ملخص أيام السنة التحضيرية ... هنا

[ARWA ~]

الاحصاء - الكيميا - الرياضيات = كلها سهله و حلوهـ وقت المذاكرة .. شآربه المنهج شرب ..

في الاختبار كأنـي أختبر منهج ثآنـي ..

الفيزيآ = ما ابغا اتكلم لو اتكلمت حأنطرد أصلا خخخ

حآسب - اتصآل - e = يجـي منـو .. عـآدي ..


سنـه حلوهـ عمومـآ .. في البداية صعبه .. لأنـي كنت معودة ع نظآم المدرسة الوآحد يجري ورآيآ ..

لكن بالجامعة تعتمدي ع نفسك و بـس .. !

صحبآت حبوبآت و كل شئ ..

بس اللي يقهر انـو كـل ترم و انتـي بقروب ..

الترم الأول صحبآت .. خلص الترم ، ما سرنا نتقآبـل ، بس فون ..

و الترم دآ .. برضو حبات زي العسـل .. و انشآلله دآيمـآ يكونوآ معـآيـآ ..

كوكو شانيل // أثوري ~> فديتوووووووو

^.^

[mnonna]

انا السنة دي حبيتها .. مو عشان النظام والقرف الي عاملينو بس عشان الناس العسل الي عرفتهم
احلى ماده بالنسبالي كانت الاحصاء .. اول مره فحياتي استمتع في محاضارات وفي الاختبارات كمانا و علامتي فيه كانت احسن علامه
واسهل ماده بالنسبالي كانت الانقلش بلا منازع ..لانها ماتتزاكر اصلن والي يزاكر مايتسفيد لانو مايجي من الكتاب
ابيخ وارزل ماده .. الرياضيات .. لا مزاكره حلوه ولا اختبارات عدله وقسم ماحبيتو ولا نقطة

الاستازات الي درسوني بشكل عام كانو جيدين ...وفي منهم كانو ممتازين الله يسعدهم
واستفدت اشياء مره كتير من السنة دي ..
وبس ^^

[الشيمآء]

^
منونآ متأكدة الاستازات كويسين !
و دكتورة الكيميآء كآنت كويسة !!
<< الآدمية اللي درستنآ مسببة لي أزمة .. *_*

[طالب ثانوي متخرج]

الحمدلله كلها كم يوم وتطلع النتائج وتعدي السنه التحضيريه بحلوها ومرها

صراحه بالنسبة لي كانت سنه غريبه وغير طبيعيه عشان اغلب اصحاب القلب مو معي( اصحاب الثانويه اغلبهم كانوا معي من المتوسطه حتى ثالث ثانوي في نفس الفصل والله عشرة عمر)


كانت بداية السنه التحضيريه لي كالصدمه كاني ضايع لكن الحمدلله بدينا نتاقلم مع الوضع

اولا
الاحصاء - كان جدا ممتع كان معنا الدكتور الرائع المتواضع سعيد الغامدي << يا ناس والله ان قلبه طيب هالادمي يتواصل مع طلابه بكل سهوله حتى انا لاحظت الطلاب ابدا ما يترددون عند سؤاله الله يوفقه

الكيمياء- الحمدلله كانت في البدايه عقده لكن الحمدلله شويه شدينا حلينا وصارت سهله وايضا هنا اشكر الدكتور ابراهيم مخالد كان اكثر من مجرد دكتور

الفيزياء - ما ادري وش تبي من الحياه هالفيزياء (انا احب هالماده لكن بعد الجامعه كرهتها) وخصوصا كان عندنا دكتور الترم الاول ما اقول الا الله يستر عليه بس (جدا يشرح بدون نفس) والمصيبه ما يشرح من الكتاب ولا شي يشرح اشياء غريبه(الحمدلله جبنا فيها درجه حلوه )

الانقلش- لا تعليق

مهارات الاتصال- ماده اكثر من رائعه لا تحتاج مذاكرة بل هي من واقع حياتنا يعني لو ما اذاكرها اجيب 80 بالراحه(جبت فيها اعلى درجه الترم الاول) ايضا ولا ننسى الدكتور عمر ياسين شعبان كان هالدكتور روووعه له اسلوب يتعامل فيه مع الشباب تخلي كل واحد يحترمه(بالرغم من كبر سنه)

واخيراا -
كانت تجربه حلوه بالنسبه لي ولا يمكن انساها

[بشووري]

كل سنة وكل واحد في التخصص الي يبغاااه يااارب

بجد هذي السنة كيف مرت بسرعه الحمد الله وتعلمنا فيها اشياء

كتييير ..

صراحه من الثانوي مااحب شي غير الماث وكنت الفيزياء ولمن

درستوا في الجامعه بطلت خخخخ..

با التوفيق للكل ياارب

[M!ss 5o05a]

شكرن على الموضووع :)

الحاسب بعد مذاكره الفاينل كرهتوو>>لاتسألنوني اجل ليش تبغي تتخصصيه >>انا بنفسي مو عارفه الجواب

هع :)

مآدة الحاسب في السنه التحضيريه مرره غير عن التخصص نفسو...

والله أنا معاكي حاسب التحضيري وع ..:(


بس ان شاالله التخصص ممتع ولزيز ..

