حسبي الله ونعم الوكيل...هذا اللي نقولوووا

[DNA..~]

المشاركة الأصلية كتبت بواسطة jow حتى انا قبلوني في العلوم ..... الحمدلله على كل حال بس ابغا اعرف عن التخصص " مستجد-علوم" ؟؟ اللي يعرف ياريت ما يبخل

حتدرسي مواد عامه بعدها تتخصصي في كلية العلوم ( رياضيات -كيمياء حيويه -كيمياء -احياء - احصاء )

على فكرة يمكن تكون خيره لكم الله أعلم رزق كل واحد فين..ما يعلمه إلا الله..

انا مريت بنفس حالتكم..صح ماكان في تحظيري لكن كم مره حاولت في الطب لكن سبحان الله في كل مره تفشل ومره جاني قبول في مكه لكن الرفض جاء مني سبحان الله ما ارتحت مع انه كان رغبتي..

بعد ما دخلت العلووم اول ترم ماني طايقتهآ مره و فكرت احوول بعدها اتخصصنآ..
و تخصصي الكيمياء الحيويه اكتشفت ان هو رغبتي مو الطب لوووول
لأن الطب اساسًا يعتمد على الكيمياء الحيويه..

^___^

مافي طبيب ما يدرس الكيمياء الحيويه لأنه اساس العلووم ^_^

بعدها سبحان الله انقلب الكره إلى حب :)

حبيت كليتي..رغم ان الناس لسه مو مقدرين ايش يعني تكوني عآآآلمه..

في كندا محد يدرس الطب قبل ما يدرس 4 سنوات في كلية العلووم لأهميتهآ..

سبحان الله و الله دحيييييين صرت اقول الحمدلله يارب اني ماانقبلت في الطب..

لأن الحيوي مو سهل فكيف بالطب؟؟

لا يغركم حرف الدال اللي جنب اسمك تقدروا تجيبوا بأي تخصص كمان قد تكون بسنوات اقل من الطب :)

عارفه في ناااس من قلبهم يبغوا طب ولا كليات صحيه لكم حق تحلموا و تتمنوا خاصه لما يكوون طمووح مو مجرد اسم و عشان ينادوني دكتوره لأن دا اكبر ضيااع..لو بس عشان الاسم و الهيبه..

ما تدروا يمكن دخلتوا علوم عشان يمديكم ترفعوا معدلاتكم - لو مو عاليه - و تحولوا بعد سنه؟؟
أو بعد ترم لغير الكليات الصحيه..

الله أعلم فين الخيره لكم..

حبايبي الحياة ما وقفت..وانا ااقول لكم دا الكلام لأني عشت في حاله هستيريه لوول..
من جد دحين اضحك على نفسي كنت في غبااء بصراحه..

معليش آسفه لو ردي زعلكم بس لأن زي ما ذكرت لكم مريت في التجربه العبيطه..^^

و لا تنسوا قوله تعالي في صورة البقره : { وبشر الصابرين } لا تجزعوا

و الله معاكمـ..
ومره آسفه قرقرت كتييييييييييييييير
^__^

[Jow]

Dna:الله يريحك والله ريحتيني شوية .... لووووول
بس برضو انا جواتي خوف ما اعرف من ايش =s
طيب في المستقبل ايش راح يكون مصيري ؟؟

مواد عامة يعني تقريبا نفس اللي درستها في السنة التحضيرية ؟؟
معليش سؤال اخير << والله ادري اني طفشتك بس حابة اعرف في مجال اني ادرس التخصص دا في الجامعة ولا شرط اني اكمل في الكلية ..... واذا في مجال كيف يمديني احول ؟؟

[shosho0o]

سمعت عن تخصص اسمه إحصااء حاسب شكلة في العلوووم ليش ما تبحثي عنه يمكن يعجبك

[Jow]

رح ابحث عنو واشوف .... وإن شاء الله من هنا الين ما تخلص السنة الجاية ويجي وقت التخصصات يحلها ربي

[DNA..~]

المشاركة الأصلية كتبت بواسطة jow dna:الله يريحك والله ريحتيني شوية .... لووووول بس برضو انا جواتي خوف ما اعرف من ايش =s طيب في المستقبل ايش راح يكون مصيري ؟؟ مواد عامة يعني تقريبا نفس اللي درستها في السنة التحضيرية ؟؟ معليش سؤال اخير << والله ادري اني طفشتك بس حابة اعرف في مجال اني ادرس التخصص دا في الجامعة ولا شرط اني اكمل في الكلية ..... واذا في مجال كيف يمديني احول ؟؟

