التخصصات في رابغ وفي جده

[Abdu11ah]

يعني مافيه اختبارات برابغ و مسار التسويق متاح لنا . يارب لك الحمد وجعلك في الجنة على هالمعلومات اللي تسعد
وبالتوفيق للجميـــــــــــع

[white sugar]

والله انا ما حتفرق مرة معايا
بس اللي حيفرق بكرة إن شاء الله لما اخلص ايش الوظيفة المناسبة
يعني الانجليزي ما اتوقع في له مجال غير التدريس وانا ما ابى تدريس
مع اني مرة حابته
والادارة في مجالات بس مترددة مدري ليه

[L O T U S]

المشاركة الأصلية كتبت بواسطة Abdu11ah يعني مافيه اختبارات برابغ و مسار التسويق متاح لنا . يارب لك الحمد وجعلك في الجنة على هالمعلومات اللي تسعد وبالتوفيق للجميـــــــــــع

لا الحمدالله الإختبارات والدورات كلها راح تكون في جده ان شالله
كلية الأعمال برابغ - دورات واختبارات الانتساب بجدة

اللهم آآآآآآآآآآميييييييييين ويـاك يارب والمسلمين اجمعين

[L O T U S]

المشاركة الأصلية كتبت بواسطة white sugar والله انا ما حتفرق مرة معايا بس اللي حيفرق بكرة إن شاء الله لما اخلص ايش الوظيفة المناسبة يعني الانجليزي ما اتوقع في له مجال غير التدريس وانا ما ابى تدريس مع اني مرة حابته والادارة في مجالات بس مترددة مدري ليه

شوفي بما انو انتي لسى باقي لك ترم وتخلصي التحضيري ان شالله
نصيحه من الآن فكري كويس
لأنو انا كان في بالي إداة أعمال دولية بس بعد نزلوا التسكين فكرت فيها إدارة أعمال ممتازه
بس مشكلتي انا عويصه مع الرياضات وفضلت أختار تخصص إدارة عامه اخف شوي
وفكرت بعد ماخلص ان شالله ممكن آخذ ماستر بإدارة أعمال

شوفي اي التخصصات راح تمشي فيها وتفيدك في مستقبلك بنفس الوقت
شوفي تخصص الإنجليزي ايش ممكن راح تكوني فيه بعد التخرج واعتقد مو شرط تدريس
وخصوصا انو اللغة صايره مهمه كثير
وشوفي باقي التخصصات موادها والمجالات اللي راح تكون متاحه لك بعد ماتخلصي ان شالله
واستغليها من الحين طالما انو عطله وماعندنا شي تفرغي للموضوع هذا وشوفي
وبعد ماتجمعي معلومات وتحسين نفسك في حيره استخيري وربي ان شالله بيوفقك

[white sugar]

مشكورة حبيبتي L o t u s
الله يعطيكي العافية ما قصرتي تعبتك معايا

[L O T U S]

المشاركة الأصلية كتبت بواسطة white sugar مشكورة حبيبتي l o t u s الله يعطيكي العافية ما قصرتي تعبتك معايا

لا شدعوا ياقلبي والله ماسويت شي
كان نفسي اقدم لك اللي يريحك بس قلت الكلام اللي انا مقتنعه فيه
وان شالله يارب تتوفقي للتخصص اللي تحبينه وتتخرجي بأعلى معدل يارب

[so natural]

يامعين

[SAMAR,S]

ياجماعه الخير يعني اداره الاعمال للأنتظام في بجده ابغى ادخل قسم محاسبه موجود للأنتظام بجده ولا في رابغ كمان ؟!

[L O T U S]

اذا انتِ انتساب فـ اللي اعرفه انو مافي محاسبه من ضمن التخصصات المتاحة لطلاب الإنتساب
واذا انتِ انتظام فـ اعذريني والله مدري بالضبط اذا نقلوا كل تخصصات إدارة أعمال لرابغ او لا
وما ادري اذا الإنتساب بس اللي نقلوهم لرابغ او لا
لكن بالعموم حابه اقول انو اختبارات القسم هذا ودوراته كلها راح تكون بجده ان شالله

لكن اقول اتصلي عليهم او اكتبي موضوع عشان يمكن احد يكون عنده خبر ويفيدك ان شالله