طآوله التحقيقآت بعد آنقضآء ترم من التحضيرية / - شَآرككونآ - ! =)

[Astronomer]

المشاركة الأصلية كتبت بواسطة ǁ غــلأآإ ، رٍوٍحــي ǁ 1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل – كان توقعي انها سنة صعبة جدا , وماينجح فيها الا الاذكياء والداوفير مرا , لكن طبعا اول مادخلتها مالقيت فيها هذيك الصعوبة انا اتكلم بالنسبة لمواد خطة أ ... الرياضيات مثل اللي درسناه والفيزياء مع اختلافات بسيطة , يمكن الصعوبة كانت باللغة الانجليزية , لكن بالنهاية شفت هذا الترم ,, ترم سهل ولله الحمد 2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟ بحسب ظروفي .. مااقدر ادخل جامعه بغير مدينتي .. لكن لو بيدي مادرست هنا بالسعودية من الاساس .. 3- هل كنت محدد ميولك وتخصصك قبل ان تبدآ بمشروع التحضيريه ؟ ايه طبعا كنت محددة ميولي من الثانوي اني ادخل تخصص فيزياء واكمل فيه ماجستير ودكتوراة بنية دخول علم الفلك ... لكن انصدمت انه مخصص للاولاد .. وانصدمت اكثر انه هذا العلم مهملين فيه .. وهو من اهم العلوم واقواها على مستوى العالم .. 4- رآيك الصريح ف .. / تعاون دكاترة القسم / سهولة المواد / .. " بالنسبة للي شفتهم .. دكتورة الرياضيات : تعطي اللي عليها وتتوكل ماقد سوت شي غلط الفيزياء : حبوبة ولطيفة وطيبة لكن ماتفهم ابداا حرام فيها كلمة دكتورة الاتصال : عسل وياليت كل الدكاترة مثلها الحاسب : طيبة مررا وحبوبة وتساعدنا بالنسبة للدكاترة .. لكن العاملين فيها والمنسوبات .. اقولهم ومن هذا المنبر ( على ايش شايفين حالكم ؟! ) 5- دوام التحضيري .. كيف تشوفه ؟ ضغط أو بالنسبة لك أريح ؟ صراحة الدوام مرهق ومتعب اروح البيت من 7 وارجع 4 وانا اذا نمت ماااصحى الا 12 الليل .. ومايمديني اذاكر .. لكن لازم اذاكر حتى ولو بالجامعه اوقات الفراغ .. وأسوأ دوام بالجامعه ( الانجليزي ) غثيث جدا 3 ساعات وهنيئا له اللي دخل دايركتلي ليفيل 4 6- الاختبارات الدوريه و النهائية .. كيف تشوف مستوى اسئلتهـا ؟ الاختبارات الدورية بالنسبة للماث كانت حلوة ومافيها صعوبة لكن النهائي كان فيه كم سؤال صعب اشبه بالقدرات بالنسبة للفيزياء اول اختبار من رأيي كان شوية صعب بحكم انه اول اختبار ,, لكن الثاني كان مررا سهههل , اما النهائي يعني مو مرة الحاسب والاتصال سهلين جدا 7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين " سبق وقلت الدكاترة الي درسوني ماشفت منهم الا كل خير لكن بعض المنسوبين فيها مايستحقوا التعيين بالجامعه 8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟ لسى مانزل معدلي .. 9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟ مفيدة جدا والسنة التحضيرية مرحلة مهمة لاختيار التخصص لانه صعبة انك تدخل التخصص مباشرة من بعد الثانوي .. يعني تشوف قدراتك فيها وهل انت مناسب للتخصص 10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟ الاعتماد على نفسي .. واصبحت اكثر مسؤولية .. لانه بالجامعه .. اخدم نفسك بنفسك ماحد بيجري وراك مثل الثانوي عشان تعيد الاختبار 11- تكلم عن كل مآده على حدده - بالتفصيل - ؟ الرياضيات : مادة مواضيعها تمت دراستها بالثانوي والاغلب ثالث ثانوي مع زيادات شوية يبغالها مراجعه دورية لانها مادة طويلة ومملة وماينفع ابدا تذاكرها بيوم الامتحان وانا اشوفها سهلة .. الفيزياء : الفيزياء بحسب الدكتور اللي يفهمك .. كانت وحدة ماتفهمنا ابدا ابدا لكن مثل ماقلت انت بالجامعه تدور على مصلحة نفسك وتروح تبحث عن دكتور يفهم وتحول عنده او تجمع اسئلتك اللي مو مفهومة وتروح لدكتور المادة نفسها او دكتور ثاني << وهذه الطريقة انا اسويها ونفعت معاي مواضيع الفيزياء حلوة وخفيفة لكن الشباتر الاخيرة وووه تطفش عن قوانين نيوتن والاحتكاك والمقذوفات .. هذي الشباتر اذا ذاكرتها منيح .. ضمنت درجة حلوة الحاسب : مادة احلى مافيها انك ماتختبر اللي اختبرته في الدوري الاول والثاني لكن تكمن الصعوبة والملل فيها لما تذاكر الاجزاء العملية حفظا يعني لاتنسوها وذاكروها بقلب الاتصال : مادة خفيفة وحلوة ... ومافيها اي شي .. اللهم التكاليف اللي تطفش فيها لكن خلصوها اول باول 11- نصيحة .. ممكن تقدمها للطلاب المستجدين في التحضيري .. ؟[/align] .. انهم يعتمدوا على انفسهم .. يكون عندهم روح الحماس والتحدي ماينفجعوا من درجاتهم باللاختبارات ... وبالتالي تثبط عزيمتهم المهم يكون عندكم روح التحدي مستمر مهما واجهت من صعوبات . .بشَرررط : الكلآم اللي تكتبووه يككون خآرج من عقلك بدون استخدآم عوآطفكم لآن الكلام راح يبنى مستقبل الدفعه الجآيه ،، ف آتمنى تكونوا محآيدين ف الردود

