تخطيطك لليلة العمر ؟ ^_^

[واقعية]

المشاركة الأصلية كتبت بواسطة دارس1431 ثانياً العروسة ماتجي الحفل ابداً من بيت ابوها الى بيت زوجها ^^

غريبة ماقد سمعت بكده بس تصدق هالفكرة حلوة و تروق لناس كثير

لان تجهيزات الفرح للعروسة وربي شغلااااااانة

وحدة من صديقاتي مسكينة لين يوم زواجها بالعصر وهي بالاسواق وكله على الورد والمسكة وتضييق الفستان ومدري ايه

هادي كلها مظاهر كدابة

اهم شي الالفة والتوافق بين الطرفين

[ولد الجهراء .....]

السلام عليكم ورحمة الله وبركاته ...

دارس يكتب الموضوع ومانكشف الاوراق مايصير هههههههه


بصراحه بما أني أعتبركم كعائله لي بصدق بقولكم

أنا باأختصار سوي اللي ماسواه احد بعرس لاني صاحب تجربه سابقه

والأن أنا أب لبنت وحيده بلا زوجه << مايحتاج أفسر افهموا

انا في عرسي السابق

كانوا جميع مشايخ الدين والألأف من اصدقائي حاضرين العرس

وكانت هناك كلمه لرئيس جمعية أحياء التراث بالجهراء الشيخ فرحان عبيد الشمري

عن دخول الرجال لقاعة النساء والعادات اللي طاحوا فيها المسلمين من الغرب

وكانت في مسابقه دينيه بها جواءز واذكر اللي فازوا بالمسابقه شياب هههههههه

وكانت فيه قصيدتين مدح لي عن امور هي اساسا فيني لانه مايصير يمدحني بشي

ليس من صفاتي عروسنا بالكويت بالنسبه للرجال ينتهي العرس عالساعه تقريبا 10 ونص او11 بالكثير

النساء 12 العرس خااااااااالص أبداااااااااااااا ماعندنا أعراس للفجر اولبعد الساعه 1

وطبعااااا العشا لحاله كلفني الشي الكثييير وأخذت عمره بعد العرس ورحت لجده والطائف

رجعنا الكويت وسافرنا لدوله اخرى .




كيف تريدها او كيف تتمناها ؟؟

أريدها جميله خلوقه أصيله خايف ربها مخلصه متعلمه محتشمه

تحضيرات بسيطة وحفلة متواضعة ؟؟

بصراحه أن وجدتها بيكون العرس حفله بسيطه يضم أصدقائ الخاصين على عشاء

وبالنسبه للنساء خالاتي وصديقات اهلي الخاصين طبعا مافيه شي غير اسلامي

وبعدها أجي بالسياره ويطلعون لي العروس وعلى أحلى فندق ليله فقط وثاني يوم

شهر عسل لأحدى الدول الجميله اللي فيها طبيعه وإذا رجعنا أهلي بيسون للعروس

حفلة استقبال بالبيت بسيطه .

بهرجة وحفل كبير ؟

أبداااااا ماأفكر بالبهرجه

ماهي العادة والتقليد الذي تتمنى او لاتريد تطبيقة في زواجك ؟

لايوجد عاده معينه وكل شي حرام أكيد إن شاءلله ماراح يكون موجود

بكل بساطة ماهو تخطيطك لليلة العمر تحدث عن كل شي تريدة

لا هنيه شكلك بتخلينا نجيب العيد هههههه

تخطيطي وبكل صراحه , طبعا بعد مانتكلم ونسولف بالفندق ناوي بأذن الله

أخذهاااا ونطلع من الفندق ونسهر على الشاطئ نتكلم إلى الفجر وبعدها

نرجع للفندق وننام

وسلامتك وصح لساني ههههه


يعطيك العافيه على الموضوع الجميل

[ولد الجهراء .....]

المشاركة الأصلية كتبت بواسطة واقعية غريبة ماقد سمعت بكده بس تصدق هالفكرة حلوة و تروق لناس كثير لان تجهيزات الفرح للعروسة وربي شغلااااااانة وحدة من صديقاتي مسكينة لين يوم زواجها بالعصر وهي بالاسواق وكله على الورد والمسكة وتضييق الفستان ومدري ايه هادي كلها مظاهر كدابة اهم شي الالفة والتوافق بين الطرفين

تصير عندناااااا بالكويت

مايدخل لا المعرس والا العروس القاعه حرصاااااا عن امور كثيييره

[girl.k.s.a]

المشاركة الأصلية كتبت بواسطة دارس1431 هلا بختي girl.k.s.a ^^ ماشاء الله تخطيط جميل ^^ واهم شي انة اسلامي مثل ماقلتي ^^ الف شكر على مرورك الكريم ياختي كل كلامك استمتعت في قرائتة ^^ اسأل الله ان يرزقك الزوج الصالح يارب ^^

هلا بك أخوي دآرس ,,
ولو إنو الكتير من الأهل رآح يعترض على الإسلامي
بس الفرح فرحي وإن شآء الله يصير بكيفي
اللهم آمييييييين والجميع يآآآآآآآآآآآآآرب
وجميلة عآدتكم إنو العريس يتعشى مع عروستو
في هآدآ اليوم تموت البنت من الجوع لأنها مآرآح تآكل شي
ههههههههههههههههههه
على الأقل لو بتروح القآعة تقدر تآكل
هههههههه < مو مهم الأكل هع

يعطيك العافيه خيووو ..

[سنفورة موت]

سلام عليكم

صراحه اول مراه اشوف وليا الشرف ارد عليه

انا بالنسبه لسا زواج مافكر فيه لين ماكون اخصائيه تربيه خاصه (صعوبات تعلم)
تعرف ليش لان انا حلمي اني اكون مثل لولادي واللي ياخذني يكون عارف وجهه ناظري بس عارفه مع ابويا مستحيل على قوله اللي يطق الباب وانتي مخلصتي حتى بعطيك اياه انا مو مقتنعه بالفكره ابدا بس اللي حزني مرا ابويا قال يابتني ترى انا عمري كبير وخايف عليك انتي وخواتك واخوانكم ماراح يكونوا احن مني عليكم وانا ابى الستر يابنيتي
قعدت ابكي مستحيل يعني وخرابيط عاد حركات البنات

..احنا عندنا عاد الغداء والعشاء للي يجون من خارج جده وديرتنا ماشاءالله الناس تعد ولا تحصى بعض الاحيان يخربوها يحطوا فطور
احنا عندنا مهر البنت مايقل عن 30 الف ولازم الرضوه لام البنت عاد شي اساسي والبنت عندنا فلوسها ماتلمس مستحيل من يد وزجها ليد ابوها ليدها او اذا كانت صغيره للبنك الله يخليلي عقل ابويا

واهم شي زواجي يكون كل حبايبي فيه صحباتني استاداتي يكون خالي من الغرور لانو قسم الغرور في الزواجات رافع ضغطي ...
وكمان زوجاتنا ماتتعدى عند الرجال الى 12 مره 1 بس احنا يالحريم امكن صارت 2 ونص 3 اذا مره مرا
والناس تتعشى وتروح لانو الرجال برا مولعين وانا بس اعطي اخويا بيزي لانه وقت زوفه العروسه والحمدالله ماعندنا رجال يدخل على العروسه الا امكن بالتصوير بس فيه بعضهم حتى تصوير مايصورون ....

اخيرا :الله يرزقك ببنت الحلال الله تسعدك وترضى ربها وترضيك

اسفه اني طولت بس كان لي نفس للكتابه ^^