كل ما يتعلق بإختبار الإنجليزي لفل 2,.!؟

[HaMo0ody]

أول شئ السلام عليكم ورحمة الله وبركاته والحمد لله على كل حال ويارب لك الحمد....

وثاني شئ مرررره لحد يشيل هم الإختبار لأنه صراحتا كان من أسهل الإختبارات إلي شفتها في حياتي وراح أفصل كل شئ هنا لأني شايف في أسئله كثيره تنسأل عنه بالذات البنات لأن إختبارهم الأسبوع الجاي والله يسهلهم المهم أنا زي ما قريتوا من المستوى الثاني بس كمان في واحد من أصحابي في المستوى الثالث يقولي إختبارهم كان مررة سهل وأنا كلمته قبل ما أدخل الإختبار وطمني فلا تخافوا ترها سهالات وربي وبالنسبه للمستوى الثالث نفس طريقة الأسئله بس راح تكون عن مواضيهم وأتمنى في أحد يطمنهم بموضوع.....

طيب نبداء بالجزء السماعي....(listening)...:
*أول شئ خمس أسئله أجوبتها بديهيه(Responses) مرررة حتى إنه جانا سؤال...
Where are you from??
يعني شئ سهل بس يبيله شويت تركيز وأنتبهوا تراها ما تنعاد لأنها سهله فحلي بسرعه أول ما تسمعي السؤال حلي...
*الجزء الثاني محادثه(Dialogue)خمس أسئله ومرررة سهله أنا عن نفسي حليت من أول مرررة ولمن أنعاد تأكدت من حلي وتراها مرتبه يعني لمن يتكلمون في أول شئ على طوول في سؤال عليه بس تراها محادثه متصله مو كل سؤال لوحده زي ما كنت متوقع...
*الجزء الثالث القطعه(Passage) وخمسه ثالثه كمانه هذ1 أسهل شئ كانت مع إنك لمن تسمعهم يقول قطعه يقرأها وإنت تجاوب على أسئله تحسها صعبه بس هي سهله ترى وما يحتاج تكتب نوت ولا شئ أنا كنت متوقع إني راح أكتب نوت بس لمن بداء في البارت الثاني ما شلت هم البارت الثالث يعني ما يحتاج تكتبي نوت ولا شئ كل الأسئله سهله وبسيطه وراح تلقطوها إن شاء الله وبرضه هذ1 الجزء يتكرر مرتين...

القراءة(Reading):
*في جزء القراءة طبعا جابولنا قطعه من الكتاب وكانت عن أول طيارة في العالم أظنها في يونت 7 المهم حاولوا تقرأو القطع الكبيرة إلي عندكم في الكتاب وتترجموها وتفهموها أحسن قبل ما تدخلون الإختبار عشان تكون سهله لكم وتراها كلها أظن إنها 4 قطع وحرام درجاتها تروح لآن عليها 10 درجات وترى حتى لو قرأتيها يمديكي تحلي أسألتها لأنها سهله,,,,
*وفي قطعه جابوها من برى الكتاب بس تراها أسهل من إلي في الكتاب يعني لا تشيلون همها مررة سهله وعليها 10 أسئله كمانه,,,

القداعد(Grammar):
نفس الشئ إلي أخذناه بالزبط وأسئلته سهله بس ركزوا فيها شوي لآني أظن أخطيت في وحده منها...بس تراها كلها سهله وما خرجت عن إلي في آخر الكتاب وعليها 10 أسئله...

معاني الكلمات(Vocabulary):
إذا ذاكرتي إلي في الكلمات إلي في آىخر الكتاب إلي مقسمه كل يونت لوحدها لا تشيلي هم هذه الأسئله لأنها كمانه سهله...وعليها 5 أسئله...

طيب كم صار المجموع 15+10+10+10+5=50 سؤال ويارب كلكم تجيبوها كلها صح...
وعلى الإختبار 30 درجة يعني على السؤال راح يكون 0.6تقريبا نص وعليها...

آآآسف على الإطاله بس حبيت أفيدكم زي ما حصلت هنا ناس طيبين ويحبون يفيدون غيرهم قلت خليني أسوي شئ له فايدة مو بس أقراء,.. ويارب إنكم أستفدتوا....

ملاحظه مـــــــــــهـــــــمــــــهـ:سهولة الإختبار مو يعني إننا نتساهل فيه ولا نذاكر له وترى ما كتبت هالموضوع إلي إني بس أبيكم تشيلوا الخوف من قلوبكم وما تشيلوا هم الإختبار وتذاكروا زين والواحد لازم يأخذ إحتياطه فنصيحتي لكم ذاكروا وربنا يوفقكم...

وأي أحد يبي خدمه إحنا حاضرين ويلا ســـــــــــــــــــــــــــــــــــــــــــلام:63 :...