لا و الله بالعكس لا طفشتيني ولا شيء ^__^

شوفي يا اختي ^_^
صلي استخاره بما إنك خايفه لأن لسه يمديكِ تكملي في العلوم أو تحولي لو رغبتك شيء آخر..
ايش قصدك في مصيرك؟؟ يعني التوظيف ولا كيف؟
التوظيف..في المستشفى ، مصانع الأدويه ، مراكز الابحاث و التطوير...إلخ
يمديكِ تكملي ماستر بأي تخصص حابه..سواء هنا ولا برا..
الوظايف في ناس يقولوا ان طلاب العلوم ماينقبلوا في المستشفيات و في ناس تقول العكس^^
انا ما اسمع للي يقول العلوم ما ينقبلوا لأن رزقي بيد الله مو بيد البشر..
لا مو زي اللي درستيهآ تكون متوسعه شويه لكن مو مره صعبه..
بصراحه ما اعرف هما لازم ينزلوا لكم مواد اجباري ولا تدرسي الترم على كيفك ماعندي فكره
شوفي الخطه لونزلت لك في الأودوس..
المواد العامه مثلًا كيمياء202 - احياء202 معامل كيمياء و احياء و زي كذا..بس والله مو متأكده لأن انا دفعة 08 كنا سنه اسمها سنة العلوم الطبيعيه يا ادخل حاسب او علوم و على طول المستوى الثالث تخصصنا بالعلوم..انتِ دحين مستوى ثالث بس مدري كيف نظامكم..

اممم حسب علمي التخصص لو كنتِ تسألي عن الحيوي هو في الجامعه بس فرع الكليه حسب ما سمعت انه مافي اقصد اللي بالفيصليه..

على فكره الكيمياء الحيويه بس في جامعتين في السعوديه هنا بالإنجلش اما جامعة سعود بالعربي..

التحووويل
لأي كلية غير الصحيه بعد ترم
للكليات الصحيه بعد سنه :)

[Jow]

شكرااااااااااااااااااااااااااااااااااااا ياقمرررررر
على فكرة انا لسه ما بدأت في العلوم انا توني مخلصة من التحضيري وتلقيت صدمة من الأوديس اني مقبولة في العلوم يعني لا اقدر احول ولا شي << الحمد لله على كل شي
التخصصات على حسب المعدل اللي اجيبو ؟؟ وكم لازم اجيب عشان يقبلوني في الكيمياء الحيوي , الأحياء , الرياضيات ,....... الخ

[DNA..~]

انا آسفه طلع غلط..

لأن في بنت قالت لي انه كذا لكن اتضح لي ان التخصص حينزل لك في الاودوس..^^

يعني حتعرفي من بدري

القبول في تخصصات العلوم سهل لا تخافي..

شوفي دا الموضوع

http://www.skaau.com/vb/showthread.php?t=224290&page=2

بنات دفعة 09 خبرتهم حتكون احسن مني لأن هم زي نظامكم :)

[Jow]

Dna: شكراااااااااااااااااااااا الله يوفقك ربي
بما انك ماشاء الله متخصصة كيمياء حيوية
اعطيني فكرة عن التخصص ؟؟ يعني ايش مميزاتو سيئاتو
هل في تطبيق عملي ؟؟ ولا كلو نظري ؟؟ في تجارب ؟؟ مختبرات ؟؟ .....
قوليلي عنو

[DNA..~]

المشاركة الأصلية كتبت بواسطة Jow Dna: شكراااااااااااااااااااااا الله يوفقك ربي بما انك ماشاء الله متخصصة كيمياء حيوية اعطيني فكرة عن التخصص ؟؟ يعني ايش مميزاتو سيئاتو هل في تطبيق عملي ؟؟ ولا كلو نظري ؟؟ في تجارب ؟؟ مختبرات ؟؟ ..... قوليلي عنو

العفو يا قلبي..

طيب التخصص يتكلم عن التفاعلات الحيويه داخل جسم الإنسان..
كيف تتكون الطاقه..؟ عمليات الهدم و البناء ( عمليات الأيض ) bolism
دراستنا طبعًا كلها بالإنجلش ^_^
يتكلم عن الكربوهيدرات ، البروتين ، الأحماض الأمينيه..إلخ
القسم ممتع الحلو فيه تستفيدي منه في حياتك اليوميه ^_^
ماهو سهل ولا صعب في مواد كدا وكدا..
يحتاج مجهوود يعني مو حق مشي حالك..
الحمدلله دكتوراتنا عسل بس كم دكتوره الله يسامحهم ويبعدني عنهم ^^..
لو حبيتيه حتشمي فيه..

احنا بندرس مواد في منها نظري و في مواد معاها المعمل تبعهآ..المعامل جدًا سهله
التجارب ممتعه احيانًا نسميهآ سحر لوول..
يعني تحطي ماده مع ماده كانت شفافه فجأه تصير فووشي لوول..
إذا قصدك تطبيق عملي في متشفى فالجواب نعم..
الماده اسمها التدريب الميداني ودي انا اخدها دحين قاعده اطبق في المستشفى..في المختبر..
تحاليل و زي هيك..

^__^

و اي سؤال انا حاظره

[DNA..~]

bolism = bolism
مدري ليه مو راضيه تطلع كامله

ميتابوليزم لوول مدري ليه النحاسه