كلمه حق في د المزجاجي خاصه بعد نتائج ثقافه المنظمه

[محمد العاطفي]

السلام عليكم انا الدكتور اخذت عندة كذا مادة ويعلم الله اني داخل علية مكتب وحاب راسة معنه عصبي بس يرجل انا الترم هذا خريج وتاخرت في تسجيل مادة البحث العلمي ولا فية شعب وقفلت اظطريت اجي جدة اسجل المادة ادووووس ماقبلني رحت للعمادة قالي العميد شوفلك اي دكتور والله اني اطقطق بيبان الدكاترة الين طحت في مكتب الدكتوور احمد الله يجزاه خير قلت يادكتور انا خريج ولا فية شعبه قبلتني اخذ ورقتي وفتحلي شعبة وانا كنت اقول خلاص ترم جديد على شان مادة وطلعت وكلمت واحد مثلي من الشباب وقالي كلمه لي وكلمته قال جيب ورقة وكتب اسمة وقع عنه وراح اقبلة وكل ماقوول شيء يقووولي على خشمي قسم بالله اني قلت لة راح احبك على راسك حوبيتة الله يجزاة الف خير يارب بنسبة للاسئلة وصعبها وسهلها انا اتفق مع الاخت الي كاتبة تعليق على عدم المذاكرة حبيت اذكر الموقف هذا لدكتور وفاء له شكر دكتووووور احمد بارك الله فيك وفي علمك



ودمتووم بخير

[ماجد 2222]

اختبرت معاه اخلاقيات عمل واخذت 68 والحين اختبرت معاه ثقافة المنظمة وأخذت 70
واحس انه ظلمني في اخلاقيات عمل
والحمد لله على كل حال

[Abadi Alharbi]

رغم إني حذفت الترم لمشاغلي .. لكن أبقول كلمة حق لأني حضرت محاضراته ..

بأخلاقيات العمل .. ومن 6 محاضرات ماحظر غير 3 فقط ..

وماأدري وشلون عديتها .. قال محذوف وجاب منها .. وأسئله مو بالنص بعد ..



مافيه دكتور مزاجي مثله .. سلملي على الدكتور حسين الشريف ..

حضرت عنده القانون الإداري .. قالنا المحذوف .. ووفى ..

والأسئله صريحه وبالنص من الكتاب .. أخذت فيها فوق ال90 ..


المزجاجي يقول حسب فهمك للحياه قبل الماده .. ليش تألفلي كتاب وتلزمني فيه ..

أسئلتك مو صريحه وبالنص من كتابك .. خسفتنا بدرجاتك ..


وبالنهايه دكتورنا .. لكن نبي يعدل مزاجه .. إنتساب وغلابى مو مثل الإنتظام ..


تحياتي

[ماني من أشباهي]

كل واحد له رأيه وفي النهاية حنا شعب تحكمنا العاطفة.
الدكتور شمسان الكل يمدحه وبعد اختبار الادارة المحلية الاثنين الماضي قلبوا الطاولة عليه .
للأمانة انا اخذت اخلاقيات عمل عند المزجاجي وكنت مذاكر بشكل ممتاز وحليت رغم صعوبة الاسئلة وكانت درجتي ٦٧ !
موفقين جميعاً .

[farisrashed]

العام اسئله اخلاثيات العمل 50 سوال صح وخطا

وثلاثه اربع المنهج محذوف

وبعض الاسئله ماهي في الكتاب يقال انها على فهمك للماده

والنتيجه 65 اظن اذا مي اقل

ومذاكر جيد !!!

اذن وين الخلل ؟

[@ابوسديم@]

السلام عليكم ورحمة الله وبركاته
ياشباب أولا الدكاترة اخواننا وأباأنا قبل لايكونون دكاترة...وبعدين الشتم والسب ليس من هدي الرسول (صلى الله عليه وسلم) ولا من أخلاق ديننا الحنيف...
وأنا حذفت مادة (ثقافة المنظمة) لأن الشباب قالو عنه دكتوره إنه صعب ومعقدونرجسي وغيره من الكلام
وبالمصادفة قابلته بعد احد الإختبارات..قمة في التواضع وقمة في الأدب..وقلتله إني مانزلتها عنده بسبب كلام الشباب..قال إنه مارسب من السبعمائة طالب سوى اربعةوهذه نسبة ضئيلة جدا لاتذكر؟؟؟
فجزاء الله الدكاترة عنا كل خير وبارك الله في أعمالهم وأعمارهم وأولادهم

[نجوله>>]

صدقوني مافي شي يضيع عند الله سبحانه انا مااعرف الدكتور هذا ولااخذت عنده ماده

[D. ADEL]

السلام عليكم ورحمة الله وبركاته ،،،

انا اتكلم عن رأي شخصياً :

لا احب ان اكون اي انطباع عن اي شخص نقلاً من شخص اخر احب اكون هذا الانطباع بالتعامل ...

الدكتور المزجاجي وفقه الله ،، لم اتعامل معه نهائياً ولكن اختبرت مادة اخلاقيات العمل وكنت مجتهد فيها وانا عادتي اني ادرس من الكتب ولا احب الملخصات نهائياً المهم دخل الدكتور علينا في القاعه ومن قوة التحدي لديه قال بالحرف الواحد اللي يجيب ( 55 ) درجه انا ازيده من عندي ( 5 ) درجات فصدمني نفسياً الله يهديه قبل الا ابداء الاختبار ... وبعده بديت اتنحى عن اي ماده لهذا الدكتور ...

وارجو من الاخت ( دلوعة الخليج ) انها لا تصرح للطلاب بالأغبياء قياساً على اولاد اخته ...

[o,O]

دلوعه الخليج

اذا ماجربتيه
لاتجلسي تقولي كلام من راسك :)
وبلاش فلسفه زايده

[مشوار طويل]

ومازالت افلام المزجاجي متواصله
http://www.skaau.com/vb/showthread.php?t=510775