وماتوفيقي الا بالله .. لااله الا الله انت سبحانك اني كنت من الظالمين

اسألوا الله من فضله

وادعوه في ظلمات الليل ..


لانه بكل درجة حققتها وبكل نجاح احرزته ما هو الا بفضل ربي

[رفيقي كتاب ربي]

^^
نسيييييت الانجلييزي ..

اكثثثر ماااااااده استفدت منها ..خاصه اني بدأت من المستوى الاول وتأسست صح واكثر شي كويس اختارته جامعه المؤسس لطلابها :)

[ن ـــــوفا]

[

COLOR="DarkSlateBlue"]الاسئلة 12 هي [/COLOR]


1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

بصراحة كنت اتوقع انها صعبة مثل ما يقولون وكنت شايلة هم بس طلعت اسهل مما اتوقع الحمد لله

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

ايهههه اكيييد

3- هل كنت محدد ميولك وتخصصك قبل ان تبدآ بمشروع التحضيريه ؟

أكيد

4- رآيك الصريح ف .. / تعاون دكاترة القسم / سهولة المواد / .. "

تبعا اكيد انو اصابع يدك مو سوا فيه دكاترة طيبين للغاية زي دكتورتنا حقت الفيزياء تنزلنا ملخصات لها وتسألنا كل شوي فاهمين والا لا وتسوي لنا اختبارات تجريبية عشان تحسن مستوانا في المادة ربي يسعدها
وفي دكاترة يحبون التعذيب زي حقت الاتصال مستحيل تعطيك الدرجة كاملة لو ايش تسوين
وفي نوع اخر كل شوي تسألنا في اي سؤال ولما تسألينها تهزأك <<حالتها صعبة

والحمد لله على كل حال بس اغلبهم طيبين


من ناحية سهولة المواد فهي سهلة جدا الحمد لله ماعنيت من اي صعوبة وحبيتها بجد


5-دوام التحضيري .. كيف تشوفه ؟ ضغط أو بالنسبة لك أريح ؟

متعب نوعا ما

6- الاختبارات الدوريه و النهائية .. كيف تشوف مستوى اسئلتهـا ؟
بصراحة كان يبي لها تركيز شوي بس حلوة وتختبر الذكاء
7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
في ناس ما يستحقو المكانة اللي هما فيها وفي ناس يستحقوها وبجدارة
8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
لسا ماطلع المعدل
9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟
حبيتها المادة اللي حسيتها منجد رح نستفيد منها في حياتنا العامة هيا الاتصال
10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟
علمتني اهمية تنظيم الوقت واعطتني قرصة مستحيل في حياتي انساها
11- تكلم عن كل مآده على حدده - بالتفصيل - ؟
الرياضيات جميلة جدا ومادة رائعة بس الاسئلة يبالها تركيز شوي

الفيزياء مادة رائعة حبيتها في التحضيري مع اني كنت اكرها لمدة 3 سنوات متتالية في الثانوي بس تغيرت وجهة نظري اللحين عنها

الانجلش مادة مايحتاج اتكلم عن روعتها انا فعلا اعشق هالمادة وهاللغة منذ نعومة اظفاري

الاتصال مادة جميلة تفيدك في حياتك العامة انا احبها لكونها تتعلق بعلم الاجتماع وعلم النفس

الحاسب مادة سهلة بس الصعب فيها خطوات العملي اللي تجيك نظري
11- نصيحة .. ممكن تقدمها للطلاب المستجدين في التحضيري .. ؟[/align][/font]

المذاكرة اول باول وتفتيح المخ والا الهلاك الهلاك :

.

.بشَرررط : الكلآم اللي تكتبووه يككون خآرج من عقلك بدون استخدآم عوآطفكم
لآن الكلام راح يبنى مستقبل الدفعه الجآيه ،، ف آتمنى تكونوا محآيدين ف الردود

[/quote]



من ذي الناحية تطمني

[Ma3QoLa!]

