طرق التعامل مع النساء((دعوة للنقاش))

[شــفــافـــة]

ليش صعب !!

هو رجال السعوديه مالهم مشاعر ؟؟

اختي ساكنته ببيتكم انا ماقلت ماعندهم مشاعر انا قلت مايعرفوا يعبروا عنها
بالطريقة الي قال عنها خيو استشاري وركزي انا قلت ما أعمم بس الأغلبية

والمرأة زي ماتلاقي حتعطي
اعطيها اهتمام ... تعطيك اكثر
^
^
^
برضو مصممة على كلامي
وخيتو لاتعممي لأنه في حريم وربي الرحمة ما مرت على قلوبهم
وفي حريم اذا اعطيتهم اهتمام يعطوك عكسه
الموضوع مرتبط بشخصية كل انسان وطريقة التعامل معاه
في حريم اذا استخدمت معاهم طريقة استشاري يسيروا خاتم
في اصبعك
وفي حريم اذا استخدمت معاهم طريقة استشاري يتملعنوا <<اعذروني ع الكلمه
بس هي الاقرب للتعبير


والأشياء الي انت قلتها مافي امرأة تطالب بيها لأنه مجرد الحلم بهالشي صعب جدا
في مجتمع سعودي لم يعرف الثقافة العاطفية وليست المشاعر من أولوياته

!!!!!!!!
ما في امرأه تطالب بيها ؟؟؟


ما أظن ..

حواء محتاجه من آدم الحنان و الأمان ,, لو بس مسح على راسها قالها شكرا على أي شي سوتوا يكفيها و راح يخفف عنها كتير ,,
^
^
^
كلامك يأيد كلامي طيب!
انا قلت مايطالبوا بيها بس يتمنوها
و يتمنوا يلاقوا تقدير
التقدير والاحترام شي وكلام استشاري شي ثاني


و لا تقولي ما في وصعب و لا يعرف الثقافه العاطفيه ومدري ايش لانو كل انسان بداخله مشاعر و احسايس يعببر عنها كيفما يشاء المهم ارضاء الطرفين ..
^
^
انا معاك انه كل انسان عنده مشاعر واحاسيس بس مو الكل يعرف يعبر عنها
(كيفما يشاء)<< مو كل انسان تصرفاته تعبر عن مشاعره
ممكن يسوي عكس الي يحس فيه عشان مايبين ضعفه اذا كانت المشاعر من وجهة
نظره ضعف


وترا و الله مو صعب بس محتاج شويه ذكاء و لحلحه من حواء

^
الذكاء الي احنا محتاجينه هنا ذكاء عاطفي


>> عندما تراها تمشي ( تربص لها قليلا ثم أحضنها فجأة من الخلف )
بعضهم مربوش خلقه .. >> ومو ناقصين .... !!
^
^
ههههههههههههههههههههه
صراحة موتني ضحك ياابو جواد الله يسعدك


تقبلوا مروري

[noo0oona]

هل المرأه الشرقية .. السعودية بشكل اخص .. ينقصها هذا بالفعل من الرجل ؟؟
((سؤال موجه لكل امرأه ))


نعم ونعمين والفين نعم
بصراحه هالشي نفتقده مو بس من الزوج لاني لسا ماتزوجت بس حتى من الاخ والاب والخال والعم يعني الرجال كلهم بمعنى اصح
والزوج طبعا بشكل اكبر
لو يكونو الرجال بكل المواصفات اللي فوق صدقني حنعيش بسلاااااااااااااام لين نموت
ولو كان الرجال فعلا بمثل هالمواصفات تاكد مليون بالميه انه لو يطلب عيونها والله ماراح تقوله لا ولو يطلبها من عمرها عمر راح تعطيه بدون تردد
وراح تشيله فوق راسها وتخليه مثل الملك
البنت اش تبغى من الزواج اسال اي بنت ع وجه زواج اش تتمنى من شريك حياتها تقول شي واحد الحب والحنان
طبعا في بنات بدورو الفلوس والمناصب بس هذي قله مو الكل
وفي حاجه كمان لو كل رجال اقتنع بزوجته وماطالع لبرى صدقوني راح يعتبرها ملكه جمال لو كانت اسوء حرمه ع وجه الكره الارضيه
وبرضو اهم شي الحب اذا كان يحبها بجد مستحيل يفكر يطالع غيرها وراح يفديها حتى بعمره بس المشكله هذي انه فين الحب لاني احس انه انقرض من الوجود وراح مع الديناصورات خخخ
طبعا انا مااتكلم عن الكل بس الاغلب يعني من اللي اسمعه من اقاربي وصديقاتي

[أنثى نرجسية]

/
:

كُلْ شيءْ فيْ حُدُودْ ـآألمَعْقُولْ جَمِيلْ وـآنْ كَآنْ فيْ ’تَعَآملنَآ معَ ـآأ’لأخَرِينْ .فَــ /’لآآفرَآطْ و,لآ تَفْرِيطْ ..

وحيــَآة’طيّبَة’ ننْعَمْ ’بِهَآ ’بالأحَآسيــسْ ’ـآألصَآدِقَة ’ـآألتيْ’ ترضيْ ’دستُورْ ـ’آألشريْعَة ’وـآألذَآتْ ..

بعيْدَآ ’عنْ ’رجُلْ شَرْقيْ وـآمْرآهـ ’شَرْقيّة .. آغضّ ’طرْفِيْ ’عنْ تلكمْ ’ـآألجزئيّة ..

وـآفْتَحُ ’عَيْنِيْ لِــ / ـ’آالبَقِـــيّة .. وكلآ ومَــآ جلِبَ’عَلْيهِ .. /! }

:


تَقْدِيرِيْ ..


