بشأن التحويل لأم القرى

[الحياه نايس]

سبحان الله اشبها الناس ساحبه ع عزوز

نفس الحاله قدمت ع ام القرى وكلي امل بأذن الله انو انقبل اقلها في العلوم الطبيه
بس متردده كثير ومقهوره ع السنه التحضيريه اللي ممكن تروح ع الفاضي والله بجد قهر
وشايله هم النقل من جده لمكه ومن مكه لجده
يوميا وافكر في الساعه اللي حتضيع في الطريق وانا رايحه راجعه
غير انو السيارات مو ع كيفي متى ما اخلص او تتلغي محاضره تكون مرزوعه عند الباب

مدري احس كتبت كتاب وخرفت وبربرت كثير مو؟؟
استحملوني وأرشدوني جزاكم ربي الخير
وللمعلوميه انا برضو في العلوم والنسبه العامه 75
مدري كيف يرمون العالم في اي كليه حسبنا الله ونعم الوكيل

[أدري طيبتي غلطة]

يسلمو لكل اللي فادني..
بالنسبة لي سألت ولفلفت كثير بالنت واللي توصلت لو انو مافي مشكلة بالنسبة لأم القرى حتقبلنا باذن الله بس المشكله انو لو بحول لعبد العزيز احتمال ما تقبلني لأنو ملفي مسحوب والله تعالى اعلم
ممكن ترسلو ع ايميل المشاط يمكن يفيدنا والا احد يروح يسأل بالعمادة يعني عشان نكون متأكدين اكثر
الله يكتب اللي في الخير وييسر لكل وحدة الل تبيه

[ammorty]

طالب الانتساب ممكن يسحب شهادة الثانوية من الملف وهو ما يزال طالب في الجامعة زي ما حصل مع صديق لي بس ما ادري لو دا الكلام ينطبق على طلاب الانتظام ولا لا ؟

[فصحية]

السلـآمـ عليكمـ ورحمة الله وبركآتهـ

الـــــــــ صباحـ / مساء ـــــــــــــورد

امم بنت ابوها ابشري بحط لك روابط وان شاء الله تفيدك

رابط موقع الجامعه للتسجيل ( تدخلي ع العمادات منها لـ عماده القبول والتسجيل وحتطلع لك صفحة ... علشان تسجلي وتدخل معلومات وبيانات ) طبعا هدي الرئيسيه ومنها بتدخلي

http://uqu.edu.sa/

انا حطيت لك الرابط جاهز داخله لك ع عماده القبول انتي بس اضغطي ع ( الدخول للبوابه الالكترونيه لتقديم طلب القبول )
في خانت مكه طبعا >> انتبهي ( حطيت الرابط للتسهيل )

http://uqu.edu.sa/admission


وكمان هددا رابط ( منتدى جامعه ام القرى ادخليه وحووسي فيه تعرفي الاخبار والاشياء اللي ممكن تخطر ع بالك كسؤال )

http://www.uqu1.com/vb/index.php

وترا ع فكره يا بنات انا لمن قلت انو صاحبتي انقبلت العام طب وهيا 91 لأني متأكده وهيا صاحبتي بس انتوا دوروا اكثر واسألوا لأنوا يمكن يغيروا من عام لعام

وبس اتمنى التووفيق للجميع

دعواتك بنت ابوها انهم يقبلوا تحويلي ع الحاسب من بدري =)

[Ma7a]

<< نفس الحالة -_-

ابا اسالكم كم سؤال عن جامعة ام القرى (رحت للمنتدى حقهم وحوسست حوووسة )
1- ماني فاهمه نظام الدراسة عندهم (الكليات الصحية) في سنة تحضيرية؟؟؟؟
2- رحت للموقع وسجلت ومن ضمن التسجيل انو ارتب الرغبات اناا حطيت صيدلة وطب >>السؤال : كيف فيي سنة تحضيرية وكيف نحط رغباتنا من دحين !!!!!!
3- لمن اخلص سنة تحضيرية خلاص اروح للرغبة اللي انا حاطتها ولا ممكن يغيروو (زي جامعتنا الموقرة يرمونا في أي قسم )= ))


ووبس كدااا ..
شكرا مقدمـــــــــــــا

[أدري طيبتي غلطة]

فصحية مرة يسلمو ع المساعدة وربي يحقق لك الل ببالك..
الموهيم نظام الدراسة بام القرى مرة عادل يعني ع حسب تعبك بالثانوي تنقبلي بالكلية اللي نسبتك تؤهلك لها مثلا انقبلت طب بعد كذا السنة الأول اسمها سنة تحضيرية وهي مفهومها يختلف عن جامعتنا يعني انو تاخذي مواد عامة تاخدها كل الكليات الصحية ولازم تنجحي فيها عشان تكملي بنفس تخصصك اللي انتي فيلو .. وادا ما نجحتي يحولوك ع قسم ثاني بس إن شاء الله دي ما تصير لأنو احس في حماس مو طبيعي هع هع هع
فهمتي علي ؟!!
اذا ما فهمتي قوليلي افصل لك الدونيا تفصيل خخخخخخخ

[Ma7a]

ههههههههههههه تسلمي شكررااا..
فهمت ,, اهم شي يعني انو ما يطالعو في معدل السنة التحضيرية -___- (فرز والكلام دا )<< نفسيتي تعبت من الموضوع دا
يعني اهم شي انجح في المواد

اذا على كدا بس تكون كويسة

وشكرااا على اهتمامك,,,

[حسن الحلو]

مرحبا
اللي بيتسحب ملفها من عزوز وتسجل في ام القرى
لازم تعرف
انه عندها حلين
الاول لو معدلها حلو وسكنوها بكليه مش حلوه وكانت نسبتها بالثانويه والقدرات حلوه انها تستعير الملف وتقدم على ام القرى
الحل الثاني
اذا كانت المعدل نازل انا وكانت نسبتها حلوه بالثانوي والقدرات انها تسحب نهائي
ويا شطورات يا امورات
لازم تعرفو بالمعلومات اللي رح اقولها لانها رح تفيدكم كثير جدااا
وقف الطب على 93 وطب الاسنان على 94 هذي النسب المكافئه
والعلوم الطبيه فيها ان في احدى الكليات الصحيه اربع اقسام اعتقد اقل نسبه 84
ومعلومه ثانيه
انه ام القرى لها سنه تحضيريه للكليات الصحيه بس تختلف عن هنا
وفيه امكانيه اللي ماتنقبل في الطب او طب الاسنان انها تحول لو شدت حبتين ورفعت معدلها
بس لازم تكون في احدى الكليات الصحيه
لانه ما فيه امكانيه للتحويل من خارج هذي الكليات اليها (العكس غير صحيح)
اتمنى اكون كفيت ووفيت
موفقات يا بنوتات
ادعو بالله انه يتحقق اللي في بالي

[حسن الحلو]

بس نسيت انه فيه صيدله
اسف
وادعولي مره ثانيه انه يتحقق اللي في بالي

[حسن الحلو]

ومعلومه اخرى مهمه
اعتقد انه في باصات تودي من مكه لجده والعكس شركة (النايف) اعتقد كذا
والمشوار مافيه احلى منه ممكن تسوي حاجات كثير وانتي في الطريق