لالالالالالالالالا،، كتبت رد طووووويل عريض ومن شدة ذكائي الغبي قفلت النافذة بالغلط

يلا نكتبها مره ثانية لعيون دفعة 13

،،،

قبل كل شيء انا اتكلم دحين عن خطة أ،، مادري عن خطة ب كيف وضعها

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

اول شيء كان توقعي عنها انها سنة تعجيزية زي ما قالو وصعبة وما راح يمشي فيها الا اللي ع الكتاب 24 ساعة ويصير نفسية لحالو ومدري ايه
بس اكتشفت انها سنة عااااادية جداً وسهلللله،، وما اكذب وربي لو قلت انها ممكن اسهل من ثالث ثانوي

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

يب راح ادخل،، ولو رجع مره ثانيه راح ادخلها كمان،، ولو رجع مره ثالثه بأتضارب معاه،، لا يفلها مره عاد << انا اللي بأنضرب شكلي
والله ارتحت فيها مررررررره،، وتعرفت ع ناس اعتبرهم اكبر مكسب طلعت فيه من الترم الاول،، صارو اكثر من اخوان والله
وكمان وربي تعتبر يمكن مدرسة اهلية بالنسبة لبعض الجامعات الثانية،، يعني لمن اشوف اصحابي اللي في سعود او البترول او الملك خالد،، ياناس احس اننا مدلعين من ججججد

3- هل كنت محدد ميولك وتخصصك قبل ان تبدآ بمشروع التحضيريه ؟

يب من ثاني ثانوي وانا محدد ميولي الحمدلله

4- رآيك الصريح ف .. / تعاون دكاترة القسم / سهولة المواد / .. "

قسم الماث،، رووووووووووووعه ومتعاونين وروحهم ححححححلوه،، وعلى راسهم منسق الماث 110 البروف حمزه
اما قسم الفيزياء بصراحه سسسسسسيء لدرجة كبيره،، لا دكاتره ولا منسق ولا اي حاجه
باقي الاقسام ماعرف عنها شيء
المواد راح اتكلم عنها في سؤال جاي ان شاء الله

5- دوام التحضيري .. كيف تشوفه ؟ ضغط أو بالنسبة لك أريح ؟

بدون انجلش،، ددددددددددلع
لكن مع الانجلش،، مرررررررره مو دلع

يعني كـ مثال بأقول لكم جدولي كيف كان بدون الانجلش ومع الانجلش
بدون الانجلش،، نص الترم الاول
السبت،، الاثنين،، الاربعاء .. من 8 الى 11
الاحد،، الثلاثاء .. من 11 الى 12 وثلث

مع الانجلش،، النص الاخير من الترم الاول
السبت،، الاثنين،، الاربعاء .. من 8 الى 4 << احلى شيء في الدوام دا،، كان وقت البريك كل يوم نتغدى في ماك
الاحد،، الثلاثاء .. من 8 الى 12 وثلث

6- الاختبارات الدوريه و النهائية .. كيف تشوف مستوى اسئلتهـا ؟

كل المواد كانت سهله
ما عدا الانجلش بصراحه كان متوسط الى صعب << بالنسبة ليا
والفيزياء الدوري الثاني والفاينل،، كانت المشكلة فيهم انو الوقت ما يكفي + اسئلة طوييييله ويبغالها عصر ذهن

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

الحاسب، الاستاذ. زكي الصبحي
انسان حبوب ومتعاون معانا بدرجة كبيييييييره،، وشرحو ولا احلى واختباراتو ولا اروع

مهارات الاتصال، الدكتور. سعيد نجيدة
هذا الدكتور اقدرو واحترمو بشكل،، من جد انسسسان محترم ورائع وتعاملو معنا ولا اروع،، واحسن شيء يحسسك انو يهتم فيك وما يبغا ينقصك شيء من الدرجات،، وم

الماث، درسوني اثنين
الاول،، نسيت ايش اسمو الاول،، بس اخر اسمو ملاوي
شرح + تعامل + توصيل معلومة،، ككككككككل شيء في قمة الروعه
والغريب،، انو كان ما يحضر وتلاقي الشعبة كلها مليييانه،، بس للاسف درسني اسبوعين وبعدين جا الدكتور الثاني
الثاني،، وليد الحمدان
ما اهضم حقو،، بصراحه شرحو يجي منو،، يعتمد ع الكتاب في كل شيء،، امثلة الكتاب يشرحها،، يعني اذا ما بتجيب كتاب ما راح تستفيد شيء منو
شديد مررره في هرجة التحضير والغياب والمحاضرات والحاجات هذي

الفيزياء،، محمد احمد عبدالمؤمن القناعي الحربي << ناسخ اسمو من الاودس
مادري ايش اقول،، بس سسسسسسسيء بدرجة كبييييييييره،، الله يسامحو بس
واللي يجي عندو،، نصيحة لا يحضر ويتعب نفسو،، بس يجي اخر المحاضرة عشان التحضير،، لانك وربي لو تنتبه معاه وتشتغل بيدينك ورجلك وراسك وكل شيء،، والله ما تستفيد منو شيء

الانجليزي،، صابر مدري ايش بعدها حاجه
الموهيم تونسي
يعني كويس في تعاملو معانا وكدا،، لكن شديد في تصحيح البورتفليو وكمان في الاختبارات والتحضير
لكن كويس بامانه

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

يب الحمدلله،، راضي فييييييه تمام الرضا
اكيد المذاكرة + دعوات الوالدين

9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

يب بصراحه مفيدة

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

اكثر شيء كسبتو من التحضيري،، انو تعرفت ع ناس والله اعتبرهم اكثر من اخواني،، يعني من جد دا اكبر مكسب اخذتو من الترم الاول
وكمان انا انسان تقريباً مو اجتماعي مره،، احس صارت اجتماعيتي افضل من اول،،

