالنا الا مسار اللغه وهوا صعب شفت مفردات الدراسه روايه وشعر وشكسبير ومدري ايش حسيت انى خفت صراااحه لانه يعتمد علا الحضور والاستماع للمحاضرات فياليت تفيدونا بمسميات المواد لانهم خوفوني لدرجة يقولوا فيه حتى اعربي مع ان معدلي عالي الحمدلله

والله شوفي القسم عندنا الفرق بين قسم الطلاب وقسم الطالبات مثل الفرق بين السماء والارض بدون مبالغة
قسم الطلاب متساهلين الى حد كبير والخطة الدراسية متغاظين عنها مثلا تقدرين تدرسين مواد المستوى السابع
ثم ترجعين لمواد المستوى الثالث وبعدين تغيرين على المستوى الخامس
يعني جداول الطلاب غالبا مششششكككل من كل المستويات تقريبا
مافي نظام صارم يلزمهم هذا بالنسبة للنتظام واما الانتساب فالوضع اكثر تشكيل
وانا ما اظن انه في طالب انتساب واحد ماشي على الخطة
لكن الوضع هذا على النقيض تماما عند قسم الطالبات معققددييين لابعد حد
والمشرفات في قسم اللغات الاوربية هنا في سكاو يفيدونك اكثر عن قسم الطالبات
نور العمر للانتظام وام حمدان للانتساب
وعلى العموم التخصص مثل ماذكرتي يبغاله جهد ومذاكرة مو هواية وبس
انا قصدي انه اذا كان مثل الهواية بالنسبة لك راح يكون سهههههل جدا وراح تستمتعين بالمذاكرة
والمواد والكتب مهما كانت صعبة لأنها صارت هوايتك وخصوصا هنا في قسم اللغة الانجليزية
واستطيع ان اقول ان الفرق بين الطالب المتميز والطالب العادي هو حب اللغة واعتبارها هواية
وبالتووووووفيييق

[خالد انجليش]

والقسم مافي الا لغة وفرنسي للانتظام
ولغة فقط للانتساب

[محمد الغامـدي]

عندي سؤال كيف الانجليزي في السنه التحضيريه

لاني في الانجليزي من جمبها

[خالد انجليش]

المشاركة الأصلية كتبت بواسطة محمد الغامـدي عندي سؤال كيف الانجليزي في السنه التحضيريه لاني في الانجليزي من جمبها

شوف صعب انك تسأل واحد تخصصه لغة انجليزية وتقول كيف الانجليزي
لأنه بالتأكيد جوابي راح يكون انه سههههل جدا وممتع
واتمنى منك انك تبدأ من المستوى الاول
وترى الوضع والله سهل جدا
لكن بشروط
-انك ماتفرك من المحاضرات
-حتى لو انت مانت فاهم شيء اجلس قدام الدكتور ولا عليك في احد
-ركز مع الدكتور وشارك حتى لو اجابتك خطأ شارك لأنه بيصحح لك وهذه فرصة كبيرة انك تعرف خطأك قبل ماتخش الاختبار لأن خطأك في الاختبار محسوب لكن وقت المحاضرة الخطأ ببلاااش هههههه
-لاتسمع للطلاب المهملين اللي همه انه ينجح فقط وكيف انه يسحب على المحاضرة لأنهم بيضرونك وانا كنت ادرس في التحضيري والله انك تشوف طلاب لو انهم اجتهدو جهد قلييل وبعدوا عن الطلاب السيئين كان نجحوا وبدرجات عالية لكن للاسف فلوووهاا واخر الكورس اكلووهاا والله والان اشوف في عينهم الندم لكن خلاص طاح الفاس بالراس فلازم تجتهد من اول يوم ومن اول محاضرة ولاتفوت ولا جزئية
-اخر شيء اذا في نقطة مافهمتها ولاقدرت تسأل الدكتور قدام الطلاب قوم واسئله في البريك اللي بين المحاضرات البريك تقريبا 10 دقايق لاتوفره اذا كان عندك سؤال وهو فرصة لأخه راسك براس الدكتور
وبالتووووفيييق

[nour al3mr]

المشاركة الأصلية كتبت بواسطة خالد انجليش اهلا فيك مشرفتنا العزيزة والله يوفقك وبصراحة انتي قدوتنا في التخصص الله ييسر لك امرك والحمدلله انك جيتي هنا فكيتي ازمة عني انا جايهم هنا اقول اللي يبي يستفسر من الطلاب يتفضل لكن ماشاء الله كلهم طالبات وانا مالي خلفية كبيرة عن وضع الطالبات والمايك لك يانور ان كان في طالبة تسأل

الله يرضى عليك أخي و أنتَ ما تقصـر ماشاء الله ..

بعضهم يجوا قسم اللغات الأوروبيـــة يسـألوا و البعض هنا
فنحاول نوفق بين الاجابات معاهم إن شاء الله ليعم النفع للجميع..

[البدرنت]

جزاك الله أخي خالد انجلش..وأسأل الله أن يجلعه في موازين حسناتك ..ويوفقك لكل خير..
انا توكلت على الكريم واخترت تخصص الانجليزي... سؤالي كيف مادة الاستماع بالنسبة للمنتسبين وهل صحيح ندرس فرنسي كمان...

[البدرنت]

السلام عليكم ...
حبيت اضيف سؤال أستاذ خالد.. معليش اتحملني انا قرأت بقسم اللغات الأخوان يتواصوا باختيار الدكتور فلان أفضل من فلان . هل هذا من ناحية التشديد في التصحيح أو الشح في اعطاء الدرجات وكيف علاقتنا نحن المنتسبين بهذا الموضوع (اختيار الدكتور)..بدأت أتخوف
وجزاكم الله خير...

[Judyy]

السلام عليكم

سؤالي هوا/ هل صحيح انوالانقلش في الجامعه فقط يدرس ادب زي شعرومسرحيات مافي قسم ترجمه /وايش الفرق اصلا بين الترجمه وبين الي يُدرس في عبد العزيز/واذا دخلت قسم لغه انقليزيه ايش اتوظف بعد التخرج ؟


شكرا اتمني الافاده