شروط كليه العلوم؟؟

[Wejdan Hamad]

المشاركة الأصلية كتبت بواسطة lavande شيء عجيب انتو علمي وتنقصوا من كلية العلوم !!!!!!!

لا طبعا محد ينقص فيها بس مالها وظيفة غير مدرسة
وبعدين مافي وظااايف اصلا

[lavande]

المشاركة الأصلية كتبت بواسطة wejdan hamad لا طبعا محد ينقص فيها بس مالها وظيفة غير مدرسة وبعدين مافي وظااايف اصلا

اللي يكمل دراسته ويتخصص بتعمق و يخترع حَ يكون عالٓـــم مش مدرس

[Wejdan Hamad]

حتى العالم وش بيشتغل

[lavande]

الابحاث و الاكتشافات اللي غيرت الحياة على يد علماء .. شغلته باحث في مراكز ابحاث واكيد مو ببلاش

[جيزان]

المشاركة الأصلية كتبت بواسطة wejdan hamad لا طبعا محد ينقص فيها بس مالها وظيفة غير مدرسة وبعدين مافي وظااايف اصلا

ياعسسل لا تتكلمي في شي انتي مااتعرفيه

بعدين ( كليه العلوم + كليه الحاسب ) مااتقدري تصيري معلمه الا ولازم بعد مااتتخرجي تاخذي سنه تربوي

والدليل طبعا فااكرين زمان كانوا البنات اللي في كليه العلوم يطبقوا في المدارس صح ولا لا ؟

الحين صار تخصص البايولوجي والكيميستري والبايوكسمتري تطبقي لازم قبل التخرج في مختبرات مستشفى
وتخصص الفيزكس لازم تطبقي في الاشعه
وتخصص الاحصاء لازم تطبقي في بنك او شركات حسب الرغبه

وتتخرجي لو تبكي دم ومعدلك 5 من 5 اصلا هما ماراح يقبلوكي معلمه
لازم بعد مااتتخرجي تاخذي سنه تربوي بعد التخرج وترم تدرسي فيه مواد تربويه وترم تطبقي في مدرسه
بعدها تقدري تصيري معلمه

واللي عنده شك او اعتراض ع كلامي يروح كليه العلوم نفسها او منتدى العلوم ويسأل

ياليت مااحد يتكلم ويتفلسف في شي ماايعرفه

[شموخي كبرياء]

لا احد ينكر هذا الشي لولا كليه العلوم مالقينا احد يدرسنا ولا وجدت لاطب ولا حاسب ... هي الاساااس

[dreamy g!rl]

نصيحهـ لاحد يسمع كلام الناس

انا زمان كنت اتمنى ادخل علوم فيزياء .. بس من كلام الناس صرت اشكـ بهالشي

لو تفكروا ترا مافي اي تخصص يضمنلكـ وظيفة .. مافي شي مضمون

لكن فيه توفيق وفيه ( التعب مايضيع )

والله يوفقكم وين مارحتوا وبأي كليه رح تدخلوا


دعواتكم ,,

[سملّق :)]

،،

ماتوقعت كل هالهجوم على كليــة العلوم !؟


أخت ( سارة ) ، ترى علم الفلك الأساسي والمعتممد في المملكة عندنآآ ، ليس في كلية الهندســة !!
لعلمك تراهـ في كليية العلوم .. قسم علوم فلك .. أما اللي في الهندســة فيسمى ( هندسة فلك ) وغير كذا ماهو معتمد أكاديمياً في أكثر فروع الكليــة .. الا في الفرع الرئيسي ،، في الجنوب .. ولعلمك قسم علم الفلك في الكليــة أخر من حصل على الاعتماد .. وكان ، قسم علوم الفلك بكلية العلوم قد اخذها قبلــه ب 3 سنوات ههههههه

واسألي اللي يدرسون هنــآك أذا شاكة ف كلامـي :)

،،،،،،،،،

أخت ( ماريا ) .. كلية التصاميم والفنون ، مالها اي اعتماد أكاديمي في المملكـة الى حد الان ..
وكليــة الحاسب .. اللي تعتبرينها خطتك الثانيــة !! كانت قبل 3 سنوات ( في كليــة العلوم ) وكانت تُدرس هنآك !!
..........

باقي الاعضاء ( اللي ما أمون عليهم ) ، ثاني أقدم كليــة في جامعلة الملك عبد العزيز ( كلية العلوم )

ماتحسون فقط احساس .. أنكم بهذا الكلام ضلمتوها ؟
وهي اللي خرجــت اغلب اللي يدرسونكم الحين ( سواءاً في المدارس أو ف الجامعة نفسها ) !!!

........

