موقف صدمني ...

[طالب طب في المستقبل]

بسم الله الرحمن الرحيم

البارحة تفارقت مع شخص عزيز ومسحته من جميع حساباتي ... مع السلامة ياخوي ما هقيت الرجولة والأخوة تشتريها بنت ..!!

قصتي مع خوي تعرفت عليه من الشبكة العنكبوتيه ... حسبته رجل كباقي الرجال .. ولكن يال الآسف على رجال تشتري كملتهم بنات ... صحيح في هذه الدنيا مواقف عجيبه يتعلم منها الفرد في حياته .. وزي مانقول بالعاميه "كل دقة بتعليمة "

لكن العجب وكل العجب من خوي لي كان عزيز .. ويوم جاني يقول "أنا ما أقدر استمر معاك كصديق لأن آهلي معارضين أن تكون صديقي ...

وفي هذه اللحظة اكتشفت ماذا تعني كلمة "صدمة" ...
زي ماقلت لكم أنا ما أعرفه إلا عن طريق الشبكة العنكبوتيه .. ولا أعرف عنه أي شي يخص أهله ولا أهله يعرفون أهلي ... اللي اقصده أن مايعرف كيف يوصل عذره ليش يبغى ينهي علاقته معي .. في هذه اللحظة متأكد من يقرأ موضوعي يتسأل وش كانت ردت فعلي .((طبعا أول مره انصدم بهذه الطريقة )) .. على طول طلبت رقم جواله عشان اعرف أتفاهم معاه زين .. وأتت ردة فعله التي زادت صدمتي .. قال لي بالحرف الواحد : "لاتحرجني مع آهلي " وآآآآسفاه على هذه النوعية من الرجال ..
وبكل صراحة مافكرت فيه دام معدنه رخيص وأنا اعرف زين ليش تركني ... يله هذي الحياة والحياة مدرسة نتعلم منها ونأخذ منها الصالح والطالح ...

شـــكــــرًا لك لانك علمتني نوع آخر يطلق عليهم رجال ..

وهذه ابيات شعريه لحامد زيد ملائمة لموقفي هذا :

لابارك الله في صديق تزعله كلمة عتاب
ولاجمع الله الرجال اللي تفرقهم مرهـ

الصاحب اللي مايجي من صحبته غير العذاب
نذرًا علي ان ما هجرني وإلا أنا اللي بهجره

من يفتح لفرقاي باب افكـ له عشرين باب
وإذا صديقي ما يقدر خوتي ما أقدره ..

وفي الختام حبيت انقل قصتي للكل عشان لا تغتر بالأسلوب والمظهر ..فكل واحد أمامه حروف الهجاء يستطيع يتفنن في صياغة الـــكــــذب والـــخـــــداع ....

"محبك اللي كان يغليك "
Dr.D7oomi