بشرى لطالبات الدراسات العليا بالاقتصاد المنزلي

[المرجان]

اخواتي
تفاؤل وأمل - أنفاس مشرقة - صابره على الحياة - تعبانة من الدراسة - شطورة
الله يسعدكم جميعا ... واعاننا الله واياكم في تحقيق الاستفادة الكبرى من هذه الدورة

واسال الله التوفيق للجميع

[سوسو H]

اخواتي مين راحت اليوم السبت وسالت في الكلية عن موعد الدورة والتسجيل .؟؟؟ في انتظاركم

[تعبانة من الدراسة]

انا رحت اليوم للجامعة وسألت أ. ناعسه عن الدوره
وقالت لي انها ما تعرف عنها شي ...
وما في دورة لغة انجليزية لنا ..
وقالت لي انو لو في شي أو دورة راح ننزل في الموقع الرئيسي للجامعه ...
الله يسامحكم ... والله ضربت مشوار على الفاضي ...

[تفاؤل وأمل]

طيب وافقوا أن ندرس التكميلية بدون اللغة

[المرجان]

اختي تعبانة من الدراسة
باذن الله ماراح يكون تعبك على الفاضي ..
وانا اخبرت دكتورة نهلة بان وحدة الدراسات العليا اخبرونا بان لم يصلهم شيء عن هذه الدورة
وانا الان بانتظار رد الدكتورة عن قرار هذه الدورة
واذا على التعب في ضرب المشوار مرررررررررة اسفين على المشورة
وباذن الله ربي يعوضك عن مشورة اليوم للكلية : بالاجر والمثوبة للطلبك للعلم

[سوسو H]

الله يسعدك يالمرجان بلغيها باللي حصل واحنا مستعدين لهذي الدورة ومحتاجينها لان الاختبار قريب
ودار الحكمة اعلنت عن دورتها للمرة الثانية ولكن رسومها مرتفعة جدا ولايستطيع الكل حضورها

[تفاؤل وأمل]

ما في شيء جديد ؟!!

[شطورة]

الله يسعدك مرجااانه ع الدعوة وربي يوفقك انت بعد
رحت الجامعة امس السبت مثل ما وعدتكم وتوجهت لاستاذه ناعسه ومثل ما قالوا البنات قالت ما عندي أي خلفيه ولا أني بالأصل مسئوله عن دورات لكم !!! قلتلها مستحيل الكلام والبشرى من البنات جاء من فراغ اتحققلي من الامر أو أرسلني لوحدة ممكن تفيدني قالت روحي لاستاذة فاطمة ومعاها في نفس الغرفة سألتها في البداية مستنكره مع توضيحي أن هو طلب واقتراح من قسمكم لمركز اللغه ووو استوعبت قالت ايوااااا بس هذا مجرد أننا أعطينهم خلفية أن ممكن نرسل بناتنا عليكم وتعطونهم دورات تفيدهم بس،، قلت لها طيب نبي الكلام يثبت بجد احنا محتاجينها واسولف معاها واشرح لها حالنا وأن يكفي أن ما عندنا دورة بديلة مثل الاقسام الثانية بس نبي على الاقل دورة مكثفة من مكان نثق فيه مو مثل المعاهد التجارية اللي برا ،،، مره تفاعلت معي وقالت روحي لمرشدتكم د. ساميا وقولي لها كل اللي قلتي ليا ... رحت لدكتوره سامية واضح أنها أنسانه خلوقه انشرح صدري لها وشرحت لها الوضع قالت طيب خذي هذه الورقه سجلي اسمك ورقمك الجامعي ،، وقولي لصحباتك وعلى اساس اسمائكم ممكن نفتح لكم كلاس ونكلم لكم مركز اللغة ،، سجلت اسمي وتمنيت وقتها اكون عارفه اسمائكم كلكم واكتبها ،،

وبعدها رحت لمركز اللغه وكلمت المسئوله عن الدروات وقالت احنا مره مضغوطين هذا الترم مع السنة التحضيري وما نقدر نلحق بس بإذن الله في الفصل الثاني ،، وطلبتها أن بس كلاس حاولوا وشرحت لها الوضع ونفس الكلام عدته لها هههههه معاناه عندي// وقلت لها نثق فيكم ومره انبسطتت ومانبي الا دراستكم من بين المعاهد كلها ووو بعدها قلت ياليت اقدر بس على خير نشوف وبصراحه وأنا أكلمها عيني شبه دمعت /: ...بس مسكت حالي ولاحظتها حست فيني ويارب تستشعر بالعبرة اللي عبرت مني (:

هذا موجز فيما يخص الانجليزي

أما ما يخص المواد التكميلي وهو
أن جميع بنات دراسات طفولة مرشدتهم دكتورة ساما في الدور الثالث مكتبها في الغرف اللي على يدك اليمين وأنت طالعه > بذمة توصف (:
المهم قالت تدرسين المواد التكميلي هذا الترم لو أنك عندك شرط اللغة وتأجيل دراسة
وطلبت كشف الدرجات عشان تشوف المواد وتطلع لي جدول بس ما جبته على بالي أنهم ما يحتاجونه وبعدين قالت لي عادي تعالي بكره يعني اليوم الاحد ومعاك الكشف ،، قلتلها طيب التكميلي بالنسبة للي تخصصهم في بكالريوس دراسات طفولة بس من جامعة ثانيه عشان صحبتي في ام القرى / (تفاؤل وأمل) (:
قالت تجيب كشف درجاتها وتجيني اشوف واحتمال مواد قليله عليها
وسألتها اخر شي متى نبدأ نداوم دراسة قالت الاسبوع الجاي بإذن الله

المهم يابنااات أدعولي لأني من رجعت الجامعة والصخونه والصداع ذابحبني شكلي مع حر الشمس والارهاق ،، كنت بكتب لكم من قبل بس ما قدرت مرررره حالي حال وذحين بالكمدات اكتب لكم وخافضه نور الجهاز (:

واذا قمت بصحتي اروح اليوم أو بكرة اسلمهم كشف الدرجات عشان يسون لي جدول


بالتوفيق يارب ادعووولي تكفون

[شطورة]

بنات دراسات طفولة اللي تبي الدورة معاي من الجامعة
ترسل لي على الخاص اسمها والرقم الجامعي

شكلي اروح لهم بكرة الاثنين عشان استرد صحتي يارب
وعشان أعطيكم فرصة ترسلولي ونجمعها لهم

وبالتوفيق

[تفاؤل وأمل]

يا حياتي يا شطورة سلامات عليك
ولا بأس طهورة أن شاء الله

والله ماني عارفه كيف أجازيك على تعبك يا الغلا
لكني تركت جزاءك لله فهو الكريم سبحانه
>>مصدومة من الفرحة

بإذن الله بكرة أقابلك بالجامعة