مافي مواد حرة الا الراي العام و فن الاقناع فقط ... ياعمي الخير واجد(نقاش عام)

[مستشفى]

المشاركة الأصلية كتبت بواسطة فهد العنزان كل شيء أبي أرسل لك يخص مستشفى رقم الجوال ورقم العمل ووصف الاستراحة وو البريد الإلكتروني

تمون يالسمي افااااااا عليك
حنا يالله يقدر وارد من جمايلك اللي مغرقتنا خصوصي اخوك الصغير

[مستشفى]

المشاركة الأصلية كتبت بواسطة ممدوح حائل ياهلا وغلا بابو فيصل ،، والله اني قبل شوي ابي احط رد واقول وش مسهرك ،، عسى ما عندكم شبات مثل بعض الناس اللي انت خابر ( ما غير شحط بلوت ) وبعدين شفت أنك مو متواجد قلت لا خلاص نام ابو فيصل ياحبيبي وبعد حيي هالخشم يابو فيصل دايم سباق ياباشا ،، وحلوة سالفة إذا عدت أمورك هذا الترم فعلاً أحس ان الوضع فيه صعوبة وشكلي بسحب على أبو س ل و ى بتاع الاقتصاد الجزئي ،، واللي غيرها الله يعين على الحفظ ،،،

اوووووووووووو كل شئ وابو سلوى
هذا مدرسني محاسبة 101 و اصعب المواد(على قولة الشباب ) بحوث وعمليات
وش تبي خوي ارسلت له ابو سلوى قبل الاختبار بيومين ما ذاااااكر شئ ميح يومين على ساعتين ساعتين شرح المنهج كامل الحمد الله عداااااه
بس ابو سلوى عيبه الوحيد وقلت لها انه يبداء بشرح بدري يعنى قبل الاختبارات بشهر وعليها اذا ماخاب ظني يبداء بحقين القصيم و الرياض ثم حائل ( يحب الديره واهلها هو) ثم يواعدك قبل الاختبار او يراجع لك قبل الاختبار ( بس الله يعينك على زحمة) بس للامانة ناس اعرفهم متخرجين و يذكرونه بالخير
ميزته ماشاء الله يعطيك الزبدة و يشرحها لك كتابية خطوة خطوة
لاقبلته قله شعتور و ابو راكان يسلمون عليك( ربعي الاثنين هذولا اخذوا محاسبة حكومية و طلع ابو سلوى الشيب في روسهم ترا ااا ابو سلوى كوميدي بشكل خيالي و جدي في نفس الوقت )
اهم شئ اذا تحجز بدري معه وتاخذا حصص بشكل مرتب و كلمه قبل الا يجي حائل ترا ربعه واجد وممكن تنزنق ماتحصل وقت فاضي معه ابداء بدري عشان تخلص بدري و تستفيد في المراجعة معه
دعواتك

[مستشفى]

هل هناك جديد
ولا ربع اجازااات

[ولد ملهم]

انصحك السيره النبويه

[خالد الحمراني]

المشاركة الأصلية كتبت بواسطة ثامر البراق مثل هذه المواد تعتبر مساعده بحيث أن الطالب يختار الماده التي تناسبه ولكن نحن نركز على مادتي الرأي العام وفن الاقناع لأن الكثير من الطلاب ينصحون بها وإلا فالمواد الحره كثيره أنا أرى مادة ( مدخل إلى وسائل الإعلام ) com201 من المواد السهله .. وهي إلى الآن لم تسجل في قائمة الشعب عوافي مستشفى على الموضوع دمت بخير

اخي العزيز ليش هالماده مااضافو شعبه لها مع العلم انها موجوده بالحذف والاضافه وهل ممكن يتم اضافتها هالترم
القهر اني شريت الكتاب وذاكرته وخلصت منه

[ممدوح حائل]

