طلاب و طالبات خطه (أ) .. ما هو أفضل ملخص رجعتوا له في التحليل الكمي!!

[آل صفر آل بارد]

شوفي اختي ...

مرفق ملخص رياضيات 114 لهاني عرب

مع نماذج اسئله ...

بس ترا زي ماقلتلك فيه اشياء كثيره بالملخص محذوفه ماهي معانا ولا جانا شي منها بالاختبار

احسن شي تسوينه تقارنين الملخص مع مفردات الماده المطلوبه معاكم في موقع الجامعه وتذاكرين المطلوب بس من الملخص ....

وبالتوفيق اختي العزيزه ...

[rOoOoOs]

ال صفر ال بارد مشكووووور و أسأل الله لك التوفيق والنجاح ياااارب

[Jeddah_one]

ونفس الكلام الي كتبته في موضوعي لحل الرياضيات ينطبق هنا , الي عنده اختبار تحليل كمي واستصعبت عليه بعض النقاط ويرغب في شرحها وفهمها لايتردد بالارسال لي بالطريقة الي تناسبه بايميل او رساله او هنا

بالتوفيق للجميع

[مدرسة الحب]

ممكن لو سمحتوا رابط شرح نو كمنت للاحصاء عشان الترم الجاي حيكون عندي احصاء.....بليييييييز لو سمحتواااااااا

[yesyes]

نصيحة لـــوجه الله في يوم الجمعه الكريم هذا ولا انتظر منك جزاءً إلا الدعاء ...نصيحة بالنسبة لـــ التحليل الكمي صّم الكتاب فقط الكتاب " تراه كم ورقة " مو زي ما تتصوّر كتاب بمعنى الكلمة ...والله يا اخوي اللي فتح الكتاب انه وجد لا يقل عن " خمس اسئلة " بــــ الكربون من الكتاب نفس السؤال لا ونفس الاجابة كمان بدون تغيير ....فــ نصيحتي لك بالنسبة لـــ التحليل لا تعتمد على اي تلخيص ...وترا التلخيص الموجود في المكتبات اللي سعره 25 ريال اقسم بالله 90% من معلوماته خطأ ..والقوانين ناقصه وغير صحيحة فلو جاك " بلاش " ...شوف اقول لك " بلاااااااااش " لا تذاكره ارجع للكتاااااااااااااب والله لو إن الله هداني قبل الإختبار بس بـــ ساعتين وذاكرت الكتاب قسم بـــ الله يا شيخ ما تنزل درجتي عن
الــــــ ( 90 ) .

نصيحتي كتبتها ولك حُرّيت التصرُّف .

[rOoOoOs]

مدرسة الحب ابشري راح اجيب الراوبط حقت التلخيصات الاحصاء و التحليل الاحصائي ان شاء الله الليله

[rOoOoOs]

yes yes مشكوووووور عالنصيحه أنا ابحث عن شرح للكتاب فقط يعني زي ما سويت في الاحصاء

كنت اذاكر من الكتاب و اي شي ما افهمه ارجع لشرح الاستاذ كومنت الين فهمت و في الترم الاول ما اعتمدت على الملخصات ابد و لا انصح بالاعتماد عليها لكن ابغى اي شروحات للماده فقط و بإذن الله المذاكره راح تكون من الكتاب

لك من جزيل الشكر عالنصيحه الرائعه

[احمد ابو ليلى]

اي واحد محتار في التحليل الكمي...ويحس انو في مأساه يسأل اختنا زهرة تشرين نزلت شرح وساعدتنا ماشاء الله عليها....اقولكم وانا اقرى اقول معقوله في احد يعتبر الماده سهله....هذي من جدها المهم حاولت وحاولت وفي النهايه رحت بعد ماتوكلت على الله وظللت خبط لزق....والمهم اني مرتاح قدرت اظلل كل الدوائر وطلعت اول واحد بعد خمس دقايق من بداية الاختبار....ماعلينا...انصحكم بزهرة تشرين ومكتبة دار الهدى مدري الهدى بوسط مجمع المكاتب على فكره اغلب اللي نزلوا شرح في التحليل الكمي كانوا بنات يعني الموضع بينكم وحلوه

[rOoOoOs]

انا سعمت عن زهرة تشرين و سويت بحث و جمعت بعض موضوعاتها المفيده
الله يجزاك و يجزاها خير و ينجحنا اجمعين

[Samorah]

ولا ملخصات ولا شي ..
ولا كتاب اصلا ..
الحمد لله احنا درستنا دكتوووره والله يعني لو اشكرها مليون مره مارح اوفيها حقها ...

كل شي مكتوب بالدفتر ..
وكل الملحظات مكتوبه .. وتقولك ملحوظه هامه جدا ..

في احسن من كذا ..

انتي اسألي البنات الي يكتبو بالدفاتر وخديها منهم وصوريها .. وركزي معاها بالكلاس ترى مررره يكون احسن ..

ومن جد هيا قالتلنا المزاكر معايا 95% وال5 الباقي لمن ترجعي البيت ..

وترى دا من جد يسير ..

والحمد لله اعلى درجاتي في التحليل الكمي مع العلم اني كنت ادبي .. وكان عندي مدرسه للرياضيات ..