[M!ss 5o05a]

ليآ بآك بعد الاختبارات ان شاالله :(

حلووه اللي مو مصدقين اننا بنخلص ..!!
معقووله خلااص ..!!>>براا

[DANoOo.R]

اممممم السنه التحضيريه أو بالنسبه ليا التحطيميه
ما أنكر أنها سنه حلوة وسيئه في نفس الوقت
استمتعت فيها وضحكت وبكيت وزعلت وكل شي وكان كل يوم بالنسبه لي تحصل فيه أحداث جديه
كنظام الحمدلله ماواجهت صعوبه لأني كنت في مدرسه مطورة نفس نظام الجامعات ولازم تعتمد على نفسك
والمواد أخ نجي للمواد

الأحياء>>ماده ممتعه بس محاضراتها تجيب النوم وبالذات أنها كانت في الصباح ياسلاااام أحلى نومه في الكلاس
بس متعبه في المذاكره وكل اختبار أحياء لازم أبكي قبل الاختبار لأني ماخلصت الأسئله المقلوبه خخخخ

الكيمياء >>ياكرهي لدي الماده ودكتورتها جدا إنسانه سيئه لأبعد درجه حسبي الله عليها ونعم الوكيل كانت تقولنا خذوها صيفي ايش يعني لو حملتوها معاكم إن شاء الله تحملوها وحملناها معانا كأنو باب السما كان مفتوح وقتها وربنا استجاب دعوتها حسبي الله عليها 37 طالبه تقريبا من الشعب اللي تدرسها راسبين في الكيمياء>>مقهورة منها

الإحصاء>>ماده ممتعه ومحاضرتها كنت احرص أني ما أضيعها مو أول مره تعدي عليه أخذتها في الثانوي وفي الجامعه أسهل من الثانوي بكثييييير ودكتورتها ربنا يسعدها جدا رااااائعه وشرحها خطيييير ماشاء الله

الفيزياء>>مدري ايش تبغى دي الماده من الحياه يعني تفاحه طاحت على الأرض لازم يسوي حكايه
بس على العموم كانت محاضرتها ممتعه لأنه الدكتورة ماتدري عن نفسها والبنات شغالين كلام وطبعا كنت انا وصحباتي نتكلم ووحده مسكينه دايما تنظلم وتغير الدكتورة مكانها حتى في الاختبار ماسلمت منها هههههههه

الرياضيات>>ماده سهله ومحاضرتها كنا انا وصحباتي نقرر أنه مانركز مع الاستاذه ونقعد نتلكم وكل الكلاس مشغول بالبلاك بيري خخخخ

الحاسب>>ماده غير متطوره وممله بس ترفع المعدل

مهارات الاتصال>>ماده ممتعه وحلوة ومن واقع حياتنا واستفدت منها كثير

الانجليزي>>حبيب قلبي في الترم الأول مرررره كان جنااان وفله كانت دكتورتنا هنديه وماتفهم عربي وفي الاختبار أنواع الغش بالعربي هههههههه بس اتعلمت كم كلمه خخخخ
والترم الثاني جدا ممل وكلاس بارد مافيه حماس كنت تقريبا ساحبه على كل المحاضرات

باختصار >>دا كله ولسه في اختصار
استفدت من دي السنه اتعرفت على بنات كثير كونت صداقات في فرع الفيصليه وفرع السيلمانيه وأغلبهم من المنتدى
بنات زي العسل ياناسوا عليهم
طبعا ماننسى أخواننا الأولاد كمان اللي في المنتدى جدا رائعين ساعدونا في أشياء كثيره
الأخ مراد..ود/روميو..راقي ورايق..Life as Game..MUDY-MA..الزعيم..د.أسامه وكثير من الأولاد يعطيهم العافيه ويوفقهم يارب

وأتمنى من الكل يسامحني إذا في يوم غلط أو أحد اضايق مني
وسوري على الاطاله والتعبير اللي كتبته خخخخ

بالتوفيق للجميع وإن شاء الله الكل يدخل التخصص اللي يبغاه ^_^

DANoOo.R

[مراد الجنيد]

دانــو هادي شــهادة اعــتز فـيها انــك تضـعي اسمي كـشخص افدتك ولو بشيء بـسيط ، بالتـوفـيق (:

[Abdulrahman alqahtani]

المشاركة الأصلية كتبت بواسطة DANoOo.R طبعا ماننسى أخواننا الأولاد كمان اللي في المنتدى جدا رائعين ساعدونا في أشياء كثيره الأخ مراد..ود/روميو..راقي ورايق..Life as Game..MUDY-MA..الزعيم..د.أسامه وكثير من الأولاد يعطيهم العافيه ويوفقهم يارب وأتمنى من الكل يسامحني إذا في يوم غلط أو أحد اضايق مني وسوري على الاطاله والتعبير اللي كتبته خخخخ بالتوفيق للجميع وإن شاء الله الكل يدخل التخصص اللي يبغاه ^_^ DANoOo.R

والله اللي سويناه لكم بالنسبة للي سويتوه لنا ما يتقارن يالبنات والحق ينقال

اهم شي نطلع من المنتدى بذكر طيب اللهم لك الحمد

بالعكس انتي اللي سامحينا والله تعبناك معانا

danooo؟ فيه احد يتضايق منها؟!! مستحييل