بلييييييييييز شرح الباب الرابع للاحصاء

[ارينا66]

امم عندي كم سؤال بشابتر 4 ...

متى مستخدم combinations ومتى نستخدم countaing rules اللي باخر سكشن ياليت تكتبوا الفرق بينهم

وايش ميزه countaing rules اللي باخر سكشن ؟؟ يعني ممكن لمن اشوف السؤال احله بالطريقه العاديه اللي باول سكشن ..!

والفرق بين اللي فوق و fundamental ؟؟

يعني ابغى اعرف كيف افرق بين الطرق اللي بسكشن 5 .؟

[..Huda Hamad]

المشاركة الأصلية كتبت بواسطة الفراشه الاموره الله يوفقك ويسعدك ويسهل عليك دنيا واخره يانمله كاشخه الحين بروح اصلي العصر وبدعي لك من كل قلبي انتي وكل الي بسنه التحضيريه بس ممكن تكملي سكشن 4 و5 وعارفين اننا غثيناك بس الله لايهينك شابتر 5 بعد

الله يخليك ويوفقك يا رب..

لا عادي ما غثيتيني بالعكس أنا مبسوطه إنو قدرت أشرح لكم وأوصل لكم معلومه..

إن شاء الله رح أكملها بس يمكن ‏
بالليل ‏
لأني ‏
ألحين ‏
رح ‏
أطلع ‏
ممن ‏
المنتدى..

أوكي..

[الفراشه الاموره]

ان شاءالله ننتظرك ياعسل
بتوفيق

[فتاة الصمت]

ممكن تشرحوا لي (3_5)

في الاحصاء بعنوان (The Binomial Distribution)

توزيع ذات الحدين

لأني ماحظرت الكلاس الاخير اتمنى تساعدوني

[..Huda Hamad]

سكشن أربعه من شابتر أربعه..

يتكلم السكشن عن قواعد العد ‏counting rules..

Conting rules‏ تنقسم أربعة أقسام:fundamenal conting rule‏ مبدأ العد الأساسي ‏-‏ ‏permutation rule‏ التباديل ‏-‏ ‏combination ruleالتوافيق ‏
-‏ factorial notationالمضروب..

أول شيء مبدأ العد الأساسي ‏fundamental counting rules..

تكون طريقة السؤال فيه ‏‏(كم عدد الطرق المختلفة ل..............‏)‏..

إجابتها تكون إنك تآخذين المعطيات إللي في السؤال وتشوفين كم عددها وتضربينها في بعض..

بس يعني أهم شيء إنو السؤال يكون طالب كم عدد الطرق..

ثاني شيء الpermuation rules‏ التباديل..

أهم شيء أهم شيء فيها الترتيب..

يكون في السؤال وحده من هذي الكلمات ‏‏(‏rank - order - pertion - arrangment‏)‏..

تلاقين في السؤال أشياء ويقول لك كم عدد الطرق لترتيب هذه الأشياء..

وتآخذين قانونها وتحسبين فيه..

لمن تجين تحسبينها بالحاسبة أول شيء تحطين الرقم الأكبر بعدين الرمز بعدين الرقم الأصغر....

ثالث شيء الcombaination rules‏ التوافيق..

ما فيه في سؤالها أي إعتبار للترتيب..

بس يكون سؤالها كم عدد الطرق إللي تقدر نختار منها............‏ بس كذا..

وطبعا لمن تحلينها بالحاسبة تحطين الرقم الكبير بعدين الرمو بعدين الرقم الصغير..

رابع شيء الfactorial notatio‏ المضروب..

طبعا هو بالكتاب مكتوب ثاني شيء بس أنا خليته الأخير..

لأنه ما يبغى له شيء أبدا..

هو ما فيه سؤال معين بس تطبقين عليه في قانون التباديل والتوافيق..

وإذا جا سؤال يكون صريح يقول كم مضروب العدد........‏ وطبعا تجيبينها بالحاسبة..

تكتبين الرقم بعدين تحطين الرمز من الحاسبة وبس..

أتمنى من كل قلبي إنو شرحي يكون مفهوم لكم لأني هذا إللي قدرت أوصله لكم بطريقتي..

بالتوفيق لكم ولي يا رب..‏^‏.‏~‏..

