بيان من المكتب الخاص للعضو أبوفاتن ( جداول التعديلات الوزارية على المواد الاختيارية )

[حمد التميمي]

انا قسم ادارة اداره عامة مسار عام .. المهم نزلت مواد حرة واختيارية مو من ضمن الجدول اللي نزلة الاخ ابو فاتن . والمواد هي فن الاقناع .. ومادة القيادة الفعالة والراي العام . مدري ايش الهرجة ابو فاتن عادي كيذاا

[أبو فاتن]

المشاركة الأصلية كتبت بواسطة حمد التميمي انا قسم ادارة اداره عامة مسار عام .. المهم نزلت مواد حرة واختيارية مو من ضمن الجدول اللي نزلة الاخ ابو فاتن . والمواد هي فن الاقناع .. ومادة القيادة الفعالة والراي العام . مدري ايش الهرجة ابو فاتن عادي كيذاا

طيب وين المشكلة اخوي حمد !!!!


فن الإقناع والرأي العام مواد حره شلون تبيها تنزل بجدول المواد الاختيارية !!!


مادة القيادة الفعالة اختيارية وشوفها مرتزة عندك بالجدول مثل القمر في تمامه يلبى قلبها

[حمد التميمي]

لبى روحك يابو فاتن يسلمووو بس الراي العام وفن الاقناع مو موجودة في جدول المواد الحرة

[أبو فاتن]

المشاركة الأصلية كتبت بواسطة حمد التميمي لبى روحك يابو فاتن يسلمووو بس الراي العام وفن الاقناع مو موجودة في جدول المواد الحرة

وروحك اخوي حمد

هذي مواد مقترحة فقط وليست قطعية


وياهلابك

[nany ju]

يعطيك العافيه اسلوب حلو في الطرح صراحه مع خفة دم حسيت انك حاب توصل معلومه من قلب

انا هذا الترم مانزلت اختياريه ان شاء الله الاترام الجاية يارب سهاله

[أبو فاتن]

المشاركة الأصلية كتبت بواسطة nany ju يعطيك العافيه اسلوب حلو في الطرح صراحه مع خفة دم حسيت انك حاب توصل معلومه من قلب انا هذا الترم مانزلت اختياريه ان شاء الله الاترام الجاية يارب سهاله

أشكرك بارك الله فيك اختي

أكيد الإنسان إذا حب إنه يوصل منزلة الرضا عن النفس فعليه بالأخلاص فيما يعمل ليحقق النجاح

وتأسياً بما قاله المصطفى سيدنا محمد عليه أفضل الصلاة وأتم التسليم (إن الله تعالى يحب إذا عمل أحدكم عملا أن يتقنه )


آسف على المحاضرة ,, ولكن أردت إن ذهبنا نحن أن تبقى الكلمات لتشهد علينا حين نسُأل عن علمنا ماذا عملنا به




عموماً أختي الله يوفقكم ولكن حبيت أنبهك الله يسلمك بأنه هالموضوع الخاص بالمواد الاختيارية خاص بالطلاب فقط


أما مواد أخواتي الطالبات فهي في موضوعي الآخر على هالرابط

http://www.skaau.com/vb/showthread.php?t=468022



بالتوفيق

[لماذا اسلم للبحر امري؟]