11- تكلم عن كل مآده على حدده - بالتفصيل - ؟

مهارات الاتصال+الحاسب،، حطيتهم مع بعض لانهم باختصار
مادتين سهله واتوقع حطوها بس عشان ترفع المعدل
يعني مادتين وربي زي الموووووووووووووويا،، وكمان نفس وزن الفيزياء والرياضيات في المعدل،، بـ 3 ساعات
يعني حححححححرام يروح عليك الـ a+ في المادتين هذي

الماث،، اللي درستو في الثانوي ح تدرسو هنا بس بالانجلش،، وممكن بتوسع شووووويا
سهلللللله مره،، خصوصاً لو استمر البروف حمزه ابو جبل منسق المادة
اذا تبغا تعديها بـ a+،، ذاكر الوورك شوب بس واحضر مراجعات حمزة ابو جبل اللي قبل الاختبارات

الفيز،، بإختصار اللي يصعب المادة هذي هما الدكاتره،، عن نفسي انا ماقيد سمعت عن دكتور كويس في الفيزياء في التحضيري،، يعني مادة لو ما تشتغل ع نفسك فيها صدقني بتاكل هوا
عندك ملخصات العربي افضل شيء انا اشوفها،، او ملخصات بركات وطلعت سالم
طبعاً لو بتاخذ اشرف لازم تاخذ معاه طلعت،، لانو اشرف بس تمارين تمارين تمارين،، وطلعت يفهمك،، يعني الاثنين يكملو بعض

الانجلش،، هذا رد ليا عن الانجلش

المشاركة الأصلية كتبت بواسطة Ma3QoLa! راح اكلمكم عن ليفل 4،، لاني ما دخلت 3 بالمختصر كدا،، ليفل 4 يبغو الطالب يمارس الانجليزي،، يعني ما يدرسوك عشان تحل وتنجح،، يبغوك تمارس،، وراح تلاحظ دا الشيء من المحاضرات ركزو اقوى شيء ع الفوكاب،، مفردات جديده ح تمر عليك حاول تحفظها تمام اما القرامر اكيد تركز عليه،، وتعرف الفرق بين كل قاعدة والثانية ومتى تستخدم القاعدة هذي ومتى تستخدم القاعدة الثانية وحاول تفهم الفرق صحححح بين القرامر لانو ح يجيك اسئلة في الاختبار تحس انو ممكن قاعدتين تنفع بس لو تركز كويس تلاقيها ما ينفع معاها الا قاعدة وحده وكمان السبيكنق حسب علمي يختلف عن الليفلات الثانية،، السبيكنق تطلع تختار ورقة عشوائية وفيها موضوع تفكر فيه لمن يخلص اللي قبلك وتطلع تهرج فيه قدام الكلاس،، وبعدين يا الدكتور يسألك يا الطلاب يسئلوك

11- نصيحة .. ممكن تقدمها للطلاب المستجدين في التحضيري .. ؟

1. خليك قريب من ربك،، ما اقول انا الراجل الذي هوا مطوع اقوى شيء،، حتى انا مقصر مع ربي،، لكن صدقني كل امور حياتك راح تتسهل اذا كنت قريب من ربك
2. طاعة الوالدين اهممممممم اسباب التوفيق،، اهم شيء يكونو راضين عنك
اقولكم الكلام دا عن تجربة
3. لا تسمع كلام احد،، التحضيري صعب،، التحضيري تعجيز،، التحضيري مدري ايه
ترا والله سهلللله،، بس الفرق انو ايام تساهيل المدرسة بتروح،، يعني الجامعة تبغا واحد مجتهد
اوكي بتعدي المادة بنجاح عادي،، لكن اذا تبغا تعديها بمعدل كويس،، لازم تشتغل ع نفسك
ما اقول اهلك نفسك مذاكرة،، بس يعني ادي كل شيء حقو،، المذاكرة اديها حقها،، وناستك اديها حقها،، اهلك اديهم حقهم،،
5. اختار الصحبة الصححح من بداية التحضيري،، لانو صدقني اللي ح تتعرف عليهم في التحضيري هما يمكن ح يكونو صحابك للابد
4. حدد هدفك من قبل ما تدخل التحضيري

والله يوفقكم يارب في حياتكم الجامعية

،،،

حاجز رد من اول،، بس ما قدرت اعدل عليه

[مہےہرآآم]

بسسسم الله تووكلنـآآ على البآري ..

