اعلان معيدة.. والتوفل؟؟

[فراشة أمل]

أين الردود من أهل الخبرة

أفيدونا

[شوكولاين جدة]

ليس أمامكم الان سوا التوفل أو الايلتس ، أما ستيب فأقرب اختبار في شهر4

التوفل بإمكانكم معرفة المواعيد من موقع التوفل العالمي تفتحوه وتشوفوا الموعد المناسب لكم ورسوم الاختبار 1000 ريال ..

أما الايلتس فاتصلوا أو روحوا المجلس البريطاني فرع النساء في عمارة الفارسي بجدة واسألوا عن المواعيد ورسومه 850 ريال ، أو افتحوا الموقع تبعوا من النت وشوفوا الموعد اللي يناسبكم..

مع ملاحظة مهمة وهو إنو لازم تكونوا مسجلين للاختبار قبل موعده ب4 أسابيع على الأقل وهذا الشي حتشوفوه في المواقع تبعهم حيظهر لكم الأوقات المتاحة بالأزرق والأوقات الغير متاحة بالأحمر وكمان كل موعد قدامه فترة التسجيل فيه...فلازم تنتبهوا على دي النقطة..

وبالتوفيق للجميع ...

وأي استفسار أنا بالخدمة...

[ملكة المجالس]

معليش ممكن اعرف كيف قدمتو على وظائف الإعادة لأني ابغى أقدم وأنا تخصصي كيمياء ؟؟؟؟
وعندي نتيجة الستيب .....

[شوكولاين جدة]

روحي عند رئيسة قسمك في الكلية أو الجامعة واعطيها الملف هذا لو كنتي تبغي في نفس قسمك..لكن لو تبغي مهارات اتصال فتروحي كلية السلامة وتقدمي هناك..

[فراشة أمل]

يعني مافي بديل التوفل في الفترة المقبلة

من أي معهد

أو بالأصح برسوم اقل من ذلك

[دكتور اللغة]

اختبروا اي شي و جيبوا اي درجة

يقبلوا اي درجة

[شوكولاين جدة]

دودة القز كيف قدمتي والا لسا؟؟؟

صحبتي أقلها قدمي تقول دراسات يمكن لا فأبغى أقنعها انو ايوا في تقديم

هي شطورة في دفعتكم في الكلية ومررررة ممتازة ومن الأوائل لكن مترددة

[دودة القز]

حبيبتي شوكولاين الف شكر يالغاليه على المعلومات وانا باقي ماقدمت لاني مااختبرت اختبار اللغه بس ربك ييسرها
وشجعي صاحبتك انها تقدم وتستخير وربي ينولها اللي فيه الخير
دعواتك لي يالغاليه
الله يسهل للجميع
بس على مااعتقد ان الدراسات تقديمهم مو في السلامه ...في الجامعه

[شوكولاين جدة]

لا هي حتقدم على مهارات اتصال لأنو الدراسات مافي الا في عسفان وظيفتين

[ام دالين]

طييييييييييييب وقسم التاريخ اقدم في الجامعه ولاكليه السلامه