المشاركة الأصلية كتبت بواسطة أبو فاتن طيب ويعني ..!! مافهمت أنتي وش تبين الحين ..!! معليش أسمحي لي فهمي على قدي اهنيك على اعترافك لأنه نادر الي يعترف بقل فهمه بس بحاول أفهم طيب طالما هي كل ترم ( أسمحي لي بعطيك هالمعلومة لنفسك ترى هذا أول ترم توضع هالتغييرات ) ليه ما أفدتي أخوانك اللي ما قدروا يعرفون أو يرحون وسبقتيني وطرحتي موضوع ..؟ كل ترم توضع داخل كليه الاقتصاد والاداره اوراق بالمواد الاختياريه والحره المقترحه والكل يعرف هالشئ (طبعا انا اتكلم عن الطالبات) لكن لا يوجد ادنى فائده لها للأسف ولو في فائده كان تسابقوا الطالبات في طرحها أو طلبها لأنهم مستحيل يستفيدون من مواد مبهمه لذلك هم يبحوثون عن المواد المرجحه والمجربه من قبل طلاب اخرين حتى لو تلاحظ محد يطلب قائمه المواد الاختياريه والحره لهذا الترم دائمآ يبحثون عن الافضليه لهذي المواد وليس سردها فقط ودائمآ 99 % من طلاب وطالبات الجامعه ينزل مواده الاختياريه والحره حسب رأي اصدقاءه او الناس الي جربو الماده على الأقل محاولة لكسب دعوة عابرة وش كنتي بتخسرين ؟ هل تتوقعين وقتها إنه بيجي شحص ملقوف وينشب بحلقك ويقولك ليه منزلة هالموضوع ؟ عفوآ انا ماقلت لك ليه منزل الموضوع كل الي قلته بدايه موضوعك توحي بشئ اكبر من المطروح يعني لو راح اقرى بدايه موضوعك فقط راح اخمن ان المضمون قرار وزاري او تغير في انظمه الجامعه او شئ مهم جدآ لكن بالاخير يكون فقط مواد اختياريه وحره !!!! ارجو افتراض حسن النيه قبل الرد بعدين شرايك تختارين لي عنوان للموضوع يا طويلة العمر وش رأيك أسميه طيب ؟ تتوقعين لو سميته ( أحذري من التجاوز يا لماذا اسلم للبحر أمري ) بيكون أفضل ؟ عموماً جزاك الله خير على الدعوة ( عيوني حبت إنها تشوف الضحكة اللي بآخر المشاركة دعوة عشان كذا قلت الله يجزاك خير ok ) تدرين وش أستوقفني ؟ في البداية أستغربت من ردك ومشاركت وكلماتك بس يوم شفت عدد مشاركاتك وعدد الناس اللي شكروك بعد الله وعدد شكرك أنتي للناس بعد الله وقتها تلاشى العجب

باقي حديثك ماله علاقه في الشئ الي اناقشك فيه خصوصآ عدد مشاركاتي والشكر ... الخ هههه

كلك ذووق واتمنالك التوفيق

[gshammary]

الله يجعلك في كل حرف حسنه آآآآمين
وجزاك الله عنا الف خير

[باتشي]

مساء الخير اخوي ابوفاتن وشلونك قي البدايه نشكرك على التوضيح . ولكن اخوك فيه فضول شوي على هالبيان بس ودي اسالك انت واحد من اثنين =
1. اما نك شغال في مكتب امير وتأثرت بالخطابات .
2. او انك شغال في ادارة نادي النصر وعشت جو البيانات. وشكرا خيووو.

[أبو فاتن]

المشاركة الأصلية كتبت بواسطة لماذا اسلم للبحر امري؟ اهنيك على اعترافك لأنه نادر الي يعترف بقل فهمه قولي والله .. باقي حديثك ماله علاقه في الشئ الي اناقشك فيه خصوصآ عدد مشاركاتي والشكر ... الخ هههه

أي نقاش الله يسلمك ..!!

ردي عليك ما كان نقاش أصلاً لأني خذيت نصيحة فيما مضى من جدتي الألمانية سلطانة الله يطول بعمرها ويمدها بالصحة والعافية اللي كانت عايشة بزيورخ بألمانيا الله يرحمها ويسكن روحها الجنة قولي آمين

قالت لي وهي تعجن الكليجا والجلال تلعب به نسانيس الثمامة ( كان عندها محل معجنات في فرانكفورت ) يا وليدي : لا تبحر مع الآفاق الفكرية في نقاش إلا وقد ترآت لك من المدركات ما يستحق الوقوف والتزوّد .. وإلا فأنت تهوي إلى سحيقٍ من فضاء .. تسحق به كل نُبلٍ يستحق الإحترام في داخلك .. فحذاري يالكمخة أن تنساق خلف الأضرحة الفكرية لكيلا تجعل نفسك في غير موضعها فأنت أهلٌ لكل جميل ... فقلت لها : أبشري ياجدتي (وشوي إلا بيتر يناديني قال حنا معزومين عند ربع هايدي قلت له مشينا)



كم أنتي علامة ياجدتي الكندية وكم أنا مشتاقٌ إليك اليوم ..


إلى هنا ستقف ترانيمي عن التردد في مجال الردود الشخصية والخارجة عن مدار وصلب الموضوع لكي أعود إلى مجرتي ومملكتي فبرجي الهادئ الجميل مازال في إنتظاري ...




إلى لا لقاء يا لماذا ..




أبقي .. دائماً .. هناك .. سيدتي