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

والله كآن توقعي إني بمشي فيهآ وبسهههوله لأني كنت جداً دآفوره في الثآنوي لكن تفآجئت وصدمت
في السمستر الأول بدرجة الكيميآء نآزله , ومآدريت إن المفـآجئه في السمستر الثآني هع حملت
الريآضيآت وربي صدمه نفسيه لأبعد حد لأني كنت أعشق هالمآده وأيآم الثآنوي مسستحيل أنقص فيهآ كنت أعتبرهآ لعبه بالنسبه لي لككككن الحممدلله على كل حـآآل

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

يب كنت بدخخخلهآ وبتحدى اللي فيهآ نفر نفر أمآ ليه آمم ..<< لأنهآ قآهرتني وأبي أثبت نفسي فيهآ

3- هل كنت محدد ميولك وتخصصك قبل ان تبدآ بمشروع التحضيريه ؟

ههههههـ ميولي تحطم من زمآن كآنت أمنيتي ( الطب البيطري ) يالله كآن هذآ حححلمي لكن لآيوجد في جده هذآ التخصص يوجد في الإحسآء وأبي أطآل الله في عمره رفض رفضاً بآت التخصص نفسه فكيف لو قلتله بروح الأحسآء هع ..

4- رآيك الصريح ف .. / تعاون دكاترة القسم / سهولة المواد / .. "

الموآد فيه منهآ السهل وفيه منهآ الصصعب وتعآون الدكآتره نفسس الشي كآنت دكتورتي في الأحيآء
( سوزآن عبده ) ربي يسعدهآ وين مآكآنت هآذي الآدميه بجججد حببتني في المآده كثييير أمآ دكتورآتي في بآقي الموآد الله يسآمحهم هذآ اللي أقوله كرهوني مو بس في المآآده كرهت نفسي معآهم ..!!

5- دوام التحضيري .. كيف تشوفه ؟ ضغط أو بالنسبة لك أريح ؟

لآلآ جدآ مو مريح ضغط لأبعد الحدود خصوصآ الآنقلش مع إني أعشقه لككن محآضرته ممله وطووووويله وآحيآن آحسس مآلهآ دآعي هع

6- الاختبارات الدوريه و النهائية .. كيف تشوف مستوى اسئلتهـا ؟

بعضهآ سههل وبعضهآ صععب وبعضهآ متووسسسط

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

الإدآره .. هع صآرلي موقف معآهم وإلى الآن مآقول غير حسسبي الله عليهم
الدكآتره والمعيدين بعضهم كويس وبعضهم مغروووور جداً ..

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

[color="rgb(139, 0, 0)"]معدلي السمستر الأول كآن جداً حلو وكنت رآضيه الحمدلله وكآن يوآزي طموحي لكككن الترم الثآني أقل من المتوووقع بكثيييير وصدمه جآمده بس الحححمدلله على كل حـآآل
[/color]
9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

الشششي الوحييد المفيد هو الآنقلش وببجد آستفتد منه أمآ بآقي الموآد فيه بعضهآ مآشي حآله وبعضهآ مآلو دآعي هع

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

مثل مآ ذكككرت آستفدت من الآنقلش أكثر شي وكمآن بعد رسوبي في المآآث قلت لنفسي وعد أجيب الفل مآرك والححمدلله نآقصتني ببسس كم درجه ع الفل مآرك بآخخختصآر علمتني الإرآده وإنو مآفي شششي صععب مهمآآ كآآن ..

11- تكلم عن كل مآده على حدده - بالتفصيل - ؟

الآنقلش :: كآن متعه بالنسسبه لي ودرجججآتي فيهآ توب << مآشآء الله علي
الأحيآء :: حبيته من دكتورتي ( سوزآن ) والححمدلله جبت في درجه كويسه
الإحصآء :: مررآ حلو كآن وبرضو درجتي كويسسه ولله الحمد
الكيميــآء :: أكررههههههههههههههههههههههههههههههههههآآآآآآآآآآآآ آآ ذي المآده ومآطيقهآ وعقدتي في الثآنوي وفي الجآمعه وفكككه خلصت منهآآ
المآث :: كنت أحبه بسس بعد مآ حملته كرهت أبووه هع
الفيزيآء :: يَ خي متري وش يبون من هآذي المآده أحسسهآ ثقيله مآ أبلعهآ كللشش بس يمشي حآلهآ
الحآسب :: مآده حلوه وخفيفه مآحس فيهآ ششي
الآتصآل :: برضوو أحس مآلهآ دآعي بسس مآ أنككر إنهآ سههله

12- نصيحة .. ممكن تقدمها للطلاب المستجدين في التحضيري .. ؟

طبعآ مثل مآقآلو اللي فوقي المذآكره أوول بأوول ولآ يستهينوآ بأي مآده ويتوكلوآ ع ربهم وبالتوفيق للجميع يآآآآرررب ..

[al3ged]

الاسئلة الـ ( 12 ) هــي



1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

اولا كنت مطلع على كيفية دراسة السنة التحضيرية المثلى عن طريق الاصدقاء و موقع الجامعة وهذا المنتدى ومواضيعك انت بالتحديد .
انا من طلاب فرع الشمال .. كانت سنة او بالاحرى ترم مرهق جدا ابتداء بـ طول فترة الدوام وامتداد لبعد مقر الجامعة وانتهاء بـ سوء التنظيم عند بعض الاقسام . كان سنة صعبة جدا بحكم الاختلاف الكبير عن الحياة التعليمية السابقة فهي مرحلة جديدة ومختلفة جذريا عن المراحل الثلاث السابقة .. في هذه السنة انت فقط من يحدد مستقبله .. قبل دخولنا لهذه السنة كنا فرحين بشهادة المرحلة الثانوية واللتي تجاوزت نسبتها التسعين لكن في هذه السنة الكل سواسيه فصاحب النسبة العالية في المرحلة الثانوية مساوي لصاحب النسبة المنخفضة وهذا معناه انها سنة تحديد المستقبل ..
الكلام كثير والمعاناة اكثر ....