أما أنا ، فمن مبدأ ( من علمني حرفاً صرت له عبداً ) .. ف اقول .. والله لو سجود التعضيم مسموح في ديننا .. لسجدت تعضيماً لـ كلية العلوم .. التي أخرجت اكفأ ابنــاء بلدنــا.. يكفيني فخراً بوجود كلية عريقة مثلهاً في جامعتي !!

[Astronomer]

المشاركة الأصلية كتبت بواسطة سملّق :) ،، ماتوقعت كل هالهجوم على كليــة العلوم !؟ أخت ( سارة ) ، ترى علم الفلك الأساسي والمعتممد في المملكة عندنآآ ، ليس في كلية الهندســة !! لعلمك تراهـ في كليية العلوم .. قسم علوم فلك .. أما اللي في الهندســة فيسمى ( هندسة فلك ) وغير كذا ماهو معتمد أكاديمياً في أكثر فروع الكليــة .. الا في الفرع الرئيسي ،، في الجنوب .. ولعلمك قسم علم الفلك في الكليــة أخر من حصل على الاعتماد .. وكان ، قسم علوم الفلك بكلية العلوم قد اخذها قبلــه ب 3 سنوات ههههههه واسألي اللي يدرسون هنــآك أذا شاكة ف كلامـي :) !!

انا مانتقصت من كلية العلوم ولا شي . لاني اللي اعرفه انها تدخل اي واحد قصدي مايحتاج تسأل عنها

وانا اساسا غيرت رأيي من الهندسة لانه اعتقد السنة الجاية يعني مو سنتنا ذي .. وياشاطر قسم علم الفلك انفصل عن كلية العلوم ومادري وين راح هع

وبالعكس انا افتخر اذا كنت من كلية العلوم

وراح ابدأ ان شاء الله بتخصص فيزياء فيها وراح اكمل تعليمي ..

و لي الشرف ..

بس اللي قصتده مايحتاج تسأل عنها

[ميثان حلقي]

السلام عليكم

انا بقول رأيي

انا طالب جديد في كلية العلوم قسم كيمياء , ما اقول انها افضل كلية لكن في نفس الوقت ترا مو كلية فشلة او كلية تدرس و تجلس في بيتك

حقيقة انا تفكيري مو تفكير عمل نهائيا لأني بكمل ماستر و دكتوراه و لو اقدر اشتغل على ابحاث بروح ان شاء الله , كل همي الدراسة فحسب

اما حكاية التوظيف خريج الكيمياء يقدر يشتغل في مختبرات المستشفيات و صيدلياتها

يقدر يشتغل في المطارات و المواني في مختبرات الجودة نوعية و يتأكد من سلامة المنتجات الا من الخارج

يشتغل في المختبرات موجودة سواء ارامكو او سابك او تحلية المياه او اي مختبر موجود على وجه المعمورة في الشركات الصناعية

في تخصصات بعد الباكلوريوس ( كيمياء جنائية او شرعية ) في العسكرية اما انك تشتغل في مختبرات البحث الجنائي ( ذول المتحمسين المتأثرين بكونان ) او برضو تصنيع قنابل ( المتأثرين بـ كول اف ديوتي ) و رتب و رواتب و عيش يا عم احسن عيشة

اسوء شي ممكن تترمي فيه انك تشتغل في مصنع بلاستك او تايد او ديتول او مطهرات و راتب يكون متوسط يتحسن مع الايام

و الا يقول انه يتخرج مدرس في الابتدائية اقول له كمل دراستك و صير دكتور في الجامعة لو كنت تفكر في المكانة الاجتماعية

هذا بالنسبة لقسمي وين ما تروح تمشي بس اخرج بمعدل

اما الاحصاء فهو تخصص قوي جدا بس يكون شغله على نطاق القطاع الخاص تحديدا لأن الاحصائي مطلوب هناك و بشدة , تخصص البايوك حلو و لكنه مضغوط ضغط هائل و لنا احتكاكات معاهم في بعض المجالات

الفيزياء تخصص للناس الا تحبه و انصح اي واحد يدخله يكمل دراسته فيه لأنه هنا مهمل و ما يعطوه وجه و الرياضيات كمان

لكن اذا معيار النجاح عند الكل طب و هندسة حقيقة ما اعرف ايش اقوله غير الله يوفقه

و الدراسة ممتعة مافيها ذاك الضغط , انا اتكلم كمجرب و اي واحد له وجة نظر يمشي عليها

انا مريت هنا اوضح مضمون فكرة لا اكثر

و اتمنى لجميع اخواني التوفيق في هذه السنة و كل واحد يدخل اي تخصص حلم فيه منذ الطفولة

في حفظ الباري

ميثان حلقي