المشاركة الأصلية كتبت بواسطة مستشفى اوووووووووووو كل شئ وابو سلوى هذا مدرسني محاسبة 101 و اصعب المواد(على قولة الشباب ) بحوث وعمليات وش تبي خوي ارسلت له ابو سلوى قبل الاختبار بيومين ما ذاااااكر شئ ميح يومين على ساعتين ساعتين شرح المنهج كامل الحمد الله عداااااه بس ابو سلوى عيبه الوحيد وقلت لها انه يبداء بشرح بدري يعنى قبل الاختبارات بشهر وعليها اذا ماخاب ظني يبداء بحقين القصيم و الرياض ثم حائل ( يحب الديره واهلها هو) ثم يواعدك قبل الاختبار او يراجع لك قبل الاختبار ( بس الله يعينك على زحمة) بس للامانة ناس اعرفهم متخرجين و يذكرونه بالخير ميزته ماشاء الله يعطيك الزبدة و يشرحها لك كتابية خطوة خطوة لاقبلته قله شعتور و ابو راكان يسلمون عليك( ربعي الاثنين هذولا اخذوا محاسبة حكومية و طلع ابو سلوى الشيب في روسهم ترا ااا ابو سلوى كوميدي بشكل خيالي و جدي في نفس الوقت ) اهم شئ اذا تحجز بدري معه وتاخذا حصص بشكل مرتب و كلمه قبل الا يجي حائل ترا ربعه واجد وممكن تنزنق ماتحصل وقت فاضي معه ابداء بدري عشان تخلص بدري و تستفيد في المراجعة معه دعواتك

أهليييييين أخوي فهد ،،،،
ابو سلوى ( الوحش ) إذا هو نفسه المقصود ،،
طبعا هو يعطي دروس في المحاسبة 101 والمحاسبة الحكومية وبحوث العمليات والاقتصاد الجزئي والاقتصاد الكلي والرياضيات والاحصاء ،،،، الخ ( بتاع كله )

انا لي تجربتين معاه الأولى في المحاسبة الحكومية وأخذته قبل الزحمة وكان يعطيني الدروس على الرايق وصراحة كان جدا كويس ،،، وصراحة طلعت من الاختبار وانا ضامن ان درجتي فوق التسعين وحصلتها في بحر الستين ،، وللأمانه الإشكالية مو مني ولا من ابو سلوى الاشكالية من الجامعة وقدمت اعتراض وانتظر النتيجة ،،،
التجربة الثانية في الاقتصاد الجزئي درست معاه في عز زحمته ولا كنت مقتنع لا بالشرح ولا في فهمي المادة وفي الاختبار جبت العيد وحسيت ان الامور مش ولا بد ،، والحين متردد أخذها مع مدرس أو خلاص نذاكر على فهمنا أول مع التركيز على بعض النقاط اللي مش واضحة ،،،

[ضيدان]

<----- متابع بصمت! وينتظر فرصة للإنقضاض والتخرج إن شاء الله


شكرا مستشفى على هالموضوع

وبإنتظار أي جديد

[فهد العنزان]

المشاركة الأصلية كتبت بواسطة ضيدان <----- متابع بصمت! وينتظر فرصة للإنقضاض والتخرج إن شاء الله شكرا مستشفى على هالموضوع وبإنتظار أي جديد

صمتك طوووووووول بوفيصل

[Tallness man]

تسمحون لي أكون موجود معاكم انا مع الاخ شانزليزيه


و الله الشباب عندي علم اجتماع اخذو مادة قراءة أجتماعية باللغة الانجليزية على ما أعتقد كان الدكتور اسمه كتبخانه

و الكل جاب ( فل مارك ) اقل واحد من مجموع اربعة كان 92 المادة جداً سهله مع العلم ان متطلبها انجليزي 101

يعني اذا الشباب تتفق عليها نأخذها جداً المادة سهله على فكرة الي يبيها مو شرط يكون ملم باللغة الانجليزية 100% لانها مره سهله اذا كان الدكتور كويس .


المهم شوف لنا مواد ننزلها والله اني متوهق ومدري الترم هذا كيف نعديه بخير .

الاخ خالد الحمراني اذا تبي تضيف مادة مو موجودة بالحذف والاضافة اما انك تراجع الشؤون التعليمة بالجامعة .

ولا ترسل معاملة الالكترونية وان شاء الله بيضيفونها لك .

[شانزليزيه]

اخوي غاوي دراسه كاني فهمت منه ان مايمدينا نضيف من قسم الاعلام الا 3 مواد فقط لاغير وحددها بموضوعه

والله مدري وش الحل يالربع