2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

بكل صراحة لن ادخل ... انا دخلتها فقط لاني لا اريد الخروج من مدينة جدة وسبب عدم رغبتي دخولها هو اصدقاء لي دخلوا جامعة ام القرى وتخصصو مباشرة دون السنة التحضيرية ..



3- هل كنت محدد ميولك وتخصصك قبل ان تبدآ بمشروع التحضيريه ؟؟

نعم . كنت اتمنى دخول كلية الهندسة قسم الهندسة الصناعية .



4- رآيك الصريح ف .. / تعاون دكاترة القسم / سهولة المواد / .. "

بصراحة لم اواجهة اي مشاكل تجعلني اصطدم بهم فانا فقط احضر للمحاضرة واستمع للشرح واسجل حضوري وارحل بصمت
اما المواد فما درسته ثلاث مواد من دون اللغة الانجليزية كيمياء احصاء احياء
الكيمياء نفس منهج الثانوي تماما فقط تختلف اللغة
الاحصاء مادة عند الشرح سهلة جدا عند الاختبار معقدة جدا ( والسبب اجهله وتمنى معرفته )
الاحياء مادة دسمه جدا واتوقع لو تضم لمواد كلية الطب او قسم الاحياء وتعطى مادة اخرى بدل منها او منهج جديد اخف من هذا المنهج


5- دوام التحضيري .. كيف تشوفه ؟ ضغط أو بالنسبة لك أريح ؟

بصراحة دوام مرهق جدا جدا وهو حوالي ثمان ساعات مقارنة بالدوام السابق في المراحل السابقة والذي كان ستة ساعات فقط



6- الاختبارات الدوريه و النهائية .. كيف تشوف مستوى اسئلتهـا ؟

بصراحة لا استطيع ان احكم عليها بالشمولية فهناك اسئلة من صلب الدرس والاسئلة الاخرى بعيدة تماما عن ما شرح في المحاضرات وهذا باختصار سببه اختلاف الدكاتره وجهل واضعي الاسئلة بما تم شرحه



7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

بصراحة يتفاوتون ما بين الجيد والسيء وبصراحة اكثر انا لم احتك معهم بشكل كبير


8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

بصراحة اقل بكثير مما كنت اتمنى والسبب اني اتمنى دخول كلية الهندسة والخطة اللي درستها وهي الخطة ب موادها لا تتعلق بالهندسة ولا تحسب في معدلها الخاص وايضا صعوبة المواد وقلة الوقت المخصص للمذاكرة بسبب الخروج المتاخر من الجامعة



9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

بصراحة فكرة السنة التحضيرية جيدة لكن طريقة التنفيذ خاطئة فعندما يأتي طالب في المستوى الاول او الثاني فاللغة الانجليزية ويدرس مواد بـ لغة لم يتقنها بعد و بـ مصطلحات جديدة وصعبة فهنا يكون الخطأ المفروض ان يكون الترم الاول لغة انجليزية فقط وبصورة مكثفة والترم الثاني يكون لباقي المواد الاخرى ...


10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟


بعض المصطلحات الجديدة .. تطور اللغة الانجليزية .. الاعتماد على النفس .. استشعار المسؤولية


11- تكلم عن كل مآده على حدده - بالتفصيل - ؟

الكيمياء نفس منهج الثانوي تماما فقط تختلف اللغة
الاحصاء مادة عند الشرح سهلة جدا عند الاختبار معقدة جدا ( والسبب اجهله وتمنى معرفته )
الاحياء مادة دسمه جدا واتوقع لو تضم لمواد كلية الطب او قسم الاحياء وتعطى مادة اخرى بدل منها او منهج جديد اخف من هذا المنهج


12 - نصيحة .. ممكن تقدمها للطلاب المستجدين في التحضيري .. ؟

اولا التوكل على الله سبحانه وتعالى .
ثانيا استشعار المسؤولية وانها سنة تحديد المستقبل سنة اللاتعويض
ثالثا الثقة بالنفس وبقدراتك فربما تكون من المبدعين فالحساب وتصطدم بمواد الحفظ وتابدأ بالتحطم
رابعا المذاكرة الدورية وبشكل مستمر .. حاول ان تطبق هذه النصيحة لاننا عند بداية السنة كنا نقول اننا سوف نذاكر بشكل دوري وهذا ما لم يحدث ..

