اصعب مادة مرت عليك الى الآن بخطتك الدراسية

[the gift]

المشاركة الأصلية كتبت بواسطة saoooooooode مثلك , ياكرهي للغة العربية والنحو والبلاغة

مثلكم ديني ودين هالمادة لغة عربية 101 جبت فيها العيد واختبرتها مره ثانيه ونجحة فيها على الحفه

[أسير سدير]

والله استغرب من الي يقولون نظرية التنظيم !!!! الدكتور ماقصّر جاب لكم الاسئله للاترام الماضيه بالحرف الواحد وش تبون اكثر من كذا ؟؟ الي ذاكر نموذج السيف والنموذج الي في اخر الملخص راح ياخذ فوق 95
والله امركم عجيب بصراحه .... الا في حاله وحده انك تدخل الاختبار ماتذاكر وتقول الماده صعبه .
على كل حال الله ينجحكم بالدرجات الي تسرّكم .

[SaLo0oM]

من وجهة نظري موازنة ومالية عامة

[wooOOoow]

لغه عربيه 101
موارد بشريه ( مهالك بشريه )

[zac efron_89]

نظريه التنظيم و في كم ماده بس ما اتذكرها حاليا
_-_-_
و في المستويات القادمه خايف من 3
1- بحث و تدريب
2- بحوث عمليات
3- قراءات اداريه
الله يستر بس

[ابومحمد11]

من حيث صعوبة المنهج بالترتيب :
1- تنمية الموارد البشرية
2- محاسبة حكومية
3-تخطيط استراتيجي
4- نظرية التنظيم
اما من حيث صعوبة الاسئلة وتعقيدها بالترتيب :
1- اخلاقيات العمل
2- ادارة محلية
3- نظم معلومات ادارية

[نبض الشوق]

أصعب مادة بلا منازع:
اقتصاد جزئي وبحوث العمليات وباقي المواد كلها دش كلام

[الاسد88]

اصعب مادة بكل صراحة (( اخلاقيات العمل )) بل انها اسوأ مادة ..

كذلك ثقافة المنظمة تخمك لان منهجها واضح وتحفظه حفظ بس تتفاجئ بالاسئلة اللي تمر عليك ولا تقدر تطلع باجابة واحده تكون متأكد منها ..

المصيبة ان دكتورها واحد هو المزجاجي الله يهديه بس والله اني ندمت وتسرعت يوم اني قمت العن فيه وادعي عليه .. اسئلته فلسفة وكلام فاضي بس شكله كذا ابن حلال وما يبي يرسب تصور والله الذي لا اله الا هو انني حليت في ثقافة المنظمة تقريباً 90% من راسي والنتيجة 80 بصراحة تفاجأت ودعيت له اتمنى اني اقابله اذا الله اراد وتخرجت وراح اطلب منه انه يسامحني ..

اما المادة اللي احس انها بتجنني لصعوبتها البالغة هي تطوير الاجهزة الحكومية pad 429 وما زالت نتيجتها لم تظهر وبالمناسبة هي المادة الوحيدة التي ان تجاوزتها فسأعلن تخرجي لأتقبل المباركة من الجميع وألملم ذكرياتي وانسحب في صمت ..

دعواتي لكم بالتوفيق والنجاح والتفوق .. بالمناسبة اضحك من قلبي اذا لقيت ها الكلمة اللي بالاحمر مكتوبه تحت نموذج الاسئلة خصوصاً اذا كانت الاسئلة من طراز pad 429

[مشوار طويل]

المشاركة الأصلية كتبت بواسطة عيوني حزينه السلام عليكم ورحمة الله وبركاته اخواني واخواتي حبيت اطرح بين ايديكم موضوع اتمنى الجميع يشارك فيه وهو اصعب مادة مرت عليك في الخطة الدراسية الى الآن سواء بالمذاكره او اختبارها كان صعب وتعتبرها بالنسبة لك اصعب مادة اتمنى من الجميع يضع اسم مادة واحده فقط والمشاركه من الجميع موفقين انا بالنسبة لي اصعب مادة مرت عليه الاحصاء

فكرة مره حلوه واشكرك على الموضوع


لو يكتب كل طالب اصعب ماده مرت عليه ويقول وش كان سبب الصعوبه

هل المنهج صعب ويعتمد على الفهم او الحفظ

او المنهج صعب بسبب دكتور الماده ويذكر منو الدكتور


بالتوفيق

[مشوار طويل]

اسهل مادة مرت علي اخلاقيات العمل

ولاكن للاسف كان دكتورها المزجاجي وصعب ولعب بالاسئله