[ارينا66]

مررره شكرا الله يوفقك يارب
يعني دحين ال الfactorial notatio‏ عالاغلب مانستخدمه ..~

وياليت تشرحي كمان سكشن 5 من شابتر 4 وكيف اعرفه من السؤال واميزه عن الباقي ..؟!

[..Huda Hamad]

سكشن خمسة من شابتر أربعه..

Probability and counting rule‏ ‏-‏ حساب الإحتمالات بطريقة العد..

هنا سؤالها يجيب حاجه أي شيء وهذا الشيء يكون مقسوم لإثنين..

لمن تجين تجاوبين يكون المقام تكتبين فيه المجموع كله كومبينيشن العدد إللي هو طلبه..

وفي البسط لمن مثلا يقول لك نبغى نختار عدد.......‏ وبعدين يقول من هذي إللي أخترناها نبغى عدد.........‏ يعني بعد ما يقول العدد إللي بيختاره يطلب كمان عدد ثاني من إللي أختاره أول شيء يعني جزء منه..

ففي البسط تحطين أول شيء العدد إللي طلبه بالبداية كومبينيشن العدد المطلوب الثاني بعدين تضربينهم في إللي رح يبقى من المجموع كله إللي حطيناه بالمقام..

وبس يكون الجواب على حسب الشيء إللي هو طلبه..

يمكن هذي الفقرة شرحي فيها شوي ملخبط بس رح تنفهم أكثر إذا ركزتو كوييس كويس مررره في مثال رقم واحد وخمسين صفحة ميتين وثمانية وثلاثين..

بالتوفيق يا رب..

[Ms.fzfz]

نمله
وآلله انك اكوووس شي في حيـآتي :$

طيب شآبتر 5 الـ binomial كيف اعرفه ؟!

وسؤال ثآني
في الاختبار ندخل المطويه حقة القوآنين اللي جآت مع الكتآب ولالا ؟!
سمعت بنآت قالو ندخلهـآ

[..Huda Hamad]

شابتر خمسه سكشن واحد..

Probability distriutions التوزيعات الإحتمالية..

طبعا هي تعتبر متغيرات عشوائية وإحنا أخذنا إنو المتغيرات العشوائية يا إنها تكون متصلهcontinus‏ أو إنها تكون منفصلةdiscrete..

بس هنا ما رح ندرس إلا لمن تكون منفصلة..

ومعنى إنها منفصلة يعني إنو الx‏ تكون أعداد عادية يعني مو كسور وأعداد عشرية وزي كذا..

يطلبك في السؤال بنفس إسمه يعني تعرفين إيش تستخدمين لمن تشوفين السؤال إنو يبغى توزيعات إحتمالية..

يكون كاتب في السؤال الشيء إللي بيسأل عنه وطبعا إنتي تطلعين فراغ العينة حقها ويكون كل قيمه من فراغ العينة هي وحده من قيم الx..

تسوينها في جدول عشان تكون سهله عليك..

وبعدين كل قيمه تطلعين لها إحتمالها..

وكيف الإحتمال ‏..‏ يكون عدد المرات إللي ظهرت فيه في فراغ العينه على المجموع الطلي لها..

وأهم شيء تعرفين إنو الإحتمالات لازم تكون محصورة بين صفر وواحد..

يعني أي رقم سالب أو أكبر من واحد يكون غلط..

ولازم مجموع الإحتمالات كلها يكون واحد ينعي لو فيه يقول لك هي صح ولا غلط وكان مجموع الإحتمالات أكبر من واحد يصير غلط..

بس بالتوفيق..

[..Huda Hamad]

المشاركة الأصلية كتبت بواسطة Ms.fzfz نمله وآلله انك اكوووس شي في حيـآتي :$ طيب شآبتر 5 الـ binomial كيف اعرفه ؟! وسؤال ثآني في الاختبار ندخل المطويه حقة القوآنين اللي جآت مع الكتآب ولالا ؟! سمعت بنآت قالو ندخلهـآ

شكرا ‏
حياتي على الكلام الحلو..

أنا والله أهم شيء عندي إنو غيري يكون فاهم زي ما أنا فاهمه..

الbinomial‏ في سكشن ثلاثة من شابتر خمسة..

ألحين بأكتب حق سكشن إثنين بعدين بأكتب حق سكشن ثلا ثه ‏..‏ أوكي..

ورقة القوانين أكييييييييييد لازم تجيبينها لأن كل القوانين مكتوبه فيها مره مهمه..

ربي يوفقك إن شاء الله..