[مرام12]

1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

اتوقعتهاا شي مخيف وشي غريب لأنو قريت مواضيع كثير قبل ما تبدأ السنه بس بصرااحه التحضيري سهله بس يبغالها شخص يذاكر أول بأول لاازم يشغل عقله ويركز في كل شي
ويحسن علاقاته مع الدكاتره انا عررفت كيف أذاكر كل مااده من البنات حقون السنه الي فاتت
وقبل ما ابدأ كنت أقول ان شاء الله رح أجيب معدل 5 ولمن بدأت السنه كنت أذاكر استمريت لمدة تقريبا اسبوعين بعدين رجعت زي ما أناا كل يوم أقول خلااص بكره وهاذي المشكله
السنه التحضيريه مو زي الثانوي ابدا حتى في مذاكرة الموااد غيييير
السنه التحضيريه تحتاج واحد عنده طموح ويسسسعى له بكل قوه هيا كللها سنه وتعدي نتعب فيها عشان السنوات الجايه نكون في تخصص نبغاه ونحبه

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

ايوه رح أدخلهاا ,, ما أعرف ليش بسس رح أدخلــها لأني أحسسها معرركه والشخص هوا الي يحدد اذا يقدر ينتصر ولا لا

3- هل كنت محدد ميولك وتخصصك قبل ان تبدآ بمشروع التحضيريه ؟

ايوه ,, أنا عندي ميوول كثيييييييييره ومن الابتدائي كنت أفكر في مستقبلي كثيير بحكم اني أعرف أرسم قلت بصير رساامه تقريبا لمدة 7 سنواات من ثالث ابتدائي وأنا أتمنى تكون رسوماتي تبااع في هولندا وايطاليا وأفتح معاارض
دخلت الثانوي واتغييييييييرت ميولي تماما صررت أكثر عقلانيه اخترت تخصص تصميم داخلي عجبني وحبيته من قلــب صار يشغل كل تفكيري وأذااكر عشانه وقريت كثييير عنه وأي أحد يسألني ايش بتدخلي تخصص أقول تصميم دااخلي ان شاء الله
وفي النهاايه لمن دخلت السنه التحضيريه سألت وحده من البناات ايش تبي تدخلي قاالت أي شي من كلية العلوم الطبية ووقتها كنت أول مرره أسمع عن العلوم الطبية
رجعت البيت وطوااالي فتحت أشوف تخصصاتها ما عجبتني لكن لمن وصلت لتخصص علاج طبيعي حبيييييييييييييييته ولقيت نفسسي فيه لأني أناا أحب الأجواء الطبية والحين صاار شغلـــي الشاغل كل تفكيري فيه وصررت أذااكر عششان أوصل له

نصيحتي لازم يكون عند الشخص هــدف واضح من قبل ما يدخل السنه التحضيرية يعرف االكلية الي يبغى يدخلها
ايش المعدل والمهارات الي تتطلب لهاا القسم وأهممممم شي الواحد ما يدخل قسم عشان أحد مدحه له ولا عشان له سمعه ولا له وظيفه
أهم شي الواحد يدخل شي يحبه ويبدع فيه بعديين يفكر في مجالات الوظيفه
هاذا الراابط فاادني ومن ججد حسسني انو علاج طبيعي هو مكااني وياارب اوصله



4- رآيك الصريح ف .. / تعاون دكاترة القسم / سهولة المواد / ..

"الدكااترة مو كلهم متعاونين
أنا لسسى دوبي خلصت ب الموااد سهله بس يبغالهاا شخص يذاكر أول بأول ويعررف المصطلحات الانجليزية يصير كل شي تماام

5- دوام التحضيري .. كيف تشوفه ؟ ضغط أو بالنسبة لك أريح ؟

ضغـــــط جدااا الثلوث والربوع كنت أرجع البيت 5 بحكم اني مع بااص ويوم السبت والاثنين والربوع أرجع 3 ونص هيا المشكله كلها في الانقلش عدد ساعاته طووويله

6- الاختبارات الدوريه و النهائية .. كيف تشوف مستوى اسئلتهـا ؟

مممممم متوسطه الى صعبه

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

بصرراحه بعضهم مرررره ما يفهمو والله حراام كذا يسوو يعني المفروض يجيبو اساتذه موثوق فيهم
ورربي بعضهم حتى ما يعرفو ينطقو الكلمات الانجليزية ويشرحو بعض الأشياء غلط
لكن مو كلهم في استاذات ما شاء الله عليهم يفهموووووو من قللللب ما أخرج من الكلاس الا وانا فااهمه كل شي يا ليتهم كلهم كذا

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

أقل من المتوقع زي ما قلت في البداية كاان طموحي اني اجيب معدل 5 درجااتي اتمنيت كلها تكون ما تنزل عن 90 على الأقل بس الحمدلله على كل حاال ,, اتوقع السبب اني ما كنت أذاكر أول بأول

9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

مفيـــدة

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

اتطورت لغتي الانجليزية بشكل كبييير وكماان صرت اجتمااعيه أكثر

11- تكلم عن كل مآده على حدده - بالتفصيل - ؟

الكيمياء / ماده تحتاج مذاكرة أول بأول ولازم تحضرو عند دكاتره كويسين ولو ما حالفكم الحظ جيبو مدرسين خصوصيين
أهم شي في الكيمياء بعد ما تذااكر وتخلص لااااااازم تحل نمااذج سابقه وتمررن يدك على الاسئله في موقع دكتوره اكرام دانش تمارين نهاية كل شابتر رح تفييد

