مين بيروح معايا يوم السبت نراجع اوراق اختباراتنا ؟

[خــ لووودي]

صراحه انا احس اني حليت أكتر من الدرجه اللي حطووها ليا بس الله يستر باقي الزفت رياضيات تطلع درجتو
وليش حددو يوم واحد يعني بذكاء بذكاء حيقدور بقوتهم الخارقه يستجيبو لكل طالبات الانتساب
الموضوع فيه تلاعب كالعاده زي المكرمه الملكيه واظن انو أسوأ :[ حسبي الله
اشوف انو أحسن لو نسأل من بدري دولا يمرمطوونا على حساب مستقبلنا

[بنت آبوهآ]

مشكلتنآ آحنآ يآلبنآت بصلتنآ محروقه

دآم آنهم حددو يوم للمرآجعه 30/7 خلآص مآيحتآج نروح قبل

[قمر القمر]

المهم اسالوا عن الانجليزي وشوف اش يقولون لكم تكفون اللى تروح ترسل لى ماعاد اتحمل تكفون خصوصا سالفه التوقيع اللى موقعه على الورق المراقبه مايضر؟؟؟؟؟؟؟ اسالوا واعطونى خبر لنو انا مو بجده....

[صافي]

يابنات انا كتبت اسم الشعبة في العربي غلط يمكن عشان كدة علامتي واطيييه

[منتهى الطيبه]

ونااااااااااا بعد بروح اراجع الحاااسب
بس خلونا نتفق على تاايم محدد مااينفع كذا كل وحده لوحدهاا

[صافي]

احد يجاوبنييي

[ملاذ النور]

الشعبه ماتضر اهم شي انك تكتبي رقمك الجامعي

هذا ماقالته لنا المراقبه في احد المواد

[أمواج بحرالغربية]

ياحبايب قلبي انا باانقلكم ماسمعته من صديقتي

تقول انها سمعت بالراديو انو اللي بيروحون يراجعوا اوراقهم حتى لو ناجحين راح يرسبووهم
مالكم الا غير الدعاء على هؤلاء الظلمة
وربي يعوضكن خير
اصلا من ردود البنات عرفت انو شغلتهم كلها تصريف بتصريف
الله يعين

[خــ لووودي]

صديقاتي المتغربلات في جامعة عزوز مثلي ....
عندي لكم خبر سار ومفرح ومبهج ومبكي ومحزن ومحطم للآمآل....
حكاية تراجعي يوم 30\7 فلنفرض انه ...
يوم ..
رسمي ..
يخلو من التصريفات ...
ومن رمي الحجج على المكتب التصحيح الى الدكتور\ره...
بغض النظر عن كل ذالك ....
ذهبت انا واختي وصديقه لي للسؤال عن متى .. وكيف .. وأشلون حتخلونا نراجع أوراقنا المصون
دخلنا عند مبنى 8 مبنى الاداب للسؤال عن المواد الادبيه ومادة مهارات الاتصال..
حولونا لغرفة التصحيح مباشره والتي تقع بالدور الثاني ....
النتيجه:
فتحت الموظفه الباب ..
قلنا ممكن نراجع اوراق الاختبار ..؟
أشرت على ورقه ملصقه بالباب وكانت حتقفل ...>>ركزوا حتقفل في وشنا !!! :@
قالت اختي دقيقه ممكن تعلميني صيغة المراجعه يعني اشلون وكيف واين ومتى
قالت:
حعطيكم برنت..
البرنت فيه جدول الجدول فيه خانتين ...
الخانه الاولى اختياراتك انتي ...
التانيه الاختيار الصحيح...
قلنالها طيب نبغى برنت من ورقة الاختبار ...
قالت :
أنا!
حفتح الارشيف ..
لكل طالبه تيجي .. واعطيها ورقتها ؟
لالا كدا طريقه اسرع ونفس الشي ما فرقت

وانتهى الحوار...
المقيت...
قولولي انو مافي احتمال لو 1\4% انو يكوؤوؤون في تلاعب ياناس كفاايه ظلم انا اتعب واذاكر واحفظ الكتب كأنها كتاب حياتي يا عين على درجات شختك بختك
حسسبي الله عليهم هما وقسم الانجليزي اللي كل ما تجيلها تقولك come after 1 hour
ايش نسوي نموت نفسنا نحرق انفسنا علشان يعطونا الدرجات صح
والله كل ما استمر الظلم ربي حينزل علينا سيل و 2 و3 من الناس الظالمه دي

[هيوووف2]

تدرون انا عن نفسي مانجحوني ولا ماده وبصراحه شكلي تعبت وبصراحه مالي حيييل للمشوار وانا من خارج جده ونفسي انزل الجامعه بس الله اعلم انزل او لا

ودرجاتي كلها هابطه وماادري هم صححو ورقتي ولا لا ومافيني حيييل اضرب مشوار

وياليت اللي عندها روووح رياضيه تراجعلي اوراقي معاها وتردلي خبر عالخاص او اني انسحب

حسبي الله عليهم بس