مذاكرة الاحيــــــــــــاء (اختبار الاربعاء) مهــم مهــم مهــم كل البنات تعـــــالوا

[ezmond]

دكتوراتنا ودكتور نزار كلهم قالوا المذاكره من النماذج والترينينق صح ولا لأ؟؟
من المتوقع اننا ناكل مقلب الربوع زي الاولاد اليوم.. عشان كذا اذا صار لنا زيهم نرووح نجننهم وغصبن عنهم يزودونا درجاات

بلاش نذاكر السلايدات لانو هما قالوا لنا اتركوها.. صراحه هذه مسؤوليتهم اذا جابوا شي من برى

كفاية انهم ضيعوا وقتنا بكلامهم..

يارب تسهلنا كلنا.. واستغفروا كثيييير يفرجها ربي لنااا

[شمعة الإيمان]

تدرون ايش رايكم نكلمهم كل البنات عدد كثير .. انهم ياجلون اختبار الاحياء الاسبوع الجاي ع الاقل الاحد بعد الكيميا ؟؟ !!

[Dr:bedo]

اضم صوتي لصوتك


وبلاشي نحدد رئيسة وكلام فاضي بس نكتب هنا المكان المحدد لكل فرع ونروح وندخل كلنا ونطالب بهالشيء



ايش رايكم؟؟؟

[fire]

مستحيل يوافقون أنسوا هذا الكلام


انا اقول خذوا رقم الدكتور نزار وكل وحده ترسل له دعوه من قلبها

صدقوني بيعطيكم الزبده ويقول لنا نركز على أيش

طبعا تفننوا في الدعاوي وانا كذا بسوي هع

[warm ice]

فكرة أنو الاختبار يتأجل صعبه
انا حاولت ابدأ أحل النماذج بس ما قدررررت
وقسم حسيت اني اقرا طلاسم
فا جد لازم ناخذ ع الأقل فكرة عامه عن المنهج لو بس قراءة السلايدات بتركيز والله تفييييد كثير
وبعدين نمسك النماذج والترينينق اللي نزلها عزوز وسورا
والله ما يضيع تعب أحد

[طالبه سنه تحضريه]

ياطلاب السنه التحضريه بنات الشرفيه مش دحين في المكتبه اسئله احيا طيب يانااااااااااااااااااااس مش محلوله كيف نحلها ساعدوني اللله يوفقك

[طالبه سنه تحضريه]

ساعدوووووووووووووووووني

[fire]

الاسئله اللي فالمكتبه محلوله ولكنها مصوره يعني الاجابه لونها افتح من السؤال

بس في اسئله ورى بعض مو محلوله


اذا مو قادره تفرقيين بين السؤال والجواب اطبعيها من المنتدى من هنا احسن لك

في ترينق 1 و 2

[كياني]

فكرة أنو الاختبار يتأجل صعبه انا حاولت ابدأ أحل النماذج بس ما قدررررت وقسم حسيت اني اقرا طلاسم فا جد لازم ناخذ ع الأقل فكرة عامه عن المنهج لو بس قراءة السلايدات بتركيز والله تفييييد كثير وبعدين نمسك النماذج والترينينق اللي نزلها عزوز وسورا والله ما يضيع تعب

إوآفقك الرأي تماما :)

[Dr. Amira]

بنااات اصلا في اشاعة تقول انو عشان الامير سلطان بن عبد العزيز ( الله يرحمو ويدخلو فسيح جناتو )
يقولو الاجازة بتكون الثلاثاء هادا
يعني احيا وكيميا طارو بعد الاجازة