الأحياء / برضو تحتاااج حفظظظظظظ بالعربي وبالانقلش كتبت هاذا الكلام في احدى المواضيع ورح أعيد اكتبه هناا
اذا تبي درجاات كاامله لازم تحفظي كل محااضرة تااخذيها وكمان أهم شي تكوني عاارفه الكلماات المهمه في كل دررس عشان تعررفي تحلي مو تذاكري بالعربي وتقرأي الانجليزي ! لازم كلهاا حفظ
أنا الميد الثاني كنت أحفظ العربي والانجليزي أقرأه مرتين ولمن مسكت ورقة الاختبار ما كنت عاارفه ولا شي لأني ماذاكرت الكلمات الانجليزية

الاحصاء / حلوه تعتمد على التركييييييييز يعني تحلي وتخرجي من الاختبار وااثقه وبعدين تنصدمي لازم لازم لازم ترركيز الميد الأول كاان مره سهل وبالراحه تجيبي فيها 30 والثاني يلخخخبط ويحتاج تركيز في السؤال والأخيرر كماان ,, عموما هيا أسسسهل ماده في خطه ب مقارنه بالكيمياء والأحياء

الانجليزي / انا بدأت من ليفل 2 كاان جدا سسسسسهل بس برضو لاازم مذاكرة وتطوري لغتك في الاستماع
ليفل 3 شويه تلخبط اليونيتات الأخيره لو ما فاهمين شي روحو عند أحد يشرحلكم لأنو الانقلش مهم وينززل المعدل ويرفعه

11- نصيحة .. ممكن تقدمها للطلاب المستجدين في التحضيري .. ؟

اتوكلو على الله واتخيلوهاا معركه تخوضوها و رح تنتصرو فيها حطو الهدف قدامكم واتركو السلبيات والناس الي تحطم وراكم وادعو ربكم في آخر الليل
ورربي ما يضيع تعب أحد
اتمنى لكم سنه مليئة بالدرجات الحلوة

[M!SS Lara]

أهلا حبيبتي



1- وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ - تكلم بالتفصيل –

لا ماكنت متوقعتها كده ..
امكن لأنو كانت نقله في حياتنا من دراسية مدرسية إلى جامعية :)

2- لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟

أكيد..
لأنها من أفضل الجامعات على مستوى السعودية ومن زمان انا حابتها ونفسي ادرس فيها

3- هل كنت محدد ميولك وتخصصك قبل ان تبدآ بمشروع التحضيريه ؟

الحين نعم .. حددت ميولي ..
الي يحدد ميوله صح ويحطها بباله ونصب عيني هو هذا الي ينجح

4- رآيك الصريح ف .. / تعاون دكاترة القسم / سهولة المواد / .. "

بتختلف ..
في كل قسم في دكاترة كويسين وفي الي يالطيف يارب

5- دوام التحضيري .. كيف تشوفه ؟ ضغط أو بالنسبة لك أريح ؟

ضغط وبالقوة

6- الاختبارات الدوريه و النهائية .. كيف تشوف مستوى اسئلتهـا ؟

دايم واحد منهم يكون سهل والتاني يكون صعب والفاينال وسط ..
بس في اختبارات الدوريين مع الفاينال يكونو متوسطين

7- رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "

في بعضهم كويسين وفي لا
هو انت وحظك وفين حطوك

8- معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟

الحمدلله نعم ..
سببه اجتهادي الدائم وشحن طاقتي تذكير نفسي بحلمي وآمالي ..
وان التحضيري هي الجسر المؤدي للحلم اما تعديه او لا

9- مقررات التحضيري .. في أول سنة هل تشوف انها مفيده ؟ او مجرد مواد عامـة ؟

أشوفها جيدة جدا على مقبول

10 - بالنسبة لك ، وش اضافة لك التحضيريه حتى الآن من مهارات او اشيآء جديده ؟

دوراتهم في الانجليزي جيدة لكن ضغتنا بيه ماهو شئ حلو لأنو الي بيدخل بنية الاستفاده مايلحق يدرس الكلمات اول بأول

11- تكلم عن كل مآده على حدده - بالتفصيل - ؟

الماث .. ماده سهله بس عيبها انها طوووووووووووووووووووووووييييييييييييييييييله أحسن كأنو جمعو مناهج الماث حقت الثانوي وحطوها بترم وبالانجليزي!


الفيزياء .. حلو جدا ورااائع لأنو المنهج قليل وكمان بس احفظ قوانين وحتمشي ..

مهارات الاتصال ... ماده سهله والمعظم يجيب فيها a+ لأنو مره سهله والطالب يقدر بنفسه يتعلم ويستفيد من دي الماده لانها تعلمه فن الحوار وكيف تكون انسان اجتماعي وواثق من نفسه


الحاسب .. افهم الدرس كويس وهي مره ماده سهله وكلها عن اوفيس ومره سهله

11- نصيحة .. ممكن تقدمها للطلاب المستجدين في التحضيري .. ؟


لن تبلغ المجد حتى تلعق الصبرا

التحضيري اما تكون صعبه او سهله ..

الي يدرس اول بأول ويحل مسائل وكده ده حيجيب درجات عاليه وبالراحه كمان ..

[Miss Dreamer]

لي عودة إن شاء الله ..

[warm ice]

أمخمخ ع الاسئلة
ولي رجعة =)