للي نجحو في الفيزياء ادخلو شويات

[ابتسامة الزهر]

أول شي السلام عليكم ورحمة الله وبركاته
شوفي يا سكر
الفيزيا كانت نوعا ما معقدة في الثنوي
لكن في الجامعة ترا مبسطينها مرة لأنهم معتبرين هاذي السنة عامة يعني كبداية لكل التخصصات (إحصاء رياضيات فني ديكور وادارة واقتصاد وووووالخ )
تاني شي
لازم تحضري المحاضرات
سواء استاذتك تفهم ولا ما تفهم
بصراحة أستاذتي البنات يقولوا إنهم ما يفهموا منها ويروحوا عند سناء ووجود
بس بصراحة أنا ضليت مع استاذتي
حاولي تتجنبي الكلام السلبي والسام من اللي حوالينك
هذا واحد
اتنين خدي بكل الاحتياطات
يعني لا مانع انك تزودي فهمك بالملخصات ... الملخصات تديكي أفكار يعني لازم تحضري ... عشان يكون عندك خلفية من الأساس وتكوني على بينة ... وبعدها تنتقلي للملخصات
حاولي انك تمسكي الفيزيا قبل الاختبارات تتطلعي على المنهج وبعدها تذاكريه
أنا أعترف انو الناس قدرات ناس تفهم من أول مرة وناس تفهم من تاني مرة وناس من ثالت مرة وناس من عاشر مرة
فعادي لو ذاكرتي المادة أكثر من مرة
مدري كم مرة زاكرت الفيزيا بس صراحة تعبتني ... والحمد لله أولا وأخيرا درجتي مرضية تماااما فوق ما أحلم حتى ...
وزي ما قالوا البنوتات نماذج أسألة مرررررة مهمة ترا
وانا أنصحك نصيحة لوجه الله أحضري لوحدة مشهورة ومعروفة عند الكل زي سناء أباظة مثلا في السليمانية
وأحضري مراجعتها لطالباتها قبل الاختبار ترا تشكل فارق وانتي منتي حاسة


شفتي كلامي دا كلو ما يسوى شي لو إنتي ما بدأتي بداية صح ,,,,
كيف أبدأ بداية صح !!
إنك تخلصي عملك دا لله ... مررررة النقطة دي مهمة والله
تاني شي لمن تجي تدخلي الاختبار اتوكلي على الله توكل العبد الضعيف
يعني لا تعتمدي على مزاكرتك لأني مرة جربت أعتمد على مزاكرتي انخسفت بصراحة ..

لكن كان درس ليا الحمد لله ...
وأدعي من قللللللبك ترا الدعاء يغير القدر وخلي أمك تدعيلك وأبوك كمان


وأخيرا وليس آخرا ....
(( أبدا لا تتحطمي... لأنو ترا العظماء يبدؤوا حياتهم بإخفاقات ... بس أهم شي إنهم ما استسلموا لها ... مثلا توماس أديسون قبل ما يخترع المصباح أجرى فوق 1000 تجربة تقريبا وما نجحت ... لكن في النهاية نجح وسُجل اسمه في التاريخ ))

وموفقة يا قلبي وإن شا الله لك نصيب من الدعاء في ظهر الغيب

[ساعدوني رايكم يهمني]

جزاكم الله خير
افدتوني...
الله يوفقنا اجمعين

[SoOoma~]

بالنسبه للملخص .. اششررف بركاات مررا كوييس.. كنت اذذااكر منو وماا ارجع للكتاب ..
وفي ملخص ثااني بس ذااكرت منوو شابتر 9 كان مررا مرتب اتوقع انو لزويل

والاستاذاات .. صرااحه استاذة وجود كنت افهم منهاا .. وفي بنات كثير حولو عندهاا
بس كماان يمدحوو سنااء اباضه ..
انتي شووفي الاغلبيه ايش يقولو ..
وفي النهاايه شوفي نمااذج .. وحليهاا ..
ونصيحتي .. لاترراكمي على نفسك ..
وذااكري اول بأول ..
الله يوفقك ياا رب ..

[Majed7]

أختي خذي نصيحتيـ ..

ذاكري من ملخص أشرف بركات .. وبعدها ذاكري من ملخص طلعت سالم ( لانه يحل البروبليمز وخرابيط الكتاب ) .. وبعدها أولد إكزامز :)

كذا أقولك مبروك الفل مارك ^_^

[محمد1412]

اشرف بركات وباذن الله a+

[دلــوعـة أمـهـا]

شوفي ياعسل أولا الكتاااب وأي شي مكتوب في مرربع كده أصفر مهم إقريه وثانيا ملخصات أشرف بركات والسكشن وبس *-^

[No_0ne]

يختلف من شخص لشخص...
و الردود خير دليل...
فا انتي شوفي اش الاسلوب الي يناسبك و امشي عليه سواء بالملخصات او الكتاب ...
و بالتووووووووووفيق و ان شاء الله تاخذي a+ فيها ...

[hadeel a]

السلام عليكم
انا ما احس الفيزياء يعتمد كتير على استازتيك بالجامعه يعني طبعن لو كانت الاستازه كويسه مرررررررره حيكون احسن و حتوفر عليكي كتير من الوقت و التعب بس لو ما كانت كويسه انتي تقدري تعوضي و الفيزيا يعتمد اكتر شي على الفهم مو على المداكره يعني لو كنت مرره فاهمه و ما قدرتي تداكري يوم الاختبار ما راح تكون مشكلة بس لو جلستي تداكري ساعات و ما فهمتي هنا هي المشكلة انا منت اداكر من الكتاب و احل السكشن و مررره مهم انك تحلي نمادج اختبارات كتير ((يعني اهم من السكشن)) و ممكن لو ما حسيتي نفسيك فاهمه تراجعي من اشرف بركات
و إن شاء الله ربنايوفقيك و تنجحي باعلي الدرجات

[n.m.r]

الكتاب نهائيا ما فتحته كنت اذاكر من ملخصات يوسف زويل ونماذج الاختبارات السابقة مره مهمه والحمدلله جبت درجه حلوه
وبالتوفيق يارب

[Dr.Dode]

الحمدلله إني احب المادة هذي وجبت فيها درجة حلوة كنت متوقعة أكثر بس الحمدلله
أنا مو من النوع إللي أذاكر أول بأول بس اركز في المحاضرة وبعض أحيان أفوت ههههه على حسب
كنت عند استاذة وجود ديري ، وأذاكر من الكتاب بس مو كل شي ولا أفتح السكشن إلا كم سؤال بس يعني إذا قالوا مرررررررررة مهم وأعتمدت كثير على ملخص أشرف بركات مررررررررررة أفادني الحمدلله
وكنت اطلع على نموذج إختبار السنة إللي فاتت وكان يجي منو في الإختبار كثير
الله يوفقك ويسهل أمورك يارب ويخليلك الفيزياء زي شربة المويه
ويسهل للتحضيري كلهم