الــجـامــعــة والإعفاء .. الى مــتـــى ؟

[Tamim]

هلا والله فايز ، حمد لله على السلامه ...

انا وجهة نظري في الموضوع انه المفروض الانتساب المدفوع يكون خاص للموظفيين ، يعني الشباب والبنات العاطليين عن العمل وماعندهم وظايف وماقدروا يسجلون انتظام بالجامعه فلابد انهم يعفون من الرسوم سواء كان عندهم ظروف اسريه وماليه صعبه ام لان هذه جامعه حكوميه وليست اهليه ...

بالنسبه للموظفيين اللي عنده ديون او مشاكل ماليه ويثبت انه غير قادر على دفع الرسوم لاي سبب يقدم عذره للجامعه حسب النظام المتبع حاليآ ...

اللي حاصل حاليآ مثل ما قلت اخوي فايز هو العكس تقريبآ لان الموظفيين دبروا انفسهم و قدموا اعذار للجامعه وبعضها غير صحيح واعفوا من الرسوم ، وانا اعرف شباب وضعهم المادي مرتاح ومع ذلك عندهم اعفاء من الرسوم ، اما الشباب والبنات خاصة اللي ماعندهم وظايف وحالة اسرهم عاديه او سيئه ماعرفوا كيف يثبتون انهم غير قادرين ماديآ على دفع الرسوم وللاسف اظطروا يتحملون تكاليف الجامعه ترم بعد ترم ...

الحل يكون من بداية التسجيل في الجامعه بحيث ان الطالب او الطالبه اللي ماعنده دخل مادي خاص به يطلب اعفاء من الرسوم بشكل دائم ، والجامعه تتاكد من وضعه من خلال الاتصال بالجهات المعنيه للتاكد من عدوم وجود اسمه ظمن قوائم الموظفين في القطاع العام او الخص او من المستحقيين لراتب تقاعدي ...

[ضيدان]

المشاركة الأصلية كتبت بواسطة tamim هلا والله فايز ، حمد لله على السلامه ... انا وجهة نظري في الموضوع انه المفروض الانتساب المدفوع يكون خاص للموظفيين ، يعني الشباب والبنات العاطليين عن العمل وماعندهم وظايف وماقدروا يسجلون انتظام بالجامعه فلابد انهم يعفون من الرسوم سواء كان عندهم ظروف اسريه وماليه صعبه ام لان هذه جامعه حكوميه وليست اهليه ... بالنسبه للموظفيين اللي عنده ديون او مشاكل ماليه ويثبت انه غير قادر على دفع الرسوم لاي سبب يقدم عذره للجامعه حسب النظام المتبع حاليآ ... اللي حاصل حاليآ مثل ما قلت اخوي فايز هو العكس تقريبآ لان الموظفيين دبروا انفسهم و قدموا اعذار للجامعه وبعضها غير صحيح واعفوا من الرسوم ، وانا اعرف شباب وضعهم المادي مرتاح ومع ذلك عندهم اعفاء من الرسوم ، اما الشباب والبنات خاصة اللي ماعندهم وظايف وحالة اسرهم عاديه او سيئه ماعرفوا كيف يثبتون انهم غير قادرين ماديآ على دفع الرسوم وللاسف اظطروا يتحملون تكاليف الجامعه ترم بعد ترم ... الحل يكون من بداية التسجيل في الجامعه بحيث ان الطالب او الطالبه اللي ماعنده دخل مادي خاص به يطلب اعفاء من الرسوم بشكل دائم ، والجامعه تتاكد من وضعه من خلال الاتصال بالجهات المعنيه للتاكد من عدوم وجود اسمه ظمن قوائم الموظفين في القطاع العام او الخص او من المستحقيين لراتب تقاعدي ...

الله يسلمك ويكون بعونك على موادك الترم الجاي وان شاء الله اخر ترم لك بالجامعة وتتخرج بتفوق يارب وصدقني متابع لمواضيعكم وانا عرفت انك ما اجتزت البحوث لكن ما قدرت ارد على موضوعكم ..!


الحلول يا كثرها .. لكن الجامعة .. والمسؤولين فيها ما يبغون يساعدون طلاب الجامعة ولا يبغون يساعدون انفسهم .. شكلهم يحسون بالقيمة لما يكثر عدد الطلاب المراجعين عند ابوابهم.. ويحسون بتعويض النقص اللي فيهم لما يجيهم احد يترجاهم!

ومثل ما قلت وتفضلت .. الموظفين يقدرون من سجلهم المدني يكتشفون الموظف من الغير موظف

وصدقني لو صدقوا وارسلوا ارقام الحاسب الالي للضمان راح يتعاون معاهم الضمان لان هذا فيه فعل خير ولا اظن فيه احد بيوقف بوجه او يعطل معاملة تجلب الخير لكثير من الطلاب والطالبات وراح يكون تجاوب الضمان ورده ... رسمي وواضح فيه المستحق للاعفاء وفيه الغير مسجل بالضمان

الف شكر على مقترحك

وياليت يوصل الموضوع لاي شخص له سلطة بالجامعة
مثل ما وصلت بعض الملخصات لبعض الدكاترة

[عبدالعزيز الاحمد]

انا الآن بالمستوى الرابع..
ولم يشملني الإعفاء.. مع العلم أن معدلي مرتقع ولدي اثبات التزام مالي.
المهم قبل الاختبارات حقت الترم الاول رحت لعمادة القبول والتسجيل وشافوا اوراقي وقالوا انت تدخل بنظام الاعفاء مباشره..
قلت لهم قدمت مرتين ولم يشملني الاعفاء,,
المهم رفضوا ياخذون اوراقي وقالوا قدم بالنت بتاريخ 15-3
ومازالت القصه مستمره.. لكن الى متى.

[ضيدان]

اخوي عبدالعزيز

الله يعين.... لو كان معك واسطة ما كان عطوك مواعيد وغيره

لكن ان شاء الله اني اذكرك متى ما بدأ التقديم على الاعفاء الترم هذا

وخلك حول النت الاسبوعين هذي ... وان شاء الله يجيك اعفاء

والله يوفقك وتتخرج ان شاء الله بتفوق

[عبدالعزيز الاحمد]

والله انك صادق يا اخوي ضيدان..
الاسبوعين الجايه بيفتحون التقديم للاعفاء..
الله يوفقنا ويكفينا شرهم.

[ضيدان]

الله يوفقنا جميع يارب

[MAJED2009]

طيب ايش هيا شروط الاعفاء

[ضيدان]

المشاركة الأصلية كتبت بواسطة majed2009 طيب ايش هيا شروط الاعفاء

شروط المنح الدراسية لبرنامج الانتساب المدفوع التكاليف

-:أخي الطالب / أختي الطالبة
تنويه: يحق لك التقدم بالطلب للمنحة الدراسية لمرة واحدة فقط.
ويشترط للتقدم للمنحة الدراسية لبرنامج الانتساب المدفوع التكاليف مايلي

• تعريف بالراتب من جهة العمل, وفي حالة التقاعد إحضار تعريف بالراتب التقاعدي من البنك العربي الوطني .
• كشف حساب من البنك لآخر ثلاثة أشهر للطالب أو ولي الأمر.
• يجب أن لايقل المعدل التراكمي للطالب عن 2.75 ( وهذا شرط لاستمرار المنحة ).
• صورة من كرت العائلة في حالة الزواج , أو صورة الهوية لغير المتزوجين .
• صورة من عقد إيجار المنزل ( إن وجد) .
• في حالة وجود حالة التزام مالي , يجب إرفاق ما يثبت ذلك .
• تقرير طبي في حالة وجود مرض مزمن لا قدر الله .

طبعا هذي شروط الاعفاء لاخر ترم ... احتمال تتغير!

لكن للأسف الواقع واللي عرفه اغلب الطلاب والطالبات يشترط وجود واسطة .. وتلغى جميع الشروط المذكورة أعلاه

[مجموعة إنسان 1405]

السعودية كلها خرباااااااااااااااااااااااااااانه

يبغالها فرمته

[ضيدان]

شكلك تبي موضوعي يتقفل اخوي مجموعة انسان

خلينا في الجامعة