/

نرج ـسيّة ..

[الوشيقر]

اعتقد والله العالم ان مجتعنا السعودى لاتوجد به هذه الصفات ولكن ربما يكون ذلك حقيقة في عام 2999ميلادي

[Confused]

المشكلة هنا الرجال يحسبوا انهم الملوك ..
لو قلت لواحد فيهم تعال ساعدني بغسل الصحون قال لا انا رجال ..
طب خلاص بس شيل السفرة معايا .. ليش انتي البنت ؟؟
طيب امسك العيال خليني ارتاح شويتين .. لا انا بأشتغل برا و اتعب انتي قاعدة بالبيت طول النهار ايش تسوي ؟؟
طيب خلااااص يا سيدي ليش بتبخل عليا بحبك ؟؟ الحب افعال مو اقوال
........

و الله الصراحة مرة باين انه افعال ..
المشكلة انه محد يفهم انه الحب تضحيات و تنازلات ..
سواء الحرمة او الرجال ..
لو جيت ع الرجال يعتبره شي يعيب في كرامته ..
و ع الحرمة تقول هو ما اتنازل انا ليش اتنازل ..
لو كل واحد ساب انانيته على جنب و ضحى رح تصير العلاقة بينهم احلى ..
لو الرجال ضحى و ما لقى مقابل صدقوني رح يلقى بالمستقبل ..
الا لو كانت الحرمة عديمة احساس ..
بس الحرمة دايماً بتضحي لكن الرجال ما يحس .. ما اقول كده لاني بنت .. بس لانه البنات
يراعوا ادق التفاصيل .. و يضحوا في اشياء الرجال ما يشوفوها ..
بس في فكرة لو الكل حطها بباله .. رح تصير حياته احلى ..
انه كلنا بيوم رح نموت .. في يوم من الايام رح نصير تحت التراب .. طيب ليش ما تقول لمن تحب انك تحبه ؟؟
ليش ما تعبر عن مشاعرك قبل لا يجي يوم حتى كلمة وداع ما تقدر تقولها ؟؟
يوم تسمع العزيز الغالي يبعد عن قبرك و انت تتألم انك ما عرفته مقدار حبك ؟؟
لو كل واحد افتكر الشي دا ما رح يضيع يوم الا و هو يعبر .. الين ما نطفش منه ..
بس الحمد لله الناس بدأت تتغير .. بدأوا يفهموا و يتعلموا .. و ان شاء الله يتغير الحال ..
و هذا رأيي و بأتكلم على الاغلبية مو قصدي اعمم الكلام ..

WitH Love
Confused

[الاستشاري]

الاخت صمت ..

احييك على اختيارك لهذا الاسم ..
الصمت اسمى آيات المعاني ..
وهو ابلغ رد ..

[الاستشاري]

الاخت الغالية .. شفافه ..

احترم رأيك .. لكن عندي مداخله مكرره لكن بسيطه ..


Point Under The Line

% أعظم الأخطاء أن ترى نفسك منزهاً عنها .
% المرأة تضحك عندما تقدر وتبكي عندما تريد .
% المرأة ظل الرجل عليها أن تتبعه لا أن تقوده .
% أجمل امرأة هي التي في خيالك .
% اناالإختلافات بين الرجل والمرأة أمر ليس غريب بل ضروري .
% الحب أعمى لكن الزواج يعيد إليه البصر .

[الاستشاري]

اختي noo0oona ..
اول شي .. الله يوفقك ويرزقك ولد الحلال اللي يخاف عليك ويصونك .. وهالدعوه لكل بناتنا بشكل عام ..
ثاني شي .. تبغي نبدا بالتغيير لازم نبدا بانفسنا ..




الاخت نرجسيه ..
كلام .. عين العقل .. اشكرك على مداخلتك ..



الاخت .. Confused ..
كلام عقلاني .. تطرقتي لنقطه مهمه .. الواحد ما يحس بقيمة الانسان الا لمى يبعد عنه ..
انا معاك .. ليه ننتظر هاللحظه .. ليه ما نعيش هاللحظات المتبقية لنا بسعاده مع اغلى الناس ..

مع اني ما اتفق مع اسمك .. لانو كلاااامك مررررررره رزين ..
واسلوبك بعيد عن معنى اسمك .. ((اعذريني ع اللقافه)) ..



لكم ارق تحيه ..
اخوكم الاستشاري ..

[ساكنه في بيتنا]

التقدير والاحترام شي وكلام استشاري شي ثاني

!!!!

بالنسبه ليا اشوف لو قدرها و احترمها احسن من الف شي يسويه و الاحترام بدايه المعامله الكويسه اللي في موضوع الاستشاري ..

و الرجال مو ملزوم انو يطبق كل الكلام اللي في موضوع الاستشاري عشان يكون رومانسي .. اعيد و اكرر كل واحد ليه طريقته في التعبير عن مشاعره ..

و اللي ما يعبر عنها لانه يعتبرها ضعف انا اشوف انو الشي دا كان من ايام اجدادي ..

ممكن البيئه اللي جاي منها و تربيه اهله ليه و مفهوم القوه و الضعف اللي كونها في قاموس مفاهيمه ليها تأثيرها كمان ..

عموما الله يوفق و يسعد كل آدم و حواء و يجعل التفاهم هو أول طريق بينهم ..

[Confused]

اخوووووي الاستشاري ..
ابداً اخوووي (( اتلقف )) زي ما تبغى .. بالنهاية كلنا اخوان و اخوات ..
و ابشرك اسمي ما يدل على طريقة تفكيري .. هو له قصة و الســـلام
و تسلم اخووي ع الموضوع الحلووو .