تكفوووووووووووون ريحوني :(

[فتاة القرآن]

دوري اول .. وشوفي ايش تبغي من كلية خاصة او بعثة ... واستخيري

[DR.MOHAMMED ALJUNAID]

أختي الكريمه

لاتتحطمي ولاتزعلي نفسك ابدا ابدا لانو كلو مقدر ومكتوب وقولي الحمد لله على كل حال
ماتدري ربنا اش رايد ليكي ويمكن لانو كان فيلو شر ليكي ف ربنا بعدو عنك
اختي اذا كان ليكي نيه انو ترجعي تسحبي الملف وتدخلي الجامعه تاني لكن تحت القسم الادبي يكون حل حلو
لانو القسم العلمي اتعقدتي منو وكفايه تضيعي على نفسك سنوات وانتي سويتي الي عليكي واكثر

او عندك حل ثاني في كليات ثانيه برا الجامعه تقدمي فيها
لكن انا افضل الحل الاول لسبب انو حتكوني تحت مسمى متخرجه من جامعه وثانيا حتكون ليكي فرص في قبول في التوظيف افضل
وتحت القسم الادبي في اقسام حلوه منها الاداره والاقتصاد او اقسام تانيه لكن مو ف بالي دحين

كل الي ابغا اوصلك هوا انو ابدا لاتقفلي الباب على نفسك وقدامك الحياه بطولها وعرضها بالعكس انا لو بدالك ابتسم واقول الحمد لله اتعلمت كتير في في السنه الماضيه وحتكون درس ليا وقدر الله وماشاء فعل

اتمنى تتقبلي مني المداخله البسيطه واتمنالك التوفيق فين ماكنتي :)

[™ тsωα 3чôŋε |]

الله يسعدكم يارب
بس محد حاس فيني الحين ..
كان عندي امال وطموح بس خلاص تناثرت قدام عيوني وتحطمت ..
بالاول كان طب وتنازلنا عنه
قلنا علوم وما صار , الحمدلله على كل حال
بس ماقدر بعد دراسة سنتين علمي وغير التحضيري سنه وترم صيفي
وترم الحين ..
اصير بعدين ادبي او اداري
انا ما انفع هناك انا تعبت في العلمي وكرفت مو عشان في النهايه اروح اداري
والله صعبه والله
حسو فيني
اهون لي اقعد بالبيت ولا اسوي كذا

[sammorato]

شوفي انا كمان من دفعة 10 بس ماخدت صيفي وحاسة فيكي والله العظيم بس انا الى الان مانزلت درجتي في الاحصاء وشوفت موضوعك ومت من الرعب
لكن شوفي انك تسحبي وترجعي تقدمي سواء علمي او ادبي ماعتقد انو ينفع اما بالنسبة للكليات الخاصة عادي تقدري تقدمي بفلوووسك وتبغي نصيحتي لاتقدمي في كلية خاصة قدمي في الكلية التقنية مرررة حلوة اعرف بنات كتير يمدحونها مررررررة
بس معليش بسالك سوال انتي كيف درجاتك في الدوريات لاني صراحة مرعوووووووبة يعني ابغى اشوف نفس مستوى درجاتي لانو اذا نفس المستوى رح اهيء نفسي بانو احتمال احملها

[™ тsωα 3чôŋε |]

انا درجاتي
الدوري الاول 18 والثاني 15
وانتي ؟؟؟؟

[sammorato]

انا الاول 26 والثاني 19 عاد تخيلي خرجت من الدوري الثاني وانا متاكدة انو بالكتير 3 اغلاط بس شوفي طلعت 11 غلط

يعني لازم اجيب في النهائي 15 من 40 عشان انجح

وانتي كان لازم تجيبي27 من 40

مانقول الا الحمدلله على كل حال وزي ماقولتلك انصحك انك تطلعي من الجامعة وتدخلي الكلية التقنية ولا تكدري نفسك

ويااااارب ييسرها معايا وانجح