ياشباب اللي في ادارة الاعمال رابغ مستوى ثالث وساكن في الدمام او في الخبر يرفع يده لوت

[khaled 2012]

حياكم يا شباب اللي في الدمام

الكتب موجوده في مكتبه الهندسه والملخصات تحصلونها في المنتدى

واللي عنده سؤال احنا حاضرين

[how high]

يالغالي كم رقم تلفون هالمكتبه اذا تقدر

[ahmad82]

السلام عليكم

انا عديت المستوى الثالث وعندي الكتب الي يبيها يرسل لي رساله على الخاص
وماعليكم اممر احتاج كتاب الرياضيات والثقافه الاسلامية 1

[ahmad82]

المشاركة الأصلية كتبت بواسطة how high يالغالي كم رقم تلفون هالمكتبه اذا تقدر

8117246

اسم الرجال الي فيها نايف الحربي

[alsaiasa]

انا بعد من الاحساء ممكن سؤال من اشتري الكتب من الدمام ولا فيه مكتبه في الاحساء ارجو كتابه الموقع مع الوصف

[how high]

المشاركة الأصلية كتبت بواسطة alsaiasa انا بعد من الاحساء ممكن سؤال من اشتري الكتب من الدمام ولا فيه مكتبه في الاحساء ارجو كتابه الموقع مع الوصف

يا رجال في الاحساء ماعندك احد خلنا نروح لمكتبة الهندسة اللي يقولون عنها ونشتري من هناك
ما تفرق 160 كيلو
ورقمهم ماقصروا الجماعه جابوه لنا

[how high]

الا صحيح الشاب اللي اشترى من مكتبة الهندسة ياليت لو يطابق المؤلف والطبعة مع المفردات هل هي نفسها سامع انهم غيرو الكتب او بعضها

[Charming boy]

طبعا زي منتو عارفين سياسة المنتدى العقيمة في التواصل بين أعضاء المنتدى وماتقدر تحط رقم جوالك ولا إيميلك ولا حتى ترسل ع الخاص إلا بعدما يصير عدد مشاركاتك أكثر من 100 لهذا أقترح إننا نتواصل عن طريق أحد برامج التواصل زي السكاي بي أو غيرها وأنا في الخدمة

[nour al3mr]

الإخوة الكـــــرام

يُمنع وضع وسـآئل الإتصـآل أيًّا كانت في المنتدى العـآم

يمكنكم التوآصل من خلال الرسائل الأكـآديمية
إن كان عدد المشاركات لايسمح فَـ يمكنكم مراسلة مشرفي القسم وهم بدورهم سيوصلوا البيانات التي تريدونها للطرف الآخـر

وفقكم الله

[أبو نايف 2009]

إيش الحكمة من عدم المساعدة العلنية بالأرقام وخلافه


والله لا أجد حكمة ولا منطق



ولا أراها إلا طريقة تسويقية بحتة يعني لازم تجيب 100 مشاركة حتى تراسل ولما تجي تراسل يقول ترانا نراقبك

فلو كل واحد عمل 100 مشاركة أصبح المنتدى يغص بالمشاركات مما يجذب أنظار المعلنين الأكاديميين والإعلان هنا




فكرة تسويقية مقيتة وإلا لا حكمة مطلقة في منع التواصل العلني لاسيما بين الشباب أنفسهم