هل تنصحوني بالانسحاب والعودة من جديد في السنة القادمة ؟!.

[ريما سعود]

السسلام عليكم ورحمه الله وبركآته ..


ابغااكم تعطووني رايكم انا مره محتاره وماني عارفه اقرر ولا اسوي اي حااجه
ابغا اسحب ملفي من الجامعه والله ماني قادره اكمل ولا عارفه ازاكر
كل يوم اقول لا اليوم حبدآ بس ماقدر والله طول الوقت ابكي :(

انا الترم الاول مانجحت في الاحصاء والكيمياء
ودحين درجاتي مره سيئه وممكن كمان مانجح فيهآ
والله العظيم كنت ازاكر مزبوط واكون فاهمه

وكل حاجه جربتهآ ملخصات وجربت وعلى المحاضرات وجربت بس مافي فايده
ماني لاقييه النتيجه الي ترضيني وافرح فيهآ

درجاتي كلهآ تحت 20 والله العظيم تعبت خلاص :(

ابغآ اسسحب والسنه الجيه ادخل اداري
صحباتي كثير من الترم الاول حولو بس انا قلت لا انا حقدر وكل مره اقول المره الجيه حجيب درجات عاليه وحفرح فيهآ بس ماني قادره ماني عارفه من ايش المشكله انا مو فاشله بس اكيد في مشكله وماعرفت ايش هياا مادري امكن انا ماعرفت قدرات نفسي ودخلت علمي وهو فوق طاقتي وعشان كدآ ماني قادره امشي فيه معني مجتهده في المزاكره والي يشوفني يقول دي حتجبب الدرجه الكامله وهيا مرتاحه :(

ايش اسسسوي والله تعبانه ونفسسيتي تعبت من كل حاجه وماني قادره ازاكر :(


اسسفه اني طولت عليكم
ومابغا احد يتحطم بسسبي سامحوني :(


والله يوفق الجميييع يارب