أهم النقاط في الانقلش المتقدم ..

[بآسكن روبنز]

السلام عليكم ورحمة الله وبركاته

ادري اني جيت بدري ..

بس ندخل في التفاصيل على طول

س/ الاستاذه قالت انو الاختبار ماراح يكون موحد وان كل استاذ راح يكتب اسئله لـ طلابه | نفس نظام السمستر الي فات ~> هل هذا الكلام صحيح ولا قالت لنا كدا عشان ما نمرر الاسئله لأحد

الشي الثاني .. اهم ما اشارت اليه د/ سحر في المراجعه

يونت 7

اهم ماجاء في اليونت / استخدام الـ have to - should - can - must نعرف معانيها وفي اي سياق تستخدم

اشارات في صفحه 35 على كيفية استخدامها في اللوحات الارشاديه ~> عن نفسي ما اتوقع انها راح تجيب لنا صور لوحات وتسئل عن معناها

تمرين رقم 2 في نفس الصفحه ~> قالت لنا ممكن يجيكم زي دا التمرين / الاشياء الي لازم تكون في بالنا لما نبغى نبيع لـ ما وراء البحار

صفحه 36 قالت اعرفو كيف تستخدمو لغة الهاتف
صفحه 37 البوكس الاخضر المعوق .. مفيد في الفوكابلري

تمرين رقم 1 النوت الاصفر .. كيف تسئل عن طلبك و تقدم التفاصيل الخاصه بـ الطلب و تعرض المشكله


يونت 8

نعرف وسائل الاعلانات ~> اسمائها واهم مايميزها عن غيرها

صفحه 39 الجانب الايمن من الصفحه حطوها في الاعتبار خصوصاً الجزء العلوي

صفحه 40 .. السبب و المسبب .. اكدت على قراءة سنغافورة ايرلاينز عشان نتدرب على قراءة السبب و المسبب

صفحه 41 تمرين 5 الكلمات الي في البوكس

تمرين رقم 1 على يمين الصفحه البوكس الموف تقنيات الاعلانات

يونت 9
صفحه 43 قرامر ورك شوب ~> تباً للقرامر مابحبوش

الجزء الايمن من الصفحه .. لا تنسو day نستخدم معها on و time نستخدم معها at

وكيف تعمل موعد عمل ~> بس ما اتوقع يجي في الرايتنق لانها قالت ان الرايتنق راح يكون برقراف مش محادثه

بس ممكن تجي محادثه و نرتبها

صفحه 44 قرامر ورك شوب 2 ~> تباً للقرامر مابحبوش

صفحه 45 البوكس الاول على يمين الصفحه ~> يبسط هرجة القرامر الي مابحبهاش

يونت 10
عندكم صفحه 46 الفوكابلري .. لازم تعرفو معاني الكلمات الي في البوكس على يسار الصفحه

و كمان تمرين 3 و 4 يفيد في الفوكابلري و الكولِكيشن ~> ما احبها ذي بعد
<~ ليش تدرسي طيب


صفحه 49 يمين الصفحه سويب كارد و pin

هـ اليونت تمارينه ماتأهل انها تجي في الاختبار

يونت 11
صفحه 50 الفاسيليتي الي في البوكس على يسار الصفحه .. خذو عنها فكرة

و صفحه 51 التمرين الاول تعريف المؤتمر ... الخ

و لازم تعرفو كيف تقارنو بين 2 و بين 3 و اكتر

و الفوكابلري على يسار الصفحه بس ما اكدت عليه كثير

صفحه 52 ~> الاسئله و الاجوبه في تمرين 1 و كل سؤال وين ممكن ينسئل ع التليفون ولا عند الاستقبال ... الخ

يونت 12 .. يشرح المقارنه بشكل اوضح

و ايش هي الحالات الي ممكن تخلينا نطلع من المكتب

صفحه 55 اخر شي ع اليمين .. ممكن يجي رايتنق ~> الاجازه الي تفضلها

صفحه 56 الجزء السفلي من الصفحه / الكلمات المائله ومعانيها


اخر شي .. الرايتنق راح يكون من مواضيع الكتاب

اما الريدينق راح يكون من خارج الكتاب

الزبده من موضوعي / احد يجاوب على السؤال الي سبق القرقر الكثير

و اذا احد عندو فكرة عن الرايتنق لا يبخل علينا


واتمنى للجميع التوفيق



اضافة 1 :

الرايتنق اتحدد عند كلاس واحد من الشباب عن افضل وسيله لعمل اعلانات عن منتجات شركتك

على ذمة الراوي "قوربتشوف"

اضافه 2

المشاركة الأصلية كتبت بواسطة مجهول الهوية 007 الرايتنق عطانا مثالين نتمرن عليها الاول : اذكر افضل وسلية للسفر مع ذكر الاسباب ؟؟ الثاني ||: لديك مشروع صغير وتبغى تسوي اعلانات وش الافكار اللي ممكن تسويها بدون ما تخسر مبالغ هائلة \؟